17 गोहरारनन अमा अटक'आ।
येसुस तंग्है चेलर गे मल हेन्दवारना ती सगरोम गोहरारते र'अना र'ई इदन तेंगा गे ई जोक्खा ख़ीरिन तिंगियस।
औंगे उर्मी बेड़ा एज्रका र'आ। अरा गोहरार'आ का बर'ऊ अबड़ा जम्मा खिलपत ती बछर'आ गे सवंग अरा मनवा ख़द्दन एंग्हा मुन्दहारे इजना जॊगे मन्दर नेकअन।”
असरा नू खुसमार'आ, खिलपत नू सहनुम र'आ, गोहरारना नू बोथ्रका र'आ।
उर्मी बारी उर्मी रकम ही गोहरारना अरा ने'अना ती नेम्हा बॊलतस नू गोहरार'आ। अरा इदन जिया नू उइय्यरकी एज्रका र'आ। अरा सगरो उर्मी नेम्हा आलर गे गोहरारनुम र'आ।
गोहरारतेम र'आ, अरा धर्मेस गे धन्यवाद नना ती गोहरारना नू एज्रका र'आ।
उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।
