1 थेस्‍सलोनिकॆयर 5:13 - पुना गच्छरना NT (BSI)

¹³ आर ही नलख चड्डे आरिन चोन्‍हा नना ती आरिन कोड़हे मईन जॊगे अख़'आ। अरा ओर्त ओर्त गने कोड़े ती मेस्र'आ ती उज्‍जा।

1 थेस्‍सलोनिकॆयर 5:13 ပူးပေါင်းရင်းမြစ်များ

मत्तायोस 10:40

एकास निमन इंझ्रदस आस एंगन इंझ्रदस अरा एंगन इंझ्र'उस एंग्‍है त‍इय्युस एंग्‍है बंगासिन इंझ्रदस।

मरकुस 9:50

बॆक ड‍उल हिके। लिकिन बॆक ही तीनना मेटर'ओ कालो होले, अदही तीनना एकासे कमर'ओ? निम्‍है पत्त'अना आ बॆक लेक्‍खा र'ई, औंगे निम्‍है पत्त'अना नू जिटजिट ने र'आ। अरा नीम ओरोत इरिब नू मेसेर'अरकी उज्‍जा।”

यॊहनस 15:17

नीम ओर्त ओर्त गने चोन्‍हा नना, ईदिम एंग्‍है पॆसका हवे।

2 कोरिन्‍थ 13:11

छेद्दे नू अना भईरो, रिझ्र'आ, बड़ियर मना, डिढ मना, ओन जिया ती र'आ, निभर'आ ती र'आ। ख़ने चोन्‍हा अरा सान्ति ही धर्मेस निम्‍है गने र'ओस।

गलातिया 4:14

अरा ऎन कया ही पयहा चड्डे निमा बोझा मंजकन। अन्नु हूँ नीम एंगन हींड़चकर मला अरा एंगन ख़ाँड़चकर मला। लिकिन नीम एंग्‍है एन्ने मईन नंजकर का ऎन धर्मेसी पैकस मलता मसी येसुस लेक्‍खा रहचकन।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

गलातिया 6:6

अरा नॆ धर्मेसी कत्‍थन सिख्रदस आस तंग्‍है खुर्जी ही जोक्‍क हींस गुरुर गे चि'अदस नेकअन।

इफेसुस 4:3

अरा सान्‍ति नू मेस्र'अरकी, नेम्हा बॊलतस चिच्का ओन संगे र'अनन ख़ापा गे नीम एन्देर एन्देर नना ओंग्दर उर्मिन नना।

कोलोस्से 3:15

मसीसी सान्‍ति निम्‍है जिया नू राजी ननी नेकअन। एन्देरगेका ई सान्ति गेम नीम ओन्‍टा मॆद ही बग्गे अंग लेक्खा मॆख़्रकादर। अरा नीम धन्‍यवाद चि'ऊ मना।

1 थेस्‍सलोनिकॆयर 5:14

अना भईरो, ऎम निमन गोहरारदम, लंडी र'अनर आरिन चेताब'आ। हेन्‍दवारका आलर गे डिढ चि'आ। पयहारिन सम्ड़ह'आ। ओर्मर गने सह'आ ती र'आ।

2 थेस्‍सलोनिकॆयर 3:16

अक्‍कुन कोड़े ही उर्बस तानिम निमा उर्मी बेड़ा उर्मी रकम ही कोड़े चि'अत र'अदस नेक‍अन। उर्बस निम्‍है ओर्मर संगे र'अदस नेकअन।

2 तीमोथियुस 2:22

औंगे नीन जॊंख़ परिया ता मलदौ रिझ रंग नलख गुट्ठी ती बोंगा। अरा निमन जिया ती धर्मेसी बिन्‍ती ननुर गने मानी नलख नन्ना ती, अरा पत्त'अना ती, अरा चोन्‍हा ती अरा कोड़े उज्‍जना ती र'आ गे बेद्दा।

इब्रानी 12:14

ओर्मर गने मेस्र'आ ती उज्‍जा गे अरा निम्‍है ऎकना नू नेम्‍हा गने र'आ गे चिहुट नना। बिगर नेम्‍हा ती नॆ हूँ धर्मेसिन ऎरा पोल्‍लोर।

याकॊब 3:18

एकार ओर्त ओर्त गने सान्ति गने र'अरकी सान्ति गे नलख नन्नर, आर सान्ति ही बिहनी आबोन चाँख़रकी उजगो ही ख़ंजपन ख़क्खनर।