1 थेस्‍सलोनिकॆयर 2:1 - पुना गच्छरना NT (BSI)

¹ अना भईरो, नीम निम्‍है तिम अख़दर का एम्‍है इसन थेस्सलोनिकॆ नगरे बरना अनभनियाँ मल मं‍जा।

1 थेस्‍सलोनिकॆयर 2:1 ပူးပေါင်းရင်းမြစ်များ

1 कोरिन्‍थ 15:10

अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन।

1 कोरिन्‍थ 15:2

ऎन निमन तिंका कत्‍था नू नीम बड़ियर र'अदर होले, आ दौ कत्‍था ती नीम नाड़रदर, मला होले निम्‍है पत्त'अना अनभनियाँ मनो।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

गलातिया 2:2

धर्मेस दहदर नंजकाचस का एंगा असन काना चाड़ र'ई, औंगे ऎन केरकन। ऎन कलीसिया ही मुध आलर गने सुनसान नू भेंटारकन अरा बाचकन का एका दौ कत्‍थन ऎन नन-यहूदीर मझी नू तेंगा लिक्‍कन। एन्‍देरगेका एंगा एल्‍चना रहचा का एंग्‍है दौ कत्‍था तेंगना नलख एकदन ऎन नंजकादन अरा ऎन अक्कुन ननालदन आद अनभनियाँ अम्‍बो मना।

गलातिया 4:11

एंगा निम्‍है पत्त नू इल्‍चिक'आ मनी। एन्ने अम्‍बो मना का निम्‍है मझी नू एंग्‍है अर्जाचका सिथिया मनो।

फिलिप्‍पी 2:16

नीम उज्‍जना ही कत्‍थन धर'आ ती मेन्त'अना बारी नीम एन्नेम बिल्चोर। होले निम्है नू ता एंग्है कोड़हे चिहुट नन्ना महले अर्ज'अना अनभनियाँ मल मंजा एन्ने ऎन निम्है चड्डे मसीस ख़ॆख़ेल नू किर्रना उल्‍ला नू फुलई मनोन।

1 थेस्‍सलोनिकॆयर 2:13

ई चड्डे निमा गे ऎम धर्मेसी दौ कत्‍थन तिंकम, ख़ने नीम अदिन आलर ही मला धर्मेसी कत्‍था अक्‍कर ती इं‍झरकर। अरा ईद मानिम नू धर्मेसी कत्‍था हवे, एकदा नीम पत्त'ऊ आलर ही जिया नू उज्‍जाली। औंगे ऎम सगर घड़ी धर्मेसी धन्‍यवाद नन्‍दम।

1 थेस्‍सलोनिकॆयर 3:5

औंगे एंग्‍है नू कयास मल मंजा ख़ने, निम्‍है पत्त'अना ही पत्त नू अख़'आ गे तीमोथियुसिन तइय्कन। इदगेका बिढ़'उस इन्द्रिइम कत्‍था नू बिढ़'ओस अइय्या खत्र'ओर होले, एम्‍है अर्ज'अना अनभनियाँ मनो ई चड्डे ऎन इल्‍चिकन।

2 थेस्‍सलोनिकॆयर 1:10

आसी महबा तंग्‍है नेम्‍हा आलर नू ऎथ्र'ओ अरा तंगन पत्ताचका आलर ती हैकट मनोस, आसी बरना उल्‍ला ईद मनो। नीम हूँ आर ही गने मेस्र'ओर, एन्‍देरगेका ऎम निमन गोवाह चिच्‍कम अदिन पत्ताचकर।

2 थेस्‍सलोनिकॆयर 3:1

अना भईरो! छेद्दे नू उर्बासी कत्‍था निम्‍है गुसन अंड़सिया अन्नेम उर्मी अड्डा चाँड़हे अंड़सो म‍ईन ख़क्‍ख्र'ओ अदगे एमा गे गोहरार'आ।