1 थेस्‍सलोनिकॆयर 4:1 - पुना गच्छरना NT (BSI)

¹ अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

1 थेस्‍सलोनिकॆयर 4:1 ပူးပေါင်းရင်းမြစ်များ

यॊहनस 15:2

एका लड़ंग एंग्‍है नू र'ई अरा मल ख़ंज'ई अदिन आस तारदस, अरा एकाबड़ा ख़ंज'ई अबड़न छटदस का बग्‍गे ख़ंज'ओ।

त‍इरकर 20:27

एन्‍देरगेका धर्मेस एन्‍द्रन नीम अख़'आ गे बिद्दियस अबड़ा उर्मिन ऎन निमा तिंकन।

रोमी 8:8

एकार पाप मॆद सुबहा ही तबे नू र'अनर आर धर्मेसिन रिझाब'आ पोलनर।

1 कोरिन्‍थ 11:23

एन्‍देरगेका ऎन ई कत्‍थन उर्बस ती ख़क्‍खन, अरा ऎन इदन निमा गे हूँ अंड़सताचकन। उर्बा येसुस एका माख़ा पिटर'आ गे धरतारस, आस असमन होच्‍चस,

1 कोरिन्‍थ 15:1

अना भईरो! अक्‍कुन ऎन निमन तिंका दौ कत्‍थन अउर हूँ सुरत'आ गे बेद्ददन। अदिन नीम इंझ्रकर हूँ अरा अइय्या नीम बड़ियर मंजकर ती र'अदर।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

2 कोरिन्‍थ 10:1

अक्कु ऎन पौलुस मसीसी लुदऊ अरा सोग्‍गे ती निमन ने'आ लगदन। निम्है ती जोक्‍क आलर ब'अनर का, “ऎन निम्‍है मझी नू र'अना बारी सन्नी अरा पयहा र'अदन लिकिन गेच्‍छा नू र'अना बारी निम्है मइय्याँ डिढगर गने र'अदन।”

2 कोरिन्‍थ 13:11

छेद्दे नू अना भईरो, रिझ्र'आ, बड़ियर मना, डिढ मना, ओन जिया ती र'आ, निभर'आ ती र'आ। ख़ने चोन्‍हा अरा सान्ति ही धर्मेस निम्‍है गने र'ओस।

2 कोरिन्‍थ 5:9

औंगे नाम ई मॆद नू र'अदत मलता ई मॆद ती अम्बदत कालदत, उर्बासिन रिझ्रत'अना दिम नम्है मने र'ई।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

गलातिया 6:1

अना भईरो! नीक‍ईम पाप नन्नुम धर'ओर क'ओर होले, नीम आसिन सोग्‍गे ऎरा ती दौ डहरे नू हो'आ, नीम गा नेम्‍हा बॊलतासी पखड़ मंजका आलर हिकदर। अरा निमन हूँ चिहुंक उइय्या का नीम हूँ बिढ़्रना नू अम्‍बोर खत्र'आ।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 4:20

लिकिन नीम गा मसीसी पत्त नू ई लेक्खम मल सिख्रकर।

इफेसुस 5:17

औंगे नीम बोया अमा मना, लिकिन बुझुर'आ का नीम नना गे उर्बासी मने एन्‍देर र'ई।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

फिलिप्‍पी 1:9

एंग्हा गोहरारना ईद र'ई का निम्‍है चोन्‍हा अरा लूर अरा उर्मी रकम ही लखना अउरिम पर्दी नेकअन।

फिलिप्‍पी 3:14

ऎन धर्मेस चि'अना इनामन ख़क्खा गे एंग्है लच्छय तरा अंड़सा गे कोड़हे चिहुट नन्दन। आ इनाम मेर्ख़ा उज्जनन ख़क्खा गेम धर्मेस एंगन मसी येसुस ती मीख़कादस।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 2:6

औंगे नीम एकासे मसी येसुसिन निम्है उर्बस एन्ने इंझ्रकादर, अन्नेम आसी गने मेस्रका ती उज्जते र'आ।

1 थेस्‍सलोनिकॆयर 3:12

एम्‍है चोन्‍हा एकासे निम्है नू परदिया निन्‍दिया अन्नेम निम्‍है चोन्‍हा ओर्त ओर्त नू नन्‍नर नू परदा ती नीदा गे उर्बस निमन सहाड़ा नन्‍दस नेक‍अन।

1 थेस्‍सलोनिकॆयर 4:2

ऎम निमा उर्बा येसुसी आकुस ती एन्‍देर एन्‍देर पॆसका ती रिझाबाचकादम अदिन नीम अख़दर।

1 थेस्‍सलोनिकॆयर 5:12

अना भईरो, अक्‍कुन ऎम निमन गोहरारदम, निम्‍है नू खिलपत चॊदनर ती नलख नन्‍नर अरा निमन उर्बस नू कड़हाब'अनर ती सिखाब'अनर, आरिन नीम मईन नन्‍नुम कला।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

2 थेस्‍सलोनिकॆयर 2:1

अना भईरो, अक्कु ऎम निमन नम्‍है उर्बस येसु मसीसी बरना ही बेड़ा नू एकासे तंग्‍है संगे नमन ख़ॊंड़'ओस, इदही पत्त नू गोहरारदम।

2 थेस्‍सलोनिकॆयर 3:1

अना भईरो! छेद्दे नू उर्बासी कत्‍था निम्‍है गुसन अंड़सिया अन्नेम उर्मी अड्डा चाँड़हे अंड़सो म‍ईन ख़क्‍ख्र'ओ अदगे एमा गे गोहरार'आ।

2 थेस्‍सलोनिकॆयर 3:13

लिकिन भईरो, नीम दौ नलख नना गे जियन अमा हदिय'आ।

1 तीमोथियुस 5:21

धर्मेस अरा मसी येसुस अरा चज्जिका मेर्ख़ा पैकर ही मुन्‍दहारे ऎन निंगन तिगाब'अदन का नीन जियन तिसग‍'अर इबड़ा कत्‍था गुट्ठिन मनके, अरा एक‍अम नलखन भितरी बहरी अमके नना।

2 तीमोथियुस 4:1

ऎन इदन धर्मेसी अरा मसी येसुसी मुन्‍दहारे पॆसदन। एकास केचका अरा उज्‍जना आलर ही रायबड़ी नना गे तंग्‍है राजी नू बर'ओस।

इब्रानी 11:6

बिगर पत्त'अना ती धर्मेसिन नॆ हूँ इकला हूँ रिझ्रत'आ पोल्‍लोर। एन्‍देरगेका धर्मेस गुसन बरना आलर पत्त'अना र'ई का धर्मेस र'अस अरा आस तंगन बिद्दू आलर गे इनाम चि'ओस।

इब्रानी 13:16

अरा दौ नना गे अरा निम्‍है जिनिसन चाड़ नू र'उर गे ख़ट्टा गे अमा मोध्र'आ, एन्‍देरगेका एन्ने लेक्‍खा दाँड़े गुट्ठी तिम धर्मेस रिझ्रदस।

इब्रानी 13:22

अना भ‍ईरो! ऎन जुक्‍की दिम निमा गे लिखचका ई चेताब'अना ही कत्‍थन नीम इंझ्र'आ गे गोहरारदन।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।

1 यॊहन 3:22

नाम आसी पॆसका गुट्ठिन पॆस्रना ती, अरा आसिन एन्देर खुसमारती अदिन नन्ना ती, नाम एन्देर एन्देर आसिन ने'अदत अदिन नाम आस ती ख़क्खदत।