1 थेस्‍सलोनिकॆयर 5:11 - पुना गच्छरना NT (BSI)

¹¹ औंगे नीम अक्‍कुन नना लगदर अन्नेम ओर्त ओर्तोरिन रिझाब'आ अरा ओर्त ओर्तोरिन परदा गे संगरा नना।

1 थेस्‍सलोनिकॆयर 5:11 ပူးပေါင်းရင်းမြစ်များ

रोमी 14:19

औंगे नाम एकदा कोड़े आबोन उन्‍द्र'ई अरा अपन ती नन्नर नू मेसरनन बड़ियर ननी अदिन नना गे चिहुट नन्‍दत नेकअन।

रोमी 15:14

अना भ‍ईरो! ऎन एंग्‍है तिम निम्‍है पत्त नू दौ अख़दन का नीम दौ ती निन्‍ददर अरा उर्मी रकम ही लूर ती बड़ियर मनरकी अपन ती नन्नारिन चेता ब'आ ओंग्दर।

रोमी 15:2

नमा ओर्मत गे तम्‍‍है अरबर-परबारिन दौ गे आरिन पत्त'अना नू बड़ियर मना ओंगोर अदगे सहाड़ा नन्‍ना र'ई।

1 कोरिन्‍थ 10:23

निम्है ती जोक्कोर ब'अनर, “उर्मिन एंगा नना गे अदिया र'ई।” लिकिन उर्मिन नन्‍ना नू फैदा मलकी, उर्मिन एंगा नना गे अदिया र'ई, लिकिन उर्मी गा परदा गे सहाड़ा मल चि'ई।

1 कोरिन्‍थ 14:12

निमा गे हूँ अन्नेम हिके। नीम बॊलतासी इनाम गुट्ठिन ख़क्‍खा गे मने नन्‍दर ख़ने, अबड़ा ती कलीसियन बड़ियर नन्‍त'आ गे बेद्दा।

1 कोरिन्‍थ 14:29

धर्मेसी कत्‍थन मुन्‍द तिंगुर ऎंड़ झन मलता तीन झन तेंगनर नेकअन, अरा नन्‍नर गा बाचका कत्‍थन चिहुंक ती बिढ़नर नेकअन।

1 कोरिन्‍थ 14:5

नीम ओर्मर कैनो मदहे बलना भखा गुट्ठिन कछनख्र'आ गे ऎन पत्तारदन। अन्नु हूँ कैनो मदहे बलना भखा गुट्ठिन कछनख्र'उस कलीसियन बड़ियर मन्‍त'आ गे अदही मनेन मल तेंगदस होले, धर्मेसी कत्‍थन मुन्‍द तिंगुस आस ती कोहँस र'अदस। औंगे नीम धर्मेसी कत्‍थन मुन्‍द तिंगुर मना गे ऎन कोड़हे पत्तारदन।

2 कोरिन्‍थ 12:19

ऎम निम्है मुन्दहारे एमन बिगर बदी ही बॆस आलम ऎद'आ गे अक्कु गूटी चिहुट नन्दम एन्ने नीम सोचदर का? मला, ऎम धर्मेसी मुन्दहारे मसीस नू ब'आलदम। अना चोन्हा आलारो! नीम बॊलता नू परदा गेम ऎम उर्मिन नन्दम।

इफेसुस 4:12

सुसर नलखन नना गे नेम्हा आलारिन सपड़'आ गेम आस ई इनाम गुट्ठिन चिच्चस, होले मसीसी मॆद कलीसिया बड़ियर मन्नुम क'ओ।

इफेसुस 4:16

आसी तबे नू सौंसे मॆद ओन संगे पखड़ जोड़र'ई। अरा उर्मी अंग तंग्है तंग्है मुध नलखन ननी, इत्रु ती नन्ना अंग गुट्ठी हूँ पर्दी क'ई। होले सौंसे मॆद कोड़ेम पर्दी अरा चोन्हा नू निन्दनुम क'ई।

इफेसुस 4:29

एकअम मलदौ कत्‍था निम्है बई ती मल उरखना र'ई। लिकिन मिनुर गे दौ ख़क्खा गे, आर ही चाड़ ही लेक्‍खा आरिन परदना ही संगरा ननू कत्था गुट्ठिन लेका ब'आ।

1 थेस्‍सलोनिकॆयर 4:10

मानिम नू गोट्टा मकेदोनिया नू र'अनर अबड़ा उर्मी भईर गने नीम चोन्‍हा नन्‍दर दिम। लिकिन भईरो निमा आर गने अउरिम कोड़हे चोन्‍हा नन्‍ना र'ई, अदगे निमन तिगाब'अदम।

1 थेस्‍सलोनिकॆयर 4:18

औंगे इबड़ा कत्‍था गुट्ठी ती ओर्त ओर्तोरिन रिझ्रत'आ।

1 तीमोथियुस 1:4

अरा तेंगना ख़ीरी गुट्ठी नू अरा मल मुंज्रना खुटी गुट्ठी नू तंम्‍‍है बेड़न अनभनियाँ मुंजनन अम्‍बा गे आना। इत्रु ती आनानखरना गुट्ठी लेका मनी, अरा धर्मेस नू आलर गे पत्त'अना ही उज्‍जना उज्‍जा गे संगरा मल मनी।

इब्रानी 10:25

अरा एकासे जोक्‍क आलर नन्नर अन्ने नमा ख़ॊंड़रनन मल अम्‍बना र'ई। नाम अख़दत का धर्मेस आलारिन राजी नन्ना ही उल्‍ला हेद्दे अंड़सा लगी। औंगे तंग्‍है ती नन्नारिन रिझ्रत'अनुम र'ओत।

इब्रानी 3:13

लिकिन एका गूटी “इन्ना” ता उल्‍ला र'ई आ गूटी नीम उर्मी उल्‍ला ओर्त ओर्तारिन रिझाब'आ, होले नॆ हूँ पाप ही फन्‍दा नू बझ्र'ओर ती धर्मेसी बिड़दो नू बेड़हा मल मनोर।

2 पतरस 1:12

औंगे इबड़ा कत्था गुट्ठिन सगरो सुरता नन्ताते र'ओन। नीम इबड़न मुन्द तिम अक्कादर, अरा अक्कुन इबड़ा कत्था गुट्ठी नू मानिम नू बन्चका र'अदर। अन्नु हूँ अउरिम सुरता नन्त'आ बेद्ददन।

यहूदा 1:20

लिकिन अना दुलारो, नीम गा निम्है कोड़हे नेम्हा पत्त'अना नू निम्है उज्जनन परद'आ, अरा नेम्हा बॊलतस नू गोहरारते र'आ।