1 थेस्‍सलोनिकॆयर 3:1 - पुना गच्छरना NT (BSI)

¹ औंगे ऎम अउरिम कयास नना पोलकम ख़ने, ऎम अथॆने नगरे नू दिम र'आ गे तिगच‍कम।

1 थेस्‍सलोनिकॆयर 3:1 ပူးပေါင်းရင်းမြစ်များ

त‍इरकर 17:15

पौलुसिन अंड़सताचर उइय्यर आर अथॆने नगरे गूटी केरर ती किर्रियर बरचर। अरा आर किर्रो बारी पौलुस ती सीलास अरा तीमोथियुस गे पॆसका ख़क्‍खियर ती बरचर का एवंदा चाँड़हे मनो अन्नेम बर'ओर।

त‍इरकर 17:16

पौलुस अथॆने नू सीलास अरा तीमोथियुसी पाब ऎरा लगियस ख़ने, आ नगरे नू मूर्ती गुट्ठिन निन्‍दिका ईरियस ख़ने आसी जिया उल्‍लिया।

2 कोरिन्‍थ 2:13

अन्नु हूँ असन एंग्‍है जिया गे कोड़े मल ख़क्‍खरा, एन्‍देरगेका एंग्‍है भइय्योस तीतुसिन असन मल ख़क्‍खन। औंगे ऎन असता आलर ती बिदा मंजकन ती मकेदोनिया काला गे मुंहरारकन।

1 थेस्‍सलोनिकॆयर 2:17

अना भईरो, ऎम एगघड़ी गे निम्‍है ती छिंड्रका रहचकम अन्नु हूँ एम्‍है सोचना गुट्ठी गा निम्‍है गने रहचा। ख़ने ऎम बग्‍गे चिहुट नंजकम अरा निमन कोड़हे ऎरा बेद्दा लिक्‍कम।

1 थेस्‍सलोनिकॆयर 3:5

औंगे एंग्‍है नू कयास मल मंजा ख़ने, निम्‍है पत्त'अना ही पत्त नू अख़'आ गे तीमोथियुसिन तइय्कन। इदगेका बिढ़'उस इन्द्रिइम कत्‍था नू बिढ़'ओस अइय्या खत्र'ओर होले, एम्‍है अर्ज'अना अनभनियाँ मनो ई चड्डे ऎन इल्‍चिकन।