1 थेस्‍सलोनिकॆयर 4:7 - पुना गच्छरना NT (BSI)

⁷ एन्‍देरगेका धर्मेस नमन नेम्‍हा उज्‍जना उज्‍जा गे मीख़कादस, सोतबोड़'आ उज्‍जना उज्‍जा गे मल्‍ला मीख़का।

1 थेस्‍सलोनिकॆयर 4:7 ပူးပေါင်းရင်းမြစ်များ

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

1 कोरिन्‍थ 1:2

कोरिन्‍थ नगरे नू मसी येसुस नू नेम्‍हा मन्तारका अरा नेम्‍हा मना गे मॆख़्रका धर्मेसी कलीसिया गे अरा नमा अरा आर ही उर्बस नम्‍है येसु मसीसी नामेन उर्मी अड्डा नू ऒड़ ननू ओर्मर गे ऎम लिखदम।

गलातिया 5:19

कया ही नलख गुट्ठी गा दहदर र'ई, पेहरन ही सोतरा नलख, सोतबोड़'आ, पेहरन ही मलदौ ख़न्न,

इफेसुस 1:4

नाम आसी ऎरना नू नेम्हा अरा बिगर बदी र'आ गे ख़ॆख़ेल ही गढ़्रना ती मुन्द दिम आस नमन मसीस नू चज्जियस। आस तंग्है चोन्‍हा ही चड्डे

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 4:19

अरा आर सुन्न मंजर ती उर्मी रकम ही घिनघिना नलखन चिबाख़ारना गने नना गे तमन पेहरन ही सोतरा नलख गे चिच्का र'अनर।

1 थेस्‍सलोनिकॆयर 2:3

एन्‍देरगेका एम्‍है सिखाब'अना लहर'अना ती मला, महले मलदौ मने गुट्ठी मला, महले ठकना मला।

2 तीमोथियुस 1:9

धर्मेस दिम नमन नाड़ियस ती नेम्‍हा उज्‍जा गे मीख़कादस। आस इदन नम्‍है नलख ती मला लिकिन आसी चीता बूता अरा मया ती चिच्‍चस। ई मया ऒड़ ती मुन्‍द मसी येसुस ती नमा गे मंजकी र'ई।

इब्रानी 12:14

ओर्मर गने मेस्र'आ ती उज्‍जा गे अरा निम्‍है ऎकना नू नेम्‍हा गने र'आ गे चिहुट नना। बिगर नेम्‍हा ती नॆ हूँ धर्मेसिन ऎरा पोल्‍लोर।

2 पतरस 2:10

मुध गा तम्है पाप सुबहा ती बरना मलदौ चिबाख़ारना अरा सोतरा नलख गुट्ठी ही ख़ॊख़ा ख़ॊख़ा कालरकी धर्मेसी अदिया आबोन हींड़'उर मइय्याँ धर्मेस एन्नेम बेड़हा दिम र'अदस। इबड़ा आलर फुलई मनू अरा हुड्ड र'अनर। ईर मेर्ख़ा ता महबा ही आलॊ गुट्ठिन हूँ निंदा नना गे मल इल्चनर।