1 थेस्‍सलोनिकॆयर 5:21 - पुना गच्छरना NT (BSI)

²¹ लिकिन उर्मी कत्‍था गुट्ठिन अरा नलखन बिढ़'आ ती ऎरा। एकदा बॆस लग्‍गो अदिन इंझ्र'आ अरा धर'आ।

1 थेस्‍सलोनिकॆयर 5:21 ပူးပေါင်းရင်းမြစ်များ

लू‍कस 12:57

अरा नीम नीमिन एन्‍देरगे नेव‍ई नना पोलदर एन्‍द्रा मानिम र'ई?

यॊहनस 15:4

नीम एंग्‍है नू बन्चका र'आ, अरा ऎन निम्‍है नू बन्चका र'ओन। एकन्‍ने लड़ंग अंगुर ख़ोप्‍पा नू मल बन्चकी र'ओ ती, आद तंग्‍है ती ख़ंजपा चि'आ पुल्‍ली। अन्नेम नीम हूँ एंग्‍है नू मल बन्चका र'ओर होले, ख़ंजपा चि'आ पोल्‍लोर।

यॊहनस 8:31

तहाँ येसुस तंगन पत्ताचका अबड़ा यहूदीरिन बाचस, “नीम एंग्‍है कत्‍था नू बन्‍चका र'ओर होले, नीम मानिम नू एंग्‍है चेला मनोर।

त‍इरकर 11:23

बरनबास असन अंड़सियस ती धर्मेसी सोग्‍गे आबोन ईरियस ख़ने आस रिझ्रस। आस ओर्मारिन उर्बस नू सौंसे जिया ती मानिम गने बड़ियर र'आ गे रिझ्रताचस।

त‍इरकर 14:22

अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”

त‍इरकर 17:11

इबड़ा ता यहूदीर थेस्‍सलोनिकॆ नगरे ता यहूदीर ती दौ ओक्‍कना इजना रहचर। अरा अबड़र कोड़हे ओन्‍क'आ ती कत्‍थन इंझ्रर, अरा उर्मी उल्‍ला आर नेम्हा पुथी नू बेद्दा लगियर का इबड़ा कत्‍था एन्नेम र'ई का मला।

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

रोमी 12:9

निम्‍है चोन्हा मानिम चोन्‍हा मन्ना र'ई। मलदौ आबोन ख़ाँड़'आ अरा दौ नना गे मने नना।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

1 कोरिन्‍थ 2:11

ओर्त आलासी सोच आबोन आ आलासी बॊलतन अम्‍बरकी नॆ हूँ अख़'आ पोलनर। ई लेक्‍खम धर्मेसी बॊलतासिन अम्‍बरकी नन्‍नर नॆ हूँ धर्मेसी सोच आबोन अख़'आ पोलनर।

गलातिया 6:10

औंगे एका गूटी नमा मोका ख़क्‍ख्र'आ लगी, नाम ओर्मर ही दौ ननत र'ओत, कोड़हे गा पत्त'अना नू र'अनर नम्‍है भइय्योर गे दौ नना।

इफेसुस 5:10

औंगे उर्बासिन एन्देर रिझ्रत'ई अदिन नीम अख़'आ हो'आ।

फिलिप्‍पी 1:10

होले कोड़हे बॆस एन्देर एन्ने नीम अख़'आ ओंगोर। अरा मसीसी अउरिम बरना उल्ला गूटी नेम्‍हा अरा बिगर बदी ती उज्जा ओंगोर।

फिलिप्‍पी 3:16

अन्नु हूँ नाम एका गूटी पखड़ मंज ख़च्चकादत अदही लेक्‍खम उज्जा गे चिहुट नन्ना र'ई।

फिलिप्‍पी 4:8

छेद्दे नू अना भईरो, एका एका कत्‍था मानिम र'ई, अरा एका एका कत्‍था मईन जॊगे र'ई, एका एका कत्‍था उजगो र'ई, अरा एका एका कत्‍था निमन र'ई, अरा एका एका कत्‍था चोन्हा र'ई, अरा एका एका कत्‍था दौ नामे ख़क्ख्र'ऊ र'ई, अरा एका एका कत्था कोड़हे बॆस अरा ओहमा जॊगे र'ई, अबड़ा ही पत्त नू लेका सोचते र'आ।

1 थेस्‍सलोनिकॆयर 5:15

अरा मलदौ नन्‍नर आर गे नॆ हूँ मलदौ अमा नना। लिकिन सदौ ओर्त ओर्त गने अरा ओर्मर संगे दौ नना गे तिहा नना।

1 थेस्‍सलोनिकॆयर 5:22

उर्मी रकम ही मलदौ ती तरकूटी र'आ।

2 थेस्‍सलोनिकॆयर 2:15

औंगे भईरो, नीम बड़ियर मन्नुम कला अरा एम्‍है बई ती मेंजका कत्‍था ती महले एम्‍है चिठी ती नीम सिख्रका र'अदर अदिन धर'आ।

2 तीमोथियुस 1:15

नीन अख़दय का आसिया राजी ता पत्त'ऊ आलर ओर्मर एंगन ती किर्रका केरका र'अनर। कोड़हे गा फुगेलोस अरा हेरमोगेनेस हों आर नू र'अनर।

2 तीमोथियुस 3:6

इबड़र तिम जोक्‍क आलर एड़पा नू कलेकले कोरनर ती छिनैर मुक्‍कारिन तम्‍है आकुस नू नन्नर, एकार उर्मी रकम ही सुख-सौंरत गुट्ठी नू अरा पाप गुट्ठी ती लिन्‍डरकानर।

2 तीमोथियुस 4:14

अलेक्‍सन्द्रस ठठेरवस एं‍गा गे कोड़हे मलदौ नंजस। उर्बस आसिन एंग्‍है म‍इय्याँ नंजका नलख गे दंडे चि'ओस।

इब्रानी 10:23

अरा नॆ नमा गे गच्‍छरनन चिच्कादस आस पत्त'अना जॊगे र'अदस। औंगे नाम गोवाह चि'ऊ असरा आबोन ठिमठिम गने धरचका र'ओत।

1 यॊहन 4:1

अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।

दहदर मंजका कत्‍था 2:2

ऎन निंग्‍है नलख गुट्ठिन अरा कोड़हे अरज'अनन अरा खतिर नन्नन अख़दन। ऎन अख़दन का नीन मलदौ आलारिन मल सहदय, अरा तइरका मलका ती हूँ तमन तइरकर ब'उरिन नीन बिढ़'अरकी आर ठकवा तइरकर एन्ने अक्कय।

दहदर मंजका कत्‍था 2:25

अन्‍ति नीम एंग्‍है बरना गूटी एंग्है नू जिटजिटने पत्त'अते र'अना र'ई।

दहदर मंजका कत्‍था 3:11

ऎन चाँड़हे बर'आलदन, एंग्है नू जिटजिटने पत्त'अते र'आ। ख़ने नॆ हूँ निंग्‍है इनामन मल हो'ओर।

दहदर मंजका कत्‍था 3:3

औंगे सुरता नना का एका कत्‍थन नीन इंझरकादय अरा मेंजकादय, अरा अदिन पॆस्र'आ, अरा जियन किर्त'आ। नीन एज्रका मल र'अदय होले, ऎन ख़लबस लेक्‍खा बर'ओन। अरा नीन कहियों बल्लोय का ऎन एका बेड़ा नू निंग्है बिड़दो बर'ओन।