1 थेस्‍सलोनिकॆयर 2:9 - पुना गच्छरना NT (BSI)

⁹ अना भईरो, नीम एम्‍है अर्जाचका अरा सस्‍तिन सुरत'अदर। ऎम नॆखा नू हूँ ओत्‍था अम्‍बोम मना, अदगेम ऎम उल्‍ला माख़ा नलख नंजकम ती निम्‍है नू धर्मेसी दौ कत्‍थन तिंकम।

1 थेस्‍सलोनिकॆयर 2:9 ပူးပေါင်းရင်းမြစ်များ

लू‍कस 18:7

होले एन्‍देर धर्मेस तंग्‍है चज्जिका आलारिन नॆ उल्‍ला माख़ा आसिन गोहरारते र'अनर आर गे नेंव‍ई तिजाम मल ननोस का? एन्‍देर आस आर ही पत्त नू दिरी ननोस का?

लू‍कस 2:37

तहाँ आद चौरासी बछर ती रड़ियाही रहचा। आद धर्मेसी मन्दिरन कहियों मल अम्‍बालिया। आद उल्‍ला माख़ा उपास अरा बिन्‍ती नन्नरकी धर्मेसी महबा ननालिया।

त‍इरकर 18:3

एन्‍देरगेका आर हूँ तंग्‍है लेक्‍खा कुम्‍बा कमना ही नलख ननू आलर रहचर। ख़ने आस आर ही गने नलख नना लगियस ती र'आ लगियस।

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

त‍इरकर 20:31

इदगे एज्रका र'आ अरा सुरता नना का ऎन तीन बछर गूटी उल्‍ला माख़ा चींख़ा चींख़ा ओर्त ओर्तारिन चेताब'आ गे मल अम्‍बकन।

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

रोमी 15:16

नन-यहूदीर गे मसी येसुसी जॊंख़ मंजकन। ऎन आसी दौ कत्‍थन सिखाब'अना ती नैगस लेक्‍खा धर्मेसी तेतर-सुसर नंजकन। होले नन-यहूदीर नेम्‍हा बॊलतस ती नेम्‍हा मंजका ती धर्मेस गे इंझ्रना दाँड़े बेसे मना ओंगोर।

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।

1 कोरिन्‍थ 4:12

अरा एम्‍है ख़ेक्खा ती कोड़हे नलख नन्‍दम। आलर एमन हींड़नर ख़ने, ऎम आर गे आसीस चि'अदम। आर एमन सताब'अनर ख़ने, ऎम सहदम।

1 कोरिन्‍थ 9:15

अन्नु हूँ ऎन इबड़ा अदिया आबोन कहियों मल ब‍उराचकन। अउर हूँ एन्ने लेक्‍खा कत्‍थन नीम एंगा गे ननोर एन्ने असरा ती इदन मल लिखदन। सिथियम दौ कत्‍था तेंगना ही एंगा ई फुल‍ई नन्नन नीकईम अम्‍बत'अना ती एंगा खे'अना दौ र'ई।

1 कोरिन्‍थ 9:18

अन्ने होले एंगा एन्‍देर इनाम ख़क्‍ख्र'ओ? ऎन एंगा अदिया आबोन मल ख़क्‍खरकी नॆखा ती हूँ एन्‍द्रन हूँ मल ख़क्‍खना ही असरा ती दौ कत्‍थन सिथियम तेंगना ती ख़क्‍ख्रना जिया सान्ति दिम एंगा इनाम हिके।

1 कोरिन्‍थ 9:4

एमा गे निम्‍है ओन्ना-मॊख़ना नू बटा मन्‍ना ही अदिया मल्‍ला का?

2 कोरिन्‍थ 11:27

ऎन कोड़हे अर्जाचकन अरा तिहा नंजकन, अरा कैनो माख़ा मल ख़न्‍द्रकन, अरा कीड़ा नू अरा ओनक'आ नू रहचकन, अरा खनिम खनिम बिगर ओन्ना-मॊख़ना नू रहचकन, अरा पइय्याँ नू अरा किचरी मलका नू रहचकन।

2 कोरिन्‍थ 11:9

अरा ऎन निम्है गने र'अना बारी एंगा गे चाड़ मंजा ख़ने, ऎन अदगे नॆकन हूँ दुक्खे मल चिच्‍कन। एन्देरगेका एंगा एन्देर चाड़ रहचा, अबड़ा उर्मी गे मकेदोनिया ती बरचका भइय्योर दिम चि'अरकी संगरा नंजर। ऎन मुन्द एकासे रहचकन अन्ने बरना उल्ला नू हूँ एंग्है चाड़ गे एका तरती हूँ ऎन निमा गे ओत्था मल मनोन।

2 कोरिन्‍थ 6:5

कोर्रा लौरना नू, जेहेल काना नू, हुलहुली गुट्ठी नू बझ्रना नू, कोड़हे अर्जाना नू, बिगर ख़न्द्रका नू, उबसना नू,

फिलिप्‍पी 4:16

अन्नेम ऎन थेस्‍सलोनिकॆ नगरे नू रहचकन ख़ने हूँ नीम एंग्‍है चाड़ गे ओंग्‍होल मला बग्गे हॆल तइय्कर।

1 थेस्‍सलोनिकॆयर 1:3

अरा एम्‍है धर्मे अरा बबासी मुन्‍दहारे निम्‍है पत्त'अना जॊगे नलख, अरा चोन्‍हा ती नन्ना नलख, अरा नम्‍है उर्बस येसु मसीस नू असरा ख़क्‍खा गे कयास नन्‍दर अदिन सुरता नन्दम।

1 थेस्‍सलोनिकॆयर 2:2

लिकिन नीम अख़दर का मुन्‍द फिलिप्‍पी नगरे नू सस्‍ती सारना पीख़्रना नू हूँ एम्‍है धर्मेस एमा गे एन्ने डिढ चिच्‍चस का ऎम बिगर अटकरका धर्मेसी दौ कत्‍थन तिंकम।

1 थेस्‍सलोनिकॆयर 2:6

अरा ऎम आलर ती म‍ईन मल बेद्दा लिक्‍कम, निम्‍है ती मला महले नेख'अम नन्नर ती हूँ मला।

1 थेस्‍सलोनिकॆयर 3:10

ऎम फेन निम्‍है गने भेंट मनोम ती निम्‍है पत्त'अना नू र'ई आ पयहा आबोन बड़ियर नना गे उल्‍ला दरा माख़ा नगदे गोहरारदम।

1 तीमोथियुस 1:11

ई दौ सिखाब'अना उर्मी ती धन्‍य धर्मेसी महबा ही दौ कत्‍था ती बर'ई, एकदा एंगा सोंपरकी र'ई।

1 तीमोथियुस 4:10

ओर्मर गे कोड़हे गा आसिन पत्त‍'उर गे बछाब‍'ऊ उज्‍जना धर्मेस म‍इय्याँ नम्‍है असरा र'ई। इदगेम नाम चिहुट अरा तिहा नन्‍तेम र'अदत।

1 तीमोथियुस 5:5

एका रड़ियाही मानिम नू संगरा ही जॊगे र'ई अरा तान लेका र'ई, होले आद धर्मेस म‍इय्याँ असरा उइय्यी अरा उल्‍ला माख़ा ने'अना अरा गोहरारना नू बुथरकी र'ई।

2 तीमोथियुस 1:3

ऎन निंगा गे धर्मेसिन धन्‍यवाद चि'अदन। ऎन धर्मेसिन निमन लखना गने महबा नन्‍दन, एन्नेम एंग्‍है पूरखर हूँ नंजर। ऎन सगरो उल्‍ला दरा माख़ा बिन्‍ती नू निंगन सोचदन।