1 थेस्‍सलोनिकॆयर 4:14 - पुना गच्छरना NT (BSI)

¹⁴ ऎम पत्त'अदम का येसुस केच्‍चस ती उज्‍जा चॊचस। औंगे ऎम पत्त'अदम का नॆ मसीसिन इंझ्रनर ती खे'अनर आरिन येसुस अउरिम बरना बेड़ा नू धर्मेस आसी गने उज्त'ओस।

1 थेस्‍सलोनिकॆयर 4:14 ပူးပေါင်းရင်းမြစ်များ

मत्तायोस 24:31

अरा ऎन एंग्‍है पैकारिन पेंड़हे ही कोड़हे सड़ा गने तइय्योन, अरा आर मेर्ख़ा ही ई गंडा ती आ गंडा गूटी, चरियो खूंट ती एंग्‍है चज्जिका आलारिन ख़ॊंड़'ओर।

रोमी 14:9

एन्‍देरगेका ई चड्डेम मसीस केच्‍चस अरा उज्‍जा हूँ चॊचस का केचका आलर अरा उज्‍जना आलर इरबर ही दिम उर्बस मनोस।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

1 थेस्‍सलोनिकॆयर 3:13

इकला नम्‍है उर्बा येसुस तंग्‍है उर्मी नेम्‍हा आलर गने बर'ओस, आस नम्‍है धर्मेस अरा बंगस ही मुन्‍दहारे नीम बिगर बदी ही आलर अरा नेम्‍हा आलर र'आ गे निम्‍है जियन बड़ियर नन्‍दस नेक‍अन।

1 थेस्‍सलोनिकॆयर 4:13

अक्‍कु भईरो, केचका आलर ही पत्त नू नीम बल्‍लुर लेक्‍खा र'आ गे, अरा अदही पत्त नू असरा मल्‍ला आर ही लेक्‍खा नीम दुक्‍ख नू र'आ गे ऎम मल बेद्ददम।

1 थेस्‍सलोनिकॆयर 4:17

फेन नाम नॆ येसु मसीसी बरना बेड़ा नू उज्‍जदत अरा ख़ॆख़ेल नू अम्‍बरका र'अदत आर गने ख़ॊंड़र'अरकी नाम बदाली नू मेर्ख़ा नू उर्बस गने भेंटार'आ गे चॊदर'ओत। अरा नाम उर्मी उल्‍ला उर्बस गने र'ओत।

2 थेस्‍सलोनिकॆयर 2:1

अना भईरो, अक्कु ऎम निमन नम्‍है उर्बस येसु मसीसी बरना ही बेड़ा नू एकासे तंग्‍है संगे नमन ख़ॊंड़'ओस, इदही पत्त नू गोहरारदम।

दहदर मंजका कत्‍था 1:18

अरा ऎन उज्‍जू र'अदन। ऎन केचका केरकन, लिकिन ऎरा, ऎन हुल्‍लो ती हुल्‍लो गूटी उज्‍जू र'अदन। अरा खे'अना अरा नरक गड्डी ही कुची गुट्ठी एंग्‍है गुसन र'ई।

दहदर मंजका कत्‍था 14:13

फेन ऎन मेर्ख़ा ती ओन्टा सड़ा एन्ने ब'अना मेंजकन, “इदन लिख'आ चि'आ, नॆ उर्बस नू खे'अनर आर अक्‍कु ती आसीस ख़क्‍खू र'अनर।” नेम्हा बॊलतस बाचस, “हाँ, आर तम्है अर्ज'अना ती ख़न्न ऎख़ोर, एन्‍देरगेका धर्मेस मानिम नू आर ही दौ नलख गुट्ठी गे इनाम चि'ओस।”