1 थेस्‍सलोनिकॆयर 2:17 - पुना गच्छरना NT (BSI)

¹⁷ अना भईरो, ऎम एगघड़ी गे निम्‍है ती छिंड्रका रहचकम अन्नु हूँ एम्‍है सोचना गुट्ठी गा निम्‍है गने रहचा। ख़ने ऎम बग्‍गे चिहुट नंजकम अरा निमन कोड़हे ऎरा बेद्दा लिक्‍कम।

1 थेस्‍सलोनिकॆयर 2:17 ပူးပေါင်းရင်းမြစ်များ

लू‍कस 12:58

निंग्‍है बैरी निंगन कछेरी नू हो'अदस होले डहरेनुम आस ती मेसर नखर'आ गे चिहुट नना। मला होले आस निंगन नेंव‍ई ननुस गुसन हो'ओस अरा नेंव‍ई ननुस निंगन सैनस गे चि'ओस, अरा सैनस निंगन जेहेल एड़पा नू सज'ओस।

लू‍कस 22:15

अरा आरिन बाचस, “एंग्‍है कोड़हे मने रहचा का ऎन दुक्‍खे सारना ती मुन्‍द निम्‍है गने ई कट्टना ही ओन्ना-मॊख़नन ओनोन।

त‍इरकर 17:10

पत्त'ऊ भइय्योर लॆम पौलुस दरा सीलासिन माख़ेच माख़ा बेरोया नगरे त‍इय्यर चिच्‍चर। अरा आर असन अंड़सियर ती यहूदीर ही गोड़हा एड़पा नू केरर।

रोमी 1:13

अना भ‍ईरो! ऎन निमन अख़त'आ बेद्ददन का ऎन घड़ी घड़ी निम्‍है गुसन बर'आ गे चिता बुता नंजकन का निमन बॊलता ही उज्‍जना नू परदा गे सहाड़ा नना ओंगोन एकासे ऎन नन्ना नन-यहूदी आलर गे सहाड़ा नंजकन, लिकिन ऎन बर'आ पोलकन।

रोमी 15:23

लिकिन अक्‍कु ई राजी नू एंग्‍है नलख गे अड्डा मल्‍ला बछ्रका। अरा नगदे चाँन ती निम्‍है गुसन बर'आ गे बेद्दा लिक्‍कन।

1 कोरिन्‍थ 5:3

ऎन गा मॆद नू निम्‍है मझी नू मलदन, लिकिन बॊलता नू निम्‍है मझी नू र'अदन। ऎन असन र'अदन एन्ने सोच'अरकी ई नलख नंजका आलासिन नेंव‍ई नंज ख़च्चिकादन।

कोलोस्से 2:5

एन्‍देरगेका ऎन गा कया नू निमन ती गेच्‍छा र'अदन, लिकिन बॊलता नू निम्‍है गनेम र'अदन। निम्‍है दौ उज्जा ओक्कनन अरा मसीस नू निमा उइय्का पत्त'अना नू नीम एंवदा बड़ियर र'अदर, अदिन ऎरदन ती रिझ्रदन।

1 थेस्‍सलोनिकॆयर 3:6

लिकिन अक्‍कु तीमोथियुस निम्‍है गुसते एम्‍है गुसन बरचकादस, अरा निम्‍है पत्त'अना अरा चोन्‍हा ही पत्त ता दौ कत्‍थन ओन्‍द्रकादस। अरा आस बाचस का नीम सगरो चोन्‍हा गने एमन सुरत'अदर, अरा एकासे ऎम निमन ऎरा गे खसतारदम अन्ने नीम हूँ एमन खसतारदर।