1 थेस्‍सलोनिकॆयर 5:2 - पुना गच्छरना NT (BSI)

² एन्‍देरगेका उर्बासी बरना उल्‍ला माख़ा ख़लबर ही बरना लेक्‍खा मनो, अदिन नीम बॆस लगे अख़दर।

1 थेस्‍सलोनिकॆयर 5:2 ပူးပေါင်းရင်းမြစ်များ

मत्तायोस 25:13

औंगे नीम एज्रका र'आ, एन्‍देरगेका नीम आ उल्‍लन महले आ बेड़न बलदर।

लू‍कस 21:34

नीम चिहुंक ननके। ख़ॆख़ेल ता ओन्ना-मॊख़ना ही चिबाख़ारना अरा उंखना अरा ख़ॆख़ेल ही जिनिस ता फिकर ती निम्‍है जिया अम्‍बन बेहड़ार'आ का आ उल्‍ला निमा गे ‍अचका ही ‍अंड़सा ख़च्‍चो।

1 कोरिन्‍थ 1:8

धर्मेस निमन मुंजा गूटी पत्त'अना नू बड़ियर उइय्योस। औंगे नीम नम्‍है उर्बस येसु मसीसी किर्रना उल्‍ला नू बिगर बदी ही र'ओर।

1 थेस्‍सलोनिकॆयर 5:4

लिकिन अना भईरो, नीम ओर्मर बिल्‍ली ही आलर अरा उल्‍ला ही आलर हिकदर। नाम माख़ा अरा ऊख़ा ही मलदत। नीम गा धर्मेसिन बल्‍लू आलर लेक्‍खा ऊख़ा नू मलकर का आ उल्‍ला ख़लबस लेक्‍खा बर'ओ ती निमन कुल्‍लो।

2 थेस्‍सलोनिकॆयर 2:2

एकअम धर्मेसी कत्था तिंगुर ही कत्‍था महले नन्नर ही कत्‍था महले चिठी एम्‍है तरती बरचा ब'अरकी, अइय्या “येसु मसीसी बरना अंड़सकी र'ई” एन्ने लिख्रकी र'ई ब'अरकी ब'अनर होले हूँ अत्र इत्र अमके मना।

2 पतरस 3:10

लिकिन उर्बासी बरना उल्ला गा ख़लबस लेक्खा आचका बर'ओ। अउला मेर्ख़ा गुट्ठी गरजारनुम मेटर'ओ कालो, अरा मेर्ख़ा ता आलॊ गुट्ठी गौंगौंर'ओ ती चोदख़ो कालो ती नठार'ओ, अरा ख़ॆख़ेल नू आलर नंजका उर्मिन धर्मेस नेंवई नना गे दहदर नन्त'ओस।

दहदर मंजका कत्‍था 16:15

उर्बस ब'अदस, “ऎरा, ऎन ख़लबर लेक्‍खा आचका बरदन। नॆ एज्रका र'अदस, अरा तंग्है किचरी कुट्ठिन अत्तका र'अदस का लंगड़ा अम्‍बोस कुद्दा, अरा आलर आसिन लंगड़ा अम्‍बोर ऎरा, आस आसीस ख़क्ख'ऊ र'अदस।”

दहदर मंजका कत्‍था 3:3

औंगे सुरता नना का एका कत्‍थन नीन इंझरकादय अरा मेंजकादय, अरा अदिन पॆस्र'आ, अरा जियन किर्त'आ। नीन एज्रका मल र'अदय होले, ऎन ख़लबस लेक्‍खा बर'ओन। अरा नीन कहियों बल्लोय का ऎन एका बेड़ा नू निंग्है बिड़दो बर'ओन।