1 थेस्‍सलोनिकॆयर 2:10 - पुना गच्छरना NT (BSI)

¹⁰ नीम पत्त'ऊ आलर ही मझी नू एम्‍है उज्‍जना ओक्‍कना एकासे नेम्‍हा अरा उजगो अरा बिगर बदी ही रहचा। नीमिम गोवाह र'अदर अरा धर्मेस हूँ गोवाह र'अदस।

1 थेस्‍सलोनिकॆयर 2:10 ပူးပေါင်းရင်းမြစ်များ

लू‍कस 23:41

अरा नम्‍है दंडे गा नॆग ती मानिम र'ई, नाम नम्‍है नलख ही जोक्‍खा दंडे ख़क्‍खा लगदत। लिकिन ई आलस एन्‍देर हूँ मलदौ मल नंजकादस।”

त‍इरकर 20:18

आर आसी गुसन अंड़सियर ख़ने, आस आरिन बाचस, “नीम अख़दर का ऎन इकला आसिया अंड़सकन आ पहिल उल्‍ला ती उर्मी घड़ी ऎन निम्‍है गने एकासे रहचकन।

त‍इरकर 20:26

औंगे ऎन इन्ना ब'अदन का ऎन पत्त'अना जॊगे रहचकन, निम्‍है ती निक‍ईम नास मनोर क'ओर होले, अदही जिमा ऎन मलदन।

त‍इरकर 24:16

इदगे ऎन धर्मेसी ऎरना नू अरा आलर ही ऎरना नू एंग्‍है लखना आबोन सफा उइय्या गे चिहुट नंजका र'अदन।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

2 कोरिन्‍थ 11:11

एन्‍देरगे ऎन इदन एन्ने ब'अदन? ऎन निमन चोन्‍हा मल नन्ना ती का? धर्मेस अख़दस ऎन निमन एका कोड़हे चोन्‍हा नन्दन।

2 कोरिन्‍थ 11:31

हुल्‍लो ती हुल्‍लो गूटी ओहमा ख़क्ख'ऊ धर्मेस अरा उर्बा येसुसी बंगस अख़दस का ऎन मल ठकदन।

2 कोरिन्‍थ 4:2

अरा ऎम लज्‍जे ही नुड़ना लेक्खा नलख गुट्ठी मल नन्दम, अरा ऎम कसरहा मल नन्दम, अरा ऎम धर्मेसी कत्‍थन मल बदल'अदम। अन्‍ति मानिमन दहदहर'आ तेंगा कुद्दम ती धर्मेसी मुन्दहारे ओर्त ओर्त आलासी लखना नू ऎम उजगो आलम एन्ने ऎद्ददम चि'अदम।

2 कोरिन्‍थ 5:11

औंगे उर्बासिन एल्चना ही मनेन अख़ना ती ऎम आलारिन धर्मेस तरा किर्रा गे रिझ्रत'अदम। ऎम एका लेक्खा आलम एन्ने धर्मेस दौलेम अख़दस। ऎन असरा नन्दन का अन्नेम नीम हूँ इदन अख़दर।

2 कोरिन्‍थ 7:2

ऎम मुन्द तिंका लेक्खा नीम निम्है जिया नू एमा गे अड्डा चि'आ। ऎम नॆख'अन हूँ मलदौ मल नंजकम। ऎम नॆख'अन हूँ मल बगड़ाचकम। ऎम नॆख'अन हूँ मल ठकचकम।

1 थेस्‍सलोनिकॆयर 1:5

एम्‍है दौ कत्‍था निम्‍है गुसन कत्‍था लेका नू मल्‍ला अंड़सका, लिकिन नेम्हा बॊलतासी सवंग अरा कोड़हे पोकता गने हूँ अंड़सिया। एकासे का नीम अख़दर ऎम निमा गे निम्‍है मझी नू एकासे नंजकम ती रहचकम।

1 थेस्‍सलोनिकॆयर 2:5

एन्‍देरगेका नीम अख़दर ऎम नॆक‍न हूँ मल फसकटचकम महले नॆकन हूँ चिबाख़ार'आ गे लहर'आ लिक्‍कम। धर्मेस गोवाह र'अदस।

2 थेस्‍सलोनिकॆयर 3:7

एन्‍देरगेका नीमिम अख़दर का ऎम एकासे उज्‍जदम ऎकदम अन्ने निमा हूँ उज्‍जना ऎकना र'ई। अरा निम्‍है संगे र'अना बेड़ा नू लंडी मल मंजकम।

1 तीमोथियुस 4:12

नीन जॊंख़य र'अदय, औंगे नॆका हूँ निंगन दुस'आ अमके चि'आ। लिकिन निंग्‍है ब'अना, अरा उज्‍जना ओक्‍कना, अरा चोन्‍हा, अरा पत्त'अना, अरा नेम्‍हा उज्‍जना नू पत्त‍'उर गे नीन चिन्‍हा मना।

2 तीमोथियुस 3:10

लिकिन ऎन आलारिन एन्‍देर सिखाब'अदन, अरा एकासे ऎन उज्‍जदन, अरा एंग्‍है उज्‍जना नू एंग्‍है चिताबुतन, अरा धर्मेस नू एंग्‍है पत्त'अनन, अरा आलर नू एंग्‍है कयास अरा चोन्‍हा नन्नन अरा दुक्‍खे सारनन नीन बॆस अख़दय।

1 पतरस 5:3

अरा निम्है ख़ेक्खा नू ऎरा ख़ॊजा गे चीतारका आलर ही मइय्याँ नीम आकुस ननू लेक्खा अमा र'आ, लिकिन बॆस नमुना मनरकी आरिन कड़हाब'आ।