1 थेस्‍सलोनिकॆयर 3:11 - पुना गच्छरना NT (BSI)

¹¹ अक्‍कु नम्‍है धर्मेस‍ बंगस अरा उर्बा येसुस दिम निम्‍है गुसन बर'आ गे एमन डहरे ऎद्ददस नेक‍अन।

1 थेस्‍सलोनिकॆयर 3:11 ပူးပေါင်းရင်းမြစ်များ

मत्तायोस 6:14

नीम नन्नर ही अक्‍का-बलकन छमा ननोर होले मेर्ख़ा ता बगंस हूँ निमन छमा ननोस।

मत्तायोस 6:18

एकत्रु आलर गे मला निंग्‍है बंगस गे लेका एकास मल ऎथ्रना नू र'अदस ईद ऎथ्र'ओ का नीन उपास र'अदय। अरा निंग्‍‍है बंगस मल ऎथ्रना नू हूँ ऎरदस निंगा इनाम चि'ओस।

मत्तायोस 6:26

ऒड़ा गुट्ठिन ऎरा, अबडा चाँख़'ई मला, ख़ु'ई मला, अरा कुट्ठी नू बीन्द'ई मला, अन्नु हूँ निम्‍है मेर्ख़ा बंगस अबड़न पॊसदस। नीम गा अबड़ा ती कोड़हे मूल्‍ली ही र'अदर।

मत्तायोस 6:32

धर्मेसिन बल्लुर इबड़ा ओर्मा ही तिहा नू र'अनर, लिकिन निम्‍है मेर्ख़ा बंगस अख़दस का निमा गे इबड़ा उर्मी आलॊ ही चाड़ र'ई।

मत्तायोस 6:4

निम्‍है चि'अना अम्‍बो ऎथ्र'आ अरा निम्‍है बंगस मल ऎथ्रना नू हूँ निम्‍है नलखन ऎरदस, आस निमा बग्‍गे आसीस ननोस।

मत्तायोस 6:6

नीम गा गोहरारना बारी, निम्‍है कुठली नू कला अरा बलिन मुच्‍चा ती मल ऎथ्रना नू निम्‍है बगंस ती गोहरार'आ। निम्‍है बंगस मल ऎथ्रना नू निम्‍है नलखन हूँ ऎरदस, आस निमन आसीस ननोस।

मरकुस 1:3

ओर्तोस टोड़ंग नू चिच्चि‍यारदस ‘उर्बस गे डहरेन सपड़'आ, आस गे डहरेन चत्र'आ।’”

लू‍कस 12:30

ई ख़ॆख़ेल ही मल पत्त'ऊ आलर इबड़ा ही तिहा नू र'अनर, लिकिन निम्‍है बंगस अख़दस का निमा गे इबड़ा आलॊ ही चाड़ र'ई।

लू‍कस 12:32

अनय सन्नी गोंहड़ा, अमय एल्‍चय। एन्‍देरगेका निम्‍बस निमा गे तंग्‍है गने मेर्ख़ा राजी नू राजी नना गे आकुस चि'आ गे मने नन्‍दस।

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

रोमी 1:3

ई दौ कत्‍था तंग्‍है ख़द्दासी पत्त नू र'ई। आस आल कया ती गा दाऊद बॆलासी बनस नू कुन्‍द्रस।

2 कोरिन्‍थ 6:18

ऎन निमा बंग र'ओन, अरा नीम एंगा ख़द्दर अरा ख़द्दो र'ओर, उर्मी ती सवंगिय उर्बन ब'अदन।”

गलातिया 1:4

येसुस दिम धर्मेसी अरा बंगासी मने ती ई मलदौ ख़ॆख़ेल ती नमन नाड़ा गे नम्‍है पाप गुट्ठी गे केच्‍चस।

कोलोस्से 1:2

कोलोस्से नगरे नू मसीसी चड्डे नेम्‍हा अरा पत्त'अना जॊगे र'अना धर्मेसी आलर गे ई चिठिन लिखदम। नम्‍है धर्मे बंगस ती निमा गे मया अरा सान्‍ति मनन नेकअन।

1 थेस्‍सलोनिकॆयर 3:13

इकला नम्‍है उर्बा येसुस तंग्‍है उर्मी नेम्‍हा आलर गने बर'ओस, आस नम्‍है धर्मेस अरा बंगस ही मुन्‍दहारे नीम बिगर बदी ही आलर अरा नेम्‍हा आलर र'आ गे निम्‍है जियन बड़ियर नन्‍दस नेक‍अन।

1 थेस्‍सलोनिकॆयर 4:16

एन्‍देरगेका उर्बस तानिम चिच्‍चियारना आन्ना गने अरा मुध मेर्ख़ा पैकासी सड़ा गने अरा धर्मेसी पेंड़हे ख़रख़ना गने मेर्ख़ा ती एत्तोस बर'ओस। अरा मसीसिन इंझ्रर ती केचका र'अनर आर मुन्‍द उज्‍जा चो'ओर।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

2 थेस्‍सलोनिकॆयर 3:16

अक्‍कुन कोड़े ही उर्बस तानिम निमा उर्मी बेड़ा उर्मी रकम ही कोड़े चि'अत र'अदस नेक‍अन। उर्बस निम्‍है ओर्मर संगे र'अदस नेकअन।

2 थेस्‍सलोनिकॆयर 3:5

धर्मेसी चोन्‍हा अरा मसीसी कयास ती उर्बस निम्‍है जियन कड़हाब'अदस नेकअन।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।

दहदर मंजका कत्‍था 21:3

फेन ऎन बॆल-गदिया ती एन्ने ब'अना ओन्टा जॊरसरिया ब'अनन मेजकन, “ऎरा, अक्कुन धर्मेसी डेरा आलर मझी नू र'ई। आस आर ही गने डेरा ननोस अरा अबड़र आसी आलर मनोर। अरा धर्मेस तानिम आर ही गने र'ओस ती आर ही धर्मे मनोस।