1 थेस्‍सलोनिकॆयर 4:5 - पुना गच्छरना NT (BSI)

⁵ अरा धर्मेसिन बल्‍ली आ जाती लेक्‍खा निम्‍है मॆदन एन्ने पाप नन्‍ना ही चिबाख़ारना गे अमा चि'आ।

1 थेस्‍सलोनिकॆयर 4:5 ပူးပေါင်းရင်းမြစ်များ

मत्तायोस 6:32

धर्मेसिन बल्लुर इबड़ा ओर्मा ही तिहा नू र'अनर, लिकिन निम्‍है मेर्ख़ा बंगस अख़दस का निमा गे इबड़ा उर्मी आलॊ ही चाड़ र'ई।

लू‍कस 12:30

ई ख़ॆख़ेल ही मल पत्त'ऊ आलर इबड़ा ही तिहा नू र'अनर, लिकिन निम्‍है बंगस अख़दस का निमा गे इबड़ा आलॊ ही चाड़ र'ई।

त‍इरकर 17:23

ऎन कुद्दनुम नुंगनुम निम्‍है महबा नन्ना आलॊन ऎरा लिक्‍कन, ख़ने एंगा ओन्‍टा एन्ने गोड़हा ख़क्‍खरा, अइय्या लिख्रकी रहचा का ‘बलना धर्मेस गे।’ नीम बलना नू एका धर्मेसी महबा नन्‍दर, आ धर्मेसी पत्त नू दिम ऎन निमन तेंगदन।

रोमी 1:24

औंगे धर्मेस आरिन पाप नन्ना ही मने, जिया ही चिबाख़ारना गुट्ठी ती सोतबोड़'आ मना गे अम्‍बियस चिच्‍चस। ख़ने आर तम्है कयन ओरोत ईरीब नू लज्‍जे मलका सोतबोड़'आ नंजर।

रोमी 1:26

ई चड्डेम धर्मेस आरिन आर ही मने ही घिनघिना लज्‍जे मलका नलख नना गे अम्‍बियस चिच्‍चस। आर ही मुक्‍कर हूँ मॆत उज्‍जनन अम्‍बियर ती अदही बिड़दो नू मुक्‍कर ताम ताम नू सोतबोड़'आ मना हेलरर।

रोमी 1:28

आर धर्मेसिन चिन्‍ह'आ मल बिद्दयर। ख़ने धर्मेस हूँ आर ही बैड़ो बुधिन आर ही म‍इय्याँ राजी नना गे अम्‍बियस चिच्‍चस। औंगे आर इबड़ा उर्मी मलदौ नलखन नन्नर।

1 कोरिन्‍थ 1:21

एकासे का ख़ॆख़ेल तंग्‍है लूर ती धर्मेसिन मल अख़ना लेक्‍खा, तंग्‍है लूर ती धर्मेस इदन नंजकादस। औंगे खईता लेक्‍खा ईथर'ऊ एम्‍‍है दौ कत्‍था तेंगना ती पत्त'उरिन नाड़ा गे धर्मेस मने नंजस।

1 कोरिन्‍थ 15:34

उजगो गे एज्र'आ चो'आ, पाप अमा नना। एन्‍देरगेका ऎन निमन लज्‍जे मॊख़त'आ गे इदन ब'अदन का निम्‍है नू जोक्‍कोर धर्मेसिन बलनर।

गलातिया 4:8

नीम गा धर्मेसिन बल्‍ला लिक्‍कर ख़ने, एन्ने देंवता गुट्ठी ही तबे नू रहचकर एकाबड़ा मानी नू धर्मे मल्‍ली।

इफेसुस 2:12

आ बारी नीम एकासे रहचकर अदिन सुरता नना। आ बारी नीम मसीस ती गेच्‍छा रहचकर, अरा धर्मेस ती चजरका इस्राऎल आलर ता मल रहचकर, अरा धर्मेस आर ही गने नंजका गच्‍छरना गुट्ठिन बल्‍ला लिक्‍कर। अरा नीम असरा मलका आलर, अरा धर्मेस मलका आलर लेक्‍खा ख़ॆख़ेल नू उज्‍जकर।

कोलोस्से 3:5

औंगे पेहरन ही सोतरा नलख, अरा पाप ती सोतरा मन्ना, अरा चिबाख़ारना, मलदौ मइय्याँ ता मने, अरा मूर्तिन ऒड़ लग्‍गना ही जोक्खा लोभिया, इबड़ा जम्मा पाप ही सुबहा हवे। इबड़ा मलदौ आबोन नन्नन अम्बा चि'आ।

2 थेस्‍सलोनिकॆयर 1:8

आ बेड़ा नू धर्मेसिन मल चिन्‍हनर आरिन अरा नम्‍है येसु मसीसी दौ कत्‍थन मल पॆस्रनर आरिन दंडे चि'ओस।

1 पतरस 4:3

नीम मुन्द धर्मेसिन बल्लुर पत्तारना नलख गुट्ठिन नन्ना ती रिरयारर ती बग्गे बेड़न बहाबाचकर। नीम पेहरन ही सोतरा नलख नू, अरा मलदौ सुख-सौंरत गुट्ठी नू, अरा उंखना नू, अरा रिझ-रंग नू, अरा अरखी ओन्ना मदी गुट्ठी नू, अरा बिगर नॆग ही मूर्ती गुट्ठी गे ऒड़ लग्गना नू उज्जा लिक्कर।