1 थेस्‍सलोनिकॆयर 3:10 - पुना गच्छरना NT (BSI)

¹⁰ ऎम फेन निम्‍है गने भेंट मनोम ती निम्‍है पत्त'अना नू र'ई आ पयहा आबोन बड़ियर नना गे उल्‍ला दरा माख़ा नगदे गोहरारदम।

1 थेस्‍सलोनिकॆयर 3:10 ပူးပေါင်းရင်းမြစ်များ

लू‍कस 2:37

तहाँ आद चौरासी बछर ती रड़ियाही रहचा। आद धर्मेसी मन्दिरन कहियों मल अम्‍बालिया। आद उल्‍ला माख़ा उपास अरा बिन्‍ती नन्नरकी धर्मेसी महबा ननालिया।

त‍इरकर 26:7

ई गच्‍छरका ही पूरा मन्नन ऎरना ही असरा ती दिम नम्‍‍है बारा गोतोर ता आलर उल्‍ला माख़ा धर्मेसिन ऒड़ नन्नर। बॆलायो, ई असरा ही चड्डेम यहूदीर एंग्‍है म‍इय्याँ बदी ठेकाब'आ लगनर।

2 कोरिन्‍थ 1:15

अरा ऎन ई असरा तिम नीम दुई गुना आसीस ख़क्‍खा गे बरना बारी ऎन निम्‍है गुसन मुन्‍द बर'आ गे चिताबुता नंजकन।

2 कोरिन्‍थ 1:24

ऎम निम्‍है पत्त'अना म‍इय्याँ आकुस नना गे मल बिद्दकम। ऎम निम्है गने निम्‍है रिझ गे नलख ननू र'अदम, एन्‍देरगेका नीम पत्त'अना नू पखड़ र'अदर।

2 कोरिन्‍थ 13:11

छेद्दे नू अना भईरो, रिझ्र'आ, बड़ियर मना, डिढ मना, ओन जिया ती र'आ, निभर'आ ती र'आ। ख़ने चोन्‍हा अरा सान्ति ही धर्मेस निम्‍है गने र'ओस।

2 कोरिन्‍थ 13:9

ऎम पयहा र'अना ती हूँ नीम सवंगिय र'अदर, इदगे ऎम रिझ्रदम। अरा ऎम गोहरारदम हूँ का नीम बड़ियर मनोर क'ओर।

फिलिप्‍पी 1:25

ऎन इदिन बड़ियर असरा नन्ना ती निम्‍है गने ऎन र'ओन‍। अरा निमन निम्‍है पत्त‍'अना नू परदा गे रिझ्र'आ गे सहाड़ा ननोन, अदिन अख़दन।

कोलोस्से 1:28

औंगे ओर्मा आलारिन मसीस नू बड़ियर ननरकी इजत'आ गे ऎम ओर्मा आलर गे मसीसी पत्त नू तेंगरकी धर्मेसी चिच्का उर्मी लूर ती ओर्त ओर्त आलारिन तिगाब'अदम अरा सिखाब'अदम।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

1 थेस्‍सलोनिकॆयर 3:11

अक्‍कु नम्‍है धर्मेस‍ बंगस अरा उर्बा येसुस दिम निम्‍है गुसन बर'आ गे एमन डहरे ऎद्ददस नेक‍अन।

2 थेस्‍सलोनिकॆयर 1:11

ईदन सुरता ननरकी ऎम निमा गे सगरो गोहरारदम का नम्‍है धर्मेस निमन तंग्‍है मॆख़ना ही जॊगे सोचदस नेक‍अन, अरा निम्‍है उर्मी दौ मने अरा पत्त'अना ती उर्मी नलखन आसी सवंग ती पूरा नन्‍दस नेक‍अन।

2 तीमोथियुस 1:3

ऎन निंगा गे धर्मेसिन धन्‍यवाद चि'अदन। ऎन धर्मेसिन निमन लखना गने महबा नन्‍दन, एन्नेम एंग्‍है पूरखर हूँ नंजर। ऎन सगरो उल्‍ला दरा माख़ा बिन्‍ती नू निंगन सोचदन।

फिलॆमॊन 1:22

अउर ओन्टा कत्था ऎन मेन्दन का एंगा र'आ गे ओन्टा पाही कुठली सपड़'अके उइय्के। एन्देरगेका ऎन असरा नन्दन का धर्मेस निम्है गोहरारना गुट्ठिन मेनोस, अरा ऎन अउरिम निम्है गुसन बर'आ ओंगोन।

दहदर मंजका कत्‍था 4:8

अरा चरियो उज्जना आलॊ गे ओर्त ओर्त गे छै छै गोट डेना रहचा, अरा भितरी बहरी ख़न्न ख़न्न ती निंदकी रहचा। अरा अबड़ा उल्‍ला अरा माख़ा बिगर ठकरका एन्ने ब'अतेम र'आ लगिया, “उर्मी ती सवंगिय धर्मे उर्बस नेम्‍हा र'अस, नेम्‍हा र'अस, नेम्‍हा र'अस, नॆ रहचस, अरा र'अदस, अरा बर'ऊ र'अदस।”

दहदर मंजका कत्‍था 7:15

ई चड्डेम ईर धर्मेसी बॆल-गदिया ही मुन्दहारे र'अनर ती आसी मन्दिर नू उल्‍ला माख़ा आसी तेतर-सुसर नन्नर। अरा नॆ बॆल-गदिया नू उक्‍कादस, आस आर ही गने ओक्र'ओस अरा आरिन ख़ापोस।