1 थेस्‍सलोनिकॆयर 4:17 - पुना गच्छरना NT (BSI)

¹⁷ फेन नाम नॆ येसु मसीसी बरना बेड़ा नू उज्‍जदत अरा ख़ॆख़ेल नू अम्‍बरका र'अदत आर गने ख़ॊंड़र'अरकी नाम बदाली नू मेर्ख़ा नू उर्बस गने भेंटार'आ गे चॊदर'ओत। अरा नाम उर्मी उल्‍ला उर्बस गने र'ओत।

1 थेस्‍सलोनिकॆयर 4:17 ပူးပေါင်းရင်းမြစ်များ

मत्तायोस 26:64

ख़ने येसुस बाचस, “नीनिम बाचकय चिच्‍चकय अन्ने दिम हवे। लिकिन ऎन निंगन इदिन हूँ ब'अदन का, अक्‍कु ती नीम मनवा ख़द्दन एंगन उर्मी नू सवंग उइय्‍यू धर्मेसी तीना चोक्‍ख उक्‍का ती राजी नन्नन ऎरोर। अरा नीम एंगन मेर्ख़ा नू चरियो तरा बदाली ती एत्तनन ऎरोर।”

मरकुस 14:62

ख़ने येसुस बाचस, “ऎन हिकदन, ‘अरा नीम मनवा ख़द्दन एंगन उर्मी नू सवंग उइय्‍यू धर्मेसी तीना चोक्‍ख उक्‍का ती राजी नन्नन ऎरोर। अरा नीम एंगन मेर्ख़ा नू चरियो तरा बदाली ती एत्तनन ऎरोर।’”

यॊहनस 12:26

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

यॊहनस 14:3

ऎन असन कालरकी निमा गे ओन्‍टा अड्डा सपड़ारका ख़ॊख़ा, अउरिम बर'ओम ती नीम एंग्‍है गने र'आ गे निमन हो'ओन क'ओन। ख़ने ऎन एसन र'ओन असन नीम हूँ र'ओर।

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

त‍इरकर 1:9

आस इबड़न बाचका ख़ॊख़ा, आर ही ईरनुम ईरनुम आस म‍इय्याँ होतारस। अरा ओन्‍टा बदाली आर ही ईरनुम ती आसिन कुल्‍लिया चिच्‍चा।

त‍इरकर 8:39

आर अम्मु ती बहरी उरखर ख़ने, उर्बासी बॊलतस फिलिप्पोसिन चॊदस होच्‍चस। मंत्रीस आसिन अउर मल ईरियस। अरा आस तंग्‍है डहरे नू रिझ्रनुम केरस।

2 कोरिन्‍थ 5:8

नाम गा डिढ गने र'अदत, अरा ई ख़ॆख़ेल ता मॆदन अम्‍बोत ती उर्बस गने उज्जा गे दिम कोड़हे पत्तारदत।

फिलिप्‍पी 1:23

अक्कु गा ऎन इबड़ा दुयो पत्तारना ही मझी नू छेक्रकादन। ऎन ई उज्जनन अम्बरकी मसीस गने मेर्ख़ा नू र'आ गे बेद्ददन, एकदा एंगा कोड़हे बॆस र'ओ दने।

1 थेस्‍सलोनिकॆयर 3:13

इकला नम्‍है उर्बा येसुस तंग्‍है उर्मी नेम्‍हा आलर गने बर'ओस, आस नम्‍है धर्मेस अरा बंगस ही मुन्‍दहारे नीम बिगर बदी ही आलर अरा नेम्‍हा आलर र'आ गे निम्‍है जियन बड़ियर नन्‍दस नेक‍अन।

1 थेस्‍सलोनिकॆयर 4:15

ऎम उर्बासी कत्‍था लेक्‍खा ब'अदम। ऎम नॆ उर्बासी बरना बेड़ा गूटी उज्‍जालदम। ऎम एम्है ती मुन्‍द केचका र'अनर आर ही ती मुन्‍द चो'आ गे पोल्‍लोम।

1 थेस्‍सलोनिकॆयर 4:18

औंगे इबड़ा कत्‍था गुट्ठी ती ओर्त ओर्तोरिन रिझ्रत'आ।

1 थेस्‍सलोनिकॆयर 5:10

मसीस नमा गे केच्‍चस। औंगे नाम उज्‍जत र'ओत महले केचका र'ओत, आस किर्रो बारी आसी गने नाम सगरो उज्‍‍जोत।

2 पतरस 3:13

लिकिन नाम गा आसी गच्छरना ही लेक्खा पुना मेर्ख़ा गुट्ठी गे अरा ओन्टा पुना ख़ॆख़ेल गे पाब ऎरा लगदत, एकइय्या धर्मेसी उजगो ओकर'ओ।

दहदर मंजका कत्‍था 1:7

ऎरा! आस बदाली गुट्ठी गने बर'ऊ र'अदस। ओर्मर आसिन ऎरोर, नॆ आसिन जोबचका रहचर आर हूँ आसिन ऎरोर। ख़ॆख़ेल ता उर्मी जातियर आसी चड्डे चींख़ोर ओलख़ोर। हाँ, ईद मनो दिम। आमेन!

दहदर मंजका कत्‍था 11:12

फेन आर मेर्ख़ा ती ओन्टा जॊरसरिया सड़ा आर ही गने एन्ने ब'अना मेंजर, “इसन मइय्याँ बरा।” इदिन मेंजर ती आर तम्‍है बैरिर ही ईरनुम ईरनुम बदाली नू मेर्ख़ा अर्गियर केरर।

दहदर मंजका कत्‍था 12:5

अरा आ आली कुक्‍को ख़द्दासिन निब्बिया, नॆ गोट्टा अदिया गने उर्मी बैरीरिन जीतना ती उर्मी आल खोंड़हन राजी ननोस। अरा अदही ख़द्दस धर्मेस गुसन अरा आसी बॆल-गदिया गुसन चॊदतारस केरस।