1 थेस्‍सलोनिकॆयर 2:13 - पुना गच्छरना NT (BSI)

¹³ ई चड्डे निमा गे ऎम धर्मेसी दौ कत्‍थन तिंकम, ख़ने नीम अदिन आलर ही मला धर्मेसी कत्‍था अक्‍कर ती इं‍झरकर। अरा ईद मानिम नू धर्मेसी कत्‍था हवे, एकदा नीम पत्त'ऊ आलर ही जिया नू उज्‍जाली। औंगे ऎम सगर घड़ी धर्मेसी धन्‍यवाद नन्‍दम।

1 थेस्‍सलोनिकॆयर 2:13 ပူးပေါင်းရင်းမြစ်များ

मत्तायोस 10:20

एन्‍देरगेका ईद ब'ऊ नीम मलदर, निम्‍है बंगासी बॊलतस निम्‍है ती ब'ओस।

मत्तायोस 10:40

एकास निमन इंझ्रदस आस एंगन इंझ्रदस अरा एंगन इंझ्र'उस एंग्‍है त‍इय्युस एंग्‍है बंगासिन इंझ्रदस।

लू‍कस 11:28

लिकिन येसुस बाचस, “अदिन ती कोड़हे आसीस ख़क्‍खू र'अनर आर नॆ धर्मेसी कत्थन मेन्नर ती पॆस्रनर।”

लू‍कस 5:1

उन्‍दुल येसुस गेन्नॆसरेत समुदर ही पिंडी नू इज्जकाचस। आ बारी ओन्‍टा गोंहड़ा धर्मेसी कत्‍था मेना गे खतरना चो'अना बेसे आसी हेद्दे बर'आलिया।

लू‍कस 8:11

ई जोक्‍खा ख़ीरी ही माने ईद हवे। बिहनी धर्मेसी कत्‍था हवे।

लू‍कस 8:21

येसुस आरिन किर्त'अर बाचस, “एंग्‍है अयंग अरा भइय्योर ईरिम हिकनर, नॆ धर्मेसी कत्‍थन मेन्नर ती अदही लेक्‍खा ऎकनर।”

यॊहनस 15:3

नीम गा ऎन निमन बाचका कत्‍था गुट्ठी ती मुन्‍द दिम छटका अरा सफा मंजकादर।

यॊहनस 17:17

नीन आरिन निंग्‍है मानी ती निमा गे नेम्‍हा कम'आ, निंग्‍है कत्‍था दिम मानिम हवे।

यॊहनस 17:19

अरा ऎन आर ही चड्डे एंगन नेम्‍हा दाँड़े बेसे निमा गे चि'अदन, का आर हूँ निंग्‍है मानी ती नेम्‍हा मना ओंग्‍नर।

त‍इरकर 10:33

औंगे ऎन लॆम निंगन मॆख़ा त‍इय्कन। अरा नीन बरचकय ती दौ नंजकय। एमा तेंगा गे उर्बस निंगा एन्‍देर एन्‍देर पॆसस अदिन मेना गे ऎम ओर्मम धर्मेसी मुन्‍दहारे ख़ॊंड़रका र'अदम।”

त‍इरकर 13:48

नन-यहूदीर इदिन मेंजर ख़ने, रिझ्र'आ हेलरर अरा धर्मेसी कत्‍था ही ओहमा नना लगियर। एका बग्‍गे आलर मुंजा मलका गुटी उज्‍जना गे चज्रकाचर, अबड़र दौ कत्‍थन पत्ताचर।

त‍इरकर 16:14

थुअतीरा नगरे ता लुदिया नामे ही बैजनी किचरी बीसू धर्मेसिन महबा ननू आली अदिन मेना लगिया। पौलुसी कत्‍थन मेना गे धर्मेस अदही जिया बलिन तिसगस।

त‍इरकर 17:11

इबड़ा ता यहूदीर थेस्‍सलोनिकॆ नगरे ता यहूदीर ती दौ ओक्‍कना इजना रहचर। अरा अबड़र कोड़हे ओन्‍क'आ ती कत्‍थन इंझ्रर, अरा उर्मी उल्‍ला आर नेम्हा पुथी नू बेद्दा लगियर का इबड़ा कत्‍था एन्नेम र'ई का मला।

त‍इरकर 17:32

केचका ही उज्‍जा चो'अना ही पत्त ता कत्‍थन आलर मेंजर ती जोक्‍क आलर अलखा हेलरर। अरा जोक्‍क आलर बाचर, “ई कत्‍था ही पत्त नू ख़ॊख़ा ऎम अउरिम निंग्‍है ती मेनोम।”

त‍इरकर 2:41

एकार पतरसी कत्‍थन पत्ताचर आर नॊड़रर। अउलम तीन हजार केम आलर चेलर गने मेसरर।

त‍इरकर 8:14

तहाँ येरुसलॆम नू र'ऊ त‍इरकर मेंजर का समारिया ता आलर धर्मेसी कत्‍थन इंझ्रर ख़ने, आर पतरस अरा यॊहनसिन आर ही गुसन त‍इय्यर।

रोमी 10:17

दौ कत्‍था मेन्ना ती पत्त'अना मनी, अरा मेन्‍तार'ई आद मसीसी कत्‍था हवे।

2 कोरिन्‍थ 3:18

अरा नाम ओर्मत बिगर कुलकुटरका मुही तिम अयना लेक्‍खा उर्बासी महबन बिल्चदत। एन्नेम नाम महबा नू अउर महबा मनरकी आसी ऎथ्रना लेक्खा बदलतारदम। ईद उर्बस तिम बर'ई। आसिम बॊलतस हिकदस।

गलातिया 4:14

अरा ऎन कया ही पयहा चड्डे निमा बोझा मंजकन। अन्नु हूँ नीम एंगन हींड़चकर मला अरा एंगन ख़ाँड़चकर मला। लिकिन नीम एंग्‍है एन्ने मईन नंजकर का ऎन धर्मेसी पैकस मलता मसी येसुस लेक्‍खा रहचकन।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

इब्रानी 4:12

धर्मेसी कत्‍था गा उज्‍जना अरा सवंगिय अरा उर्मी अखी-पखी धारे तलवार ती कोड़हे धारे र'ई, अरा आद जिया अरा बॊलता, अरा टोकना टोकना अरा ख़ॊचॊल ही गुद्दा गुद्दा गूटी अंड़सत'ई ती भगि'ई चि'ई, अरा जिया ही सोच अरा मने गुट्ठिन दहदर ननी।

इब्रानी 4:2

एकासे आर गे दौ कत्‍था मेन्‍तारा, अन्नेम नमा गे हूँ दौ कत्‍था मेन्‍तरा। लिकिन आर दौ कत्‍थन पत्त'अना गने मल मेंजर अरा मल पॆस्रर, औंगे आर मेंजकाचर आ कत्‍था आर गे एन्‍द्रा हूँ फैदा मल चिच्‍चा।

याकॊब 1:18

आस तान गढ़चका उर्मी नू नाम ओन मदहे ती पहिल ख़ंजपा मना गे तंग्‍है मने ती तंग्है मानी कत्‍था ती नमन पुना गढ़चस।

1 पतरस 1:23

एन्‍देरगेका नीम नठारना बिहनी ती मला, उज्जना अरा सदौ बन्चका र'अना धर्मेसी कत्‍था ही मल नठारना बिहनी ती पुना कुन्द्रनन ख़क्‍खका र'अदर।

1 पतरस 1:25

लिकिन उर्बासी कत्‍था गा सदौ बन्चकी र'ई।” ईदिम दौ कत्था ही कत्था, एकदा निमा तेंगरा।

1 पतरस 2:2

अरा पुना कुन्‍द्रका ख़द्दर दुदही गे तरसारनर अदही लेक्‍खा नीम हूँ सुध बॊलता ही दुदही गे तरसारना नू र'आ, होले आद ती नीम निम्है नाड़रना नू पूरा परद'ओर।

2 पतरस 3:2

ऎन बेद्ददन का, नेम्हा धर्मेसी कत्था तिंगुर ती चिरान नू तिंका कत्था गुट्ठिन, अरा निम्है तइरकर ती चितारका नम्है उर्बस अरा नाड़ुसी पॆसका गुट्ठिन निमा सुरता नन्ना र'ई।

1 यॊहन 3:3

एका ओर्तस आस मइय्याँ एन्ने लेक्खा असरा उइय्दस, आस मसीस नेम्हा र'अना लेक्खा तंगन नेम्हा उइय्दस।