1 थेस्‍सलोनिकॆयर 4:11 - पुना गच्छरना NT (BSI)

¹¹ अरा ऎम निमन पॆसकम अन्नेम कोड़े गने उज्‍जा, अरा तंग्‍है तंग्‍है नलखन नना, नन्नर ही नलख नू अमा नूता, अरा तंग्है ती अर्ज'आ गे चिहुट नना। ईदिम निमा चाड़ र'ई।

1 थेस्‍सलोनिकॆयर 4:11 ပူးပေါင်းရင်းမြစ်များ

मरकुस 13:34

ई उदाहरन आबोन मेना। ओन्‍टा आलस रहचस। आस उन्‍दुल डहरे ईक्‍कियस। आस एड़पा ती काना ती मुन्‍द तंग्‍है जॊंख़र सिरे एड़पा ही उर्मी नलख अम्‍बियस चिच्‍चस। तहाँ आस बली ख़ा‍पुसिन जॊहचका र'आ गे आनियस।

त‍इरकर 18:3

एन्‍देरगेका आर हूँ तंग्‍है लेक्‍खा कुम्‍बा कमना ही नलख ननू आलर रहचर। ख़ने आस आर ही गने नलख नना लगियस ती र'आ लगियस।

त‍इरकर 20:35

ऎन निमन उर्मिन नंजकन ती ऎदकन का एकासे कोड़हे सक‍त नलख ननरकी पयहा आलारिन सम्‍ड़'अना, अरा उर्बा येसुसी कत्‍था गुट्ठिन सुरता नन्ना चाड़ र'ई। आस तानीम बाचकादस का ‘हो'अना ती चि'अना कोड़हे बॆस हवे।’”

रोमी 12:11

लंडी अमके मना, कोड़हे नलख ननके, निम्‍है सौंसे जिया ती उर्बासी तेतर-सुसर ननके।

रोमी 15:20

एसन एसन मसीसी पत्त नू मल्ला मेन्‍तारका असानिम ऎन दौ कत्‍थन मेन्‍त'आ बेद्ददन। नन्नर कलीसिया ऒर नंजका अड्डा नू ऎन दौ कत्‍था मेन्‍त'आ मल बेद्ददन।

1 कोरिन्‍थ 4:12

अरा एम्‍है ख़ेक्खा ती कोड़हे नलख नन्‍दम। आलर एमन हींड़नर ख़ने, ऎम आर गे आसीस चि'अदम। आर एमन सताब'अनर ख़ने, ऎम सहदम।

2 कोरिन्‍थ 5:9

औंगे नाम ई मॆद नू र'अदत मलता ई मॆद ती अम्बदत कालदत, उर्बासिन रिझ्रत'अना दिम नम्है मने र'ई।

इफेसुस 4:28

अरा एकास ख़ड़दस, आस अक्कु ती अम्बोस ख़ड़'आ नेकअन। लिकिन आस तंग्है ख़ेक्खा ती दौ नलख नन्ना नू अर्ज'आ गे चिहुट नन्दस नेकअन। होले मलकर गे सहाड़ा नना गे आसी गुसन इन्द्रिइम र'ओ।

1 तीमोथियुस 2:2

बॆलर अरा आकुस नू र'उर गे बिन्‍ती नना, इदगेका नाम महबा अरा म‍ईन ती ख़न्न ऎख़ना अरा सल्‍ल गने उज्‍जोत।

1 तीमोथियुस 5:13

इदही गने आर लंडी मना हेभ्रनर। अरा एड़पा एड़पा जलिय'आ कुद्दनर, अरा नन्नर ही नलख नू नूता बेद्दनर, अरा एका कत्‍थन मल कछनख्रना र'ई अदिन कछनख्रनर।

तीतुस 3:14

नम्‍है आलर हों चाड़ गुट्ठिन पुराब'आ गे बॆस नलख नू ल‍इक्‍का र'आ गे सिख्रना र'ई। आर ही उज्‍जना बिगर ख़ंजपा ती अम्‍बो र'आ।

1 पतरस 3:4

लिकिन निम्है सिंगार गा निम्है भितरी उज्जना ही सिंगार र'अना र'ई। नीम निमन लुदऊ अरा सल जिया ती सिंगार'आ। ईदिम मल नठारना सिंगार हवे, अरा धर्मेसी ऎरना नू कोड़हे मान ही र'ई।

1 पतरस 4:15

नीम सस्ती सारना बारी आल पिटुस, मलता ख़लबस, मलता मलदौ ननुस, मलता नन्नर ही नलख नू हेड़ेम-जेड़ेम ननुस लेक्खा सस्ती अम्बोस सार'आ।