1 थेस्‍सलोनिकॆयर 4:13 - पुना गच्छरना NT (BSI)

¹³ अक्‍कु भईरो, केचका आलर ही पत्त नू नीम बल्‍लुर लेक्‍खा र'आ गे, अरा अदही पत्त नू असरा मल्‍ला आर ही लेक्‍खा नीम दुक्‍ख नू र'आ गे ऎम मल बेद्ददम।

1 थेस्‍सलोनिकॆयर 4:13 ပူးပေါင်းရင်းမြစ်များ

मत्तायोस 27:52

अरा मसड़ा गुट्ठी तिसग्रा केरा, अरा नगदे केचका नेम्‍हा आलर ही मॆद उज्‍जा चॊचा।

यॊहनस 11:24

मारथा आसिन बाचा, “ऎन अख़दन का छेद्दे उल्‍ला उज्‍जा चो'अना ही बेड़ा नू आस हूँ उज्‍जा चो'ओस।”

त‍इरकर 13:36

दाऊदस गा तंग्‍है उज्‍जना ही बेड़ा नू धर्मेसी मने लेक्‍खा नंजस ती केच्‍चस। अरा आसिन तंग्‍है पूरखर हेद्दे मंडियर। अरा आसी मॆद मसड़ा नू कित्तिया।

त‍इरकर 7:60

अरा आस मूकलिदरस ती जॊरसरिया बाचस, “उर्बायो, ई पापन ईर ही म‍इय्याँ अमके नना।” अरा एन्ने बाचस ती आस जियन बिछरस।

त‍इरकर 8:2

भगतर स्‍तेफनोसिन मंडियर चिच्‍चर अरा आस गे कोड़हे खोबरारर।

रोमी 1:13

अना भ‍ईरो! ऎन निमन अख़त'आ बेद्ददन का ऎन घड़ी घड़ी निम्‍है गुसन बर'आ गे चिता बुता नंजकन का निमन बॊलता ही उज्‍जना नू परदा गे सहाड़ा नना ओंगोन एकासे ऎन नन्ना नन-यहूदी आलर गे सहाड़ा नंजकन, लिकिन ऎन बर'आ पोलकन।

1 कोरिन्‍थ 10:1

अना भईरो! नीम इबड़ा कत्था ही पत्त नू बल्‍लुर लेक्‍खा र'आ गे ऎन मल बेद्ददन का, नम्‍है पूरखर ओर्मारिन धर्मेस टुंगरी नू बदाली ऎख़ नू कड़हाबाचस ती होच्‍चस, अरा आर ओर्मर ख़ॆंसो समुदरन कट्टियर।

1 कोरिन्‍थ 12:1

अक्‍कुन अना भईरो! नीम नेम्‍हा बॊलतासी इनाम ही पत्त नू बल्‍ला गे ऎन मल बेद्ददन।

1 कोरिन्‍थ 15:6

अदही ख़ॊख़ा आस ओन्‍टम बेड़ा नू पाँच सौ ती हूँ बग्‍गे भईर गे ऎथ्रस। अबड़र ती बग्‍गे आलर इन्ना हूँ उज्‍जनर, लिकिन जोक्‍कोर केच्‍चर हूँ केरर।

2 कोरिन्‍थ 1:8

अना भईरो, ऎम आसिया चक नू एका दुक्‍खेन भोगचकम, अदन नीम बल्‍लुर लेक्‍खा र'आ गे ऎम मल बेद्ददम। ऎम एन्ने कोड़हे बोझा ती कजरकचकम, अरा आद एम्‍है सहना ती कोहाँ रहचा का एम्‍है उज्‍जना ही असरा हूँ मल रहचा।

इफेसुस 2:12

आ बारी नीम एकासे रहचकर अदिन सुरता नना। आ बारी नीम मसीस ती गेच्‍छा रहचकर, अरा धर्मेस ती चजरका इस्राऎल आलर ता मल रहचकर, अरा धर्मेस आर ही गने नंजका गच्‍छरना गुट्ठिन बल्‍ला लिक्‍कर। अरा नीम असरा मलका आलर, अरा धर्मेस मलका आलर लेक्‍खा ख़ॆख़ेल नू उज्‍जकर।

इफेसुस 2:3

अबड़र ही मझी नू नाम ओर्मत हूँ मुन्द ओंग्होल नम्है कया ही चिबाख़ारना ही लेक्‍खा उज्जा लिक्‍कत, कया अरा जिया ही मने गुट्ठी लेक्‍खा नना लिक्‍कत। अरा बछ्रका उर्मी आलर लेक्‍खा धर्मेसी कैर ही तबे नू रहचकत।

1 थेस्‍सलोनिकॆयर 4:14

ऎम पत्त'अदम का येसुस केच्‍चस ती उज्‍जा चॊचस। औंगे ऎम पत्त'अदम का नॆ मसीसिन इंझ्रनर ती खे'अनर आरिन येसुस अउरिम बरना बेड़ा नू धर्मेस आसी गने उज्त'ओस।

1 थेस्‍सलोनिकॆयर 4:15

ऎम उर्बासी कत्‍था लेक्‍खा ब'अदम। ऎम नॆ उर्बासी बरना बेड़ा गूटी उज्‍जालदम। ऎम एम्है ती मुन्‍द केचका र'अनर आर ही ती मुन्‍द चो'आ गे पोल्‍लोम।

1 थेस्‍सलोनिकॆयर 5:10

मसीस नमा गे केच्‍चस। औंगे नाम उज्‍जत र'ओत महले केचका र'ओत, आस किर्रो बारी आसी गने नाम सगरो उज्‍‍जोत।

1 थेस्‍सलोनिकॆयर 5:6

औंगे नाम नन्‍नर ख़न्‍द्रनर अन्ने अम्‍बोत ख़न्‍द्र'आ। लिकिन नाम एज्रका अरा जगचका र'अना र'ई।

2 पतरस 3:4

अरा आर ब'ओर का, “येसुस अउर बर'ओन एन्ने मल गच्छरका र'अदस का? फेन एसन आस र'अस? एन्देरगेका नम्है पूरखर केचका बेड़ा ती अक्कु गूटी ख़ॆख़ेल गढ़्रना ही ऒरे नू रहचका लेक्खम उर्मी र'ई।”

2 पतरस 3:8

लिकिन अना चोन्हा आलारो, ई मानिमन नीम मॊधर'आ गे ऎन मल बेद्ददन का, उर्बस गे उन्दुल उल्ला हजार चाँन लेक्खा र'ई, अरा हजार चाँन उन्दुल उल्ला लेक्खा र'ई।