1 थेस्‍सलोनिकॆयर 4:2 - पुना गच्छरना NT (BSI)

² ऎम निमा उर्बा येसुसी आकुस ती एन्‍देर एन्‍देर पॆसका ती रिझाबाचकादम अदिन नीम अख़दर।

1 थेस्‍सलोनिकॆयर 4:2 ပူးပေါင်းရင်းမြစ်များ

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

1 कोरिन्‍थ 9:21

नॆ यहूदी नॆग नू मलनर आरिन मसीस गुसन ओन्‍द्र'आ गे ऎन हूँ यहूदी नॆग मलका बेसे मंजकन। अन्नु हूँ ऎन धर्मेसी नॆगन मल अम्‍बकन, अरा मसीसी नॆगन ऎन पॆस्रकन।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

1 थेस्‍सलोनिकॆयर 4:3

धर्मेस बेद्ददस का नीम नेम्‍हा मना अरा पेहरन ही सोतरा नलख ती बछर'आ।

2 थेस्‍सलोनिकॆयर 3:10

एन्देरगेका ऎम निम्‍है मझी नू रहच‍कम ख़ने, ऎम निमन पॆसका रहच‍कम अन्नेम, “एकअम ओर्तस नलख मल ननोस होले, आस अम्‍बोस ओना।”

2 थेस्‍सलोनिकॆयर 3:6

अना भईरो! अक्‍कु नम्‍है उर्बस येसु मसीसी आकुस ती ऎम निमन पॆसदम का एका पत्त'ऊ आलर लंडी र'अनर अरा एम्‍है गुस्‍ते सिख्रका चाल लेक्‍खा मल नन्नर अरा मल ऎकनर आर ही ती तरकूटी र'आ।