1 थेस्‍सलोनिकॆयर 3:12 - पुना गच्छरना NT (BSI)

¹² एम्‍है चोन्‍हा एकासे निम्है नू परदिया निन्‍दिया अन्नेम निम्‍है चोन्‍हा ओर्त ओर्त नू नन्‍नर नू परदा ती नीदा गे उर्बस निमन सहाड़ा नन्‍दस नेक‍अन।

1 थेस्‍सलोनिकॆयर 3:12 ပူးပေါင်းရင်းမြစ်များ

मत्तायोस 22:39

अरा ईद लेक्‍खा दोसरा पॆसका ईद हवे, ‘नीन निंगन एकासे चोन्‍हा नन्‍दय अन्ने निंग्‍है अर्बा-पर्बारिन चोन्‍हा नना।’

मत्तायोस 7:12

आलर एन्‍दरन निमन नना नीम बेद्ददर, अबड़न नीम आर गे नना। एन्‍देरगेका मूसासी पॆसका अरा धर्मेसी कत्‍था तिंगुर ही आनना ईदिम हवे।

लू‍कस 17:5

बारो तइरकर उर्बासिन बाचर, “एमन कोड़हे बड़ियर पत्त'आ गे संगरा नना।”

रोमी 13:8

अपन ती नन्नर नू चोन्‍हा नन्नन अम्‍बरकी एकअम हूँ कत्‍था नू नॆखा हूँ नहड़ा अमा मना। एन्‍देरगेका नॆ तंग्‍है अरबर-परबर गने चोन्‍हा नन्दस आसिम नॆगन पूरा नंजका र'अदस।

2 कोरिन्‍थ 9:10

धर्मेस दिम चाँख़'उर गे बिहनी अरा ओना-मॊख़ा गे ओन्ना-मॊख़नन चि'अदस। अन्नेम आस निमा चाड़ ही बिहनी चि'ओस ती अदिन पर्द'आ गे ननोस, अरा निम्है नू हरग जिया ती दान चि'अना ही कोड़हे ख़ंजपन कुन्द्रत'ओस।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

फिलिप्‍पी 1:9

एंग्हा गोहरारना ईद र'ई का निम्‍है चोन्‍हा अरा लूर अरा उर्मी रकम ही लखना अउरिम पर्दी नेकअन।

1 थेस्‍सलोनिकॆयर 2:8

औंगे ऎम एन्ने निम्‍है म‍इय्याँ चोन्‍हा नन्नुम धर्मेसी दौ कत्‍था नू लेका मला, लिकिन अपन अपन उज्‍जनन हूँ चि'आ गे सपड़ारका रहचकम, एन्‍देरगेका नीम एम्‍है ती चोन्‍हा मंज ख़च्‍चिका रहचकर।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

1 थेस्‍सलोनिकॆयर 5:15

अरा मलदौ नन्‍नर आर गे नॆ हूँ मलदौ अमा नना। लिकिन सदौ ओर्त ओर्त गने अरा ओर्मर संगे दौ नना गे तिहा नना।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

याकॊब 1:17

उर्मी दौ अरा बॆस इनाम धर्मे बंगस ती बर'ई, नॆ मेर्ख़ा ता उर्मी बिल्लिन गढ़चस। आस ऎख़ अड्डा अड्डा बदलारना बेसे बदलार'ऊ मलदस।

2 पतरस 1:7

अरा भगती गने भई बहिन चोन्हा, अरा भई बहिन चोन्हा गने चोन्हन जोड़'आ।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।