1 थेस्‍सलोनिकॆयर 5:14 - पुना गच्छरना NT (BSI)

¹⁴ अना भईरो, ऎम निमन गोहरारदम, लंडी र'अनर आरिन चेताब'आ। हेन्‍दवारका आलर गे डिढ चि'आ। पयहारिन सम्ड़ह'आ। ओर्मर गने सह'आ ती र'आ।

1 थेस्‍सलोनिकॆयर 5:14 ပူးပေါင်းရင်းမြစ်များ

मत्तायोस 12:20

आस लट'ई मंजका जिन्‍तो लट्टिन मल एस'ओस महले कुहड़ारना बिल्‍लिन मल तेभ'ओस। अरा आस नेंव‍ई आबोन जितना गूटी कड़हाब'ओस।

लू‍कस 22:32

ऎन गा निंग्हा पत्त'अना मल अम्‍बर'आ गे बिन्‍ती नंजकन। एकाबारी नीन एंग्‍है गुसन किर्रोय निंग्‍है भ‍इय्योरिन बड़ियर ननके।”

त‍इरकर 20:27

एन्‍देरगेका धर्मेस एन्‍द्रन नीम अख़'आ गे बिद्दियस अबड़ा उर्मिन ऎन निमा तिंकन।

त‍इरकर 20:31

इदगे एज्रका र'आ अरा सुरता नना का ऎन तीन बछर गूटी उल्‍ला माख़ा चींख़ा चींख़ा ओर्त ओर्तारिन चेताब'आ गे मल अम्‍बकन।

त‍इरकर 20:35

ऎन निमन उर्मिन नंजकन ती ऎदकन का एकासे कोड़हे सक‍त नलख ननरकी पयहा आलारिन सम्‍ड़'अना, अरा उर्बा येसुसी कत्‍था गुट्ठिन सुरता नन्ना चाड़ र'ई। आस तानीम बाचकादस का ‘हो'अना ती चि'अना कोड़हे बॆस हवे।’”

रोमी 12:1

अना भ‍ईरो! ऎन निमन बिन्‍ती नन्‍दन का धर्मेस निमा गे नंजकादस आ नलखन सुरता उइय्यरकी नीम निमन धर्मेस गे उज्‍जना दाँड़े बेसे चि'आ, अरा नेम्‍हा उज्‍जना ती आसिन रिझ्रत'आ, इदिम आसी महबा नन्ना ही मानिम डहरे हिके।

रोमी 14:1

एकास पत्त'अना नू पयहा र'अदस आसिन इंझ्र'आ, लिकिन आसी जिया ही ठुकठुकरना म‍इय्याँ अमा नग्‍गानखर'आ।

1 कोरिन्‍थ 4:14

ऎन निमन लज्‍जे मॊख़त'आ गे इदन मल लिखदन। लिकिन निमन एंग्‍है चोन्‍हा ख़द्द ब'अरकी निमन तिगाब'अदन।

1 कोरिन्‍थ 8:7

लिकिन उर्मी पत्त'ऊ आलर ई लूरन मल ख़क्‍खियर। जोक्‍क आलर अक्‍कु गूटी मूर्ती गुट्ठिन मानिम आलॊ एन्ने सोचनर। औंगे मूर्ती गुट्ठी गे दाँड़े अरगका ओन्ना-मॊख़नन मॊख़ना बारी, आद मूर्ती गुट्ठी गे दाँड़े अरगका ओन्ना-मॊख़ना एन्ने दिम सोचनर। अरा आर ही लखना इदही पत्त नू फरी मल र'अना चड्डे आद मड़ख़ी क'ई।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

इफेसुस 4:2

नीम सगरो निमन सन्नी नना ती लुदऊ गने अरा खतिर मन्ना ती र'आ, अरा ओर्त ओर्तोरिन सहना ती चोन्‍हा गने ऎका।

इफेसुस 4:32

अरा ओर्त ओर्तारिन मया नना अरा सोग्गे ऎरा। अरा एकासे धर्मेस मसीसी चड्डे निम्‍है अक्‍का-बलकन छमा नंजस, अन्नेम नीम हूँ ओर्त ओर्तारिन छमा नना।

कोलोस्से 1:28

औंगे ओर्मा आलारिन मसीस नू बड़ियर ननरकी इजत'आ गे ऎम ओर्मा आलर गे मसीसी पत्त नू तेंगरकी धर्मेसी चिच्का उर्मी लूर ती ओर्त ओर्त आलारिन तिगाब'अदम अरा सिखाब'अदम।

2 थेस्‍सलोनिकॆयर 3:15

अन्नू हूँ आसिन बैरी लेक्‍खा अमके सोच'आ। लिकिन भई अख़'आ ती चेताब'आ।

1 तीमोथियुस 3:3

आस उंखुस अरा पस'ऊ कूड़ू अम्‍बोस र'आ। लिकिन आस लुद‍ऊ र'अना र'ई। आस नग्‍गानख्र‍'ऊ अरा ढिबा ही चिबाख़ार‍'ऊ अम्‍बोस र'आ।

1 तीमोथियुस 6:11

लिकिन अना तिमोथियु, धर्मेसी आलायो, नीन इबड़ा उर्मी कत्‍था ती तरकूटी र'आ, अरा मानिम डहरे नू उजगो ऎका, अरा महबा, पत्त'अना, चोन्‍हा, सहेलहे अरा लुदऊ जिया नन्ना नू र'आ।

2 तीमोथियुस 4:2

नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।

तीतुस 1:10

एन्‍देरगेका नगदे आलर मल गदन‍'ऊ अरा अन्‍भनियाँ कछनख्र‍'ऊ अरा ठक‍'ऊ र'अनर। कोड़हे गा नाड़र'आ गे खतना ही चाड़ र'ई ब'ऊ आलर एन्ने र'अनर।

तीतुस 1:6

सेयान आलस गे ओक्‍कना इजना नू बिगर बदी ही अरा ओन्‍टा लेका मुक्‍का ही मॆत र'अना र'ई। आसी ख़द्द-ख़र्रा पत्त'ऊ र'अना र'ई, अरा आर भड़ुवा नलख ननू अरा मल गदन‍'ऊ मल र'अना र'ई।

इब्रानी 12:12

औंगे निम्‍है उलू फूलु ख़ेक्खा अरा पयहा मूका गुट्ठिन बड़ियर नना।

इब्रानी 13:3

नीम गुड़रका आलारिन सुरता ननके का नीम हूँ आर ही गने गुड़रका र'अदर एन्ने सोच'आ। अरा नॆ डाहरनर आरिन हूँ सुरता ननके, नीम हूँ डाहरनर एन्ने सोच'अरकी एन्ने नना।