1 थेस्‍सलोनिकॆयर 2:12 - पुना गच्छरना NT (BSI)

¹² ऎम निमन सिखाबाच‍कम अरा रिझ्रताचकम अरा घड़ी घड़ी बुझाब'आ लिक्‍कम का निम्‍है उज्‍जना ओक्‍कना धर्मेसी जॊगे मन्ना र'ई, एकास निमन तंग्‍है राजी अरा महबा नू मॆख़दस।

1 थेस्‍सलोनिकॆयर 2:12 ပူးပေါင်းရင်းမြစ်များ

रोमी 8:28

नाम अख़दत का एकार धर्मेसी चिताबुता ती मॆख़रका र'अनर अरा आसिन चोन्‍हा नन्नर, आर गे धर्मेस आर ही दौ गे दिम उर्मीन नन्‍दस।

रोमी 8:30

आस नॆकन मुन्‍द तिम ओट्टा हॆंचस आरिन मीख़का हूँ रहचस। अरा नॆकन मीख़ियस आरिन उजगो आल हूँ कमचस। अरा नॆकन उजगो आल कमचस आरिन तंग्‍है महबा नू भागी मना गे हूँ चिच्‍चस।

1 कोरिन्‍थ 1:9

धर्मेस पत्त'अना जॊगे र'अदस, आस निमन तंग्‍है ख़द्दस नम्‍है उर्बस येसु मसीस गने मेस्रना नू र'आ गे मीख़कादस।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

गलातिया 5:16

औंगे ऎन ब'अदन नेम्‍हा बॊलतासी तिंका नू ऎका, होले नीम कया ही चिबाख़ार'आ गे नलख मल ननोर।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

इफेसुस 5:8

एन्देरगेका मुन्द नीम ऊख़ा रहचकर, लिकिन अक्‍कु नीम उर्बासी र'अना ती बिल्‍ली र'अदर। औंगे बिल्‍लिन ता ख़द्दर लेक्‍खा ऎका।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 2:6

औंगे नीम एकासे मसी येसुसिन निम्है उर्बस एन्ने इंझ्रकादर, अन्नेम आसी गने मेस्रका ती उज्जते र'आ।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

1 थेस्‍सलोनिकॆयर 4:12

तहाँ निम्‍है उज्‍जना ती सौंसार ता आलर ती मईन ख़क्‍ख्र'ओ, लिकिन निमा निम्‍है चाड़ गे आरिन असरा नन्‍ना ती उज्‍जना मल्‍ला।

1 थेस्‍सलोनिकॆयर 5:24

निमन मीख़ू धर्मेस मानिम हिकदस। आस अन्नेम ननोस।

2 थेस्‍सलोनिकॆयर 1:10

आसी महबा तंग्‍है नेम्‍हा आलर नू ऎथ्र'ओ अरा तंगन पत्ताचका आलर ती हैकट मनोस, आसी बरना उल्‍ला ईद मनो। नीम हूँ आर ही गने मेस्र'ओर, एन्‍देरगेका ऎम निमन गोवाह चिच्‍कम अदिन पत्ताचकर।

2 तीमोथियुस 1:9

धर्मेस दिम नमन नाड़ियस ती नेम्‍हा उज्‍जा गे मीख़कादस। आस इदन नम्‍है नलख ती मला लिकिन आसी चीता बूता अरा मया ती चिच्‍चस। ई मया ऒड़ ती मुन्‍द मसी येसुस ती नमा गे मंजकी र'ई।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

1 पतरस 3:9

नीम मलदौ ही ऊजी मलदौ अमा नना, केबना ही ऊजी अमा केबा, लिकिन ऊजी नू बरकत दिम नना। एन्नेम नीम ननोर होले धर्मेस निमन बरकत ननोस, इदगेम नीम मॆख़्रका र'अदर।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

2 पतरस 1:3

भगती उज्जना उज्जा गे चाड़ र'अना उर्मिन आसी धर्मे मन्ना सवंग नमा गे चिच्की र'ई। आसी पत्त नू नमा गे र'अना लूर ती इबड़ा नमा गे चीरकी र'ई। आस दिम नमन तंग्है महबा अरा दौ गुन्न ती मीख़का र'अदस।

1 यॊहन 2:6

औंगे एकास तान धर्मेस नू बन्चका र'अदन ब'अदस, आस येसुस एकासे नना लगियस अन्नेम तान हूँ उज्जना र'ई।

3 यॊहन 1:6

आर निंग्है चोन्हा ही पत्त नू इय्या ता कलीसिया ही मुन्दहारे गोवाह चिच्चर। धर्मेसिन खुसमारत'अना ही लेक्खा नीन अउरिम एन्ने आलर गे आर ही डहरे ऎकना नू संगरा नन्नुम र'अना र'ई।