1 थेस्‍सलोनिकॆयर 1:8 - पुना गच्छरना NT (BSI)

⁸ एन्‍देरगेका निम्‍है गुसले मकेदोनिया अरा अख़ाया नू लेका उर्बासी दौ कत्‍था मल तेंग्रा। लिकिन धर्मेस नू निम्‍है पत्त'अना र'ई आद उर्मी अड्डा बींड़रकी किरकी र'ई का एमा ब'अना ही चाड़ मलकी।

1 थेस्‍सलोनिकॆयर 1:8 ပူးပေါင်းရင်းမြစ်များ

त‍इरकर 18:12

गल्‍लियॊन अख़ाया देस ता राजी ख़ापुस रहचस, आ बारी जोक्‍क यहूदीर जुम्मरर ती पौलुसी बिड़दो मंजर ती आसिन धरचर अरा आसिन नेंव‍ई नन्ना अड्डा नू ओन्‍द्रर।

रोमी 1:8

मुन्‍द ऎन निमा ओर्मर गे येसु मसीस ती नम्‍है धर्मेसी धन्‍यवाद नन्‍दन का निम्‍है पत्त'अना ही हुही गोट्टा सौंसार नू मना लगी।

रोमी 15:26

एन्‍देरगेका मकेदोनिया अरा अख़ाया जिला गुट्ठी ता आलर येरुसलॆम ता धर्मेसी आलर ती कीड़र गे सहाड़ा नना गे रिझ ती तम्‍है बरार चिच्का र'अनर।

रोमी 16:19

निम्‍है मनना ही पत्त ओर्मा आलर नू बीड़रकी किरकी र'ई, औंगे ऎम निम्‍है पत्त नू रिझ्रदन। लिकिन ऎन बेद्ददन का नीम दौ गे लूरगर अरा मलदौ गे भ‍कुवा मना।

1 कोरिन्‍थ 14:36

धर्मेसी कत्‍था निम्‍है गुसते ऒर मल मंजका, महले निम्‍है गुसन लेका मल अंड़सकी र'ई।

2 कोरिन्‍थ 2:14

लिकिन धर्मेसी धन्‍यावाद मनन, आस सगरो जित'आ गे मसीस नू नमन कड़हाब'अदस, अरा आसी पत्त ता लूरन एम्‍है ती गोट्टा अड्डा नू महकारना लेक्खा बींड़दस।

2 कोरिन्‍थ 3:4

एन्ने लेक्खा पखड़ असरा एमा गे मसीस ती धर्मेस मइय्याँ र'ई।

कोलोस्से 3:16

मसीसी कत्‍था निम्है नू सोच नलख उर्मी नू बग्‍गे ती बग्‍गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।

2 थेस्‍सलोनिकॆयर 1:4

लिकिन निमा बरचकी र'ई आ सस्‍ती अरा खिलपत बेड़ा नू सहना अरा पत्त'अना नू ऎम फुल‍ई मन्‍दम। अरा निम्‍है पत्त नू धर्मेसी नन्ना कलीसिया गुट्ठी संगे कछनख्रदम।

2 थेस्‍सलोनिकॆयर 3:1

अना भईरो! छेद्दे नू उर्बासी कत्‍था निम्‍है गुसन अंड़सिया अन्नेम उर्मी अड्डा चाँड़हे अंड़सो म‍ईन ख़क्‍ख्र'ओ अदगे एमा गे गोहरार'आ।

1 तीमोथियुस 2:8

ऎन बेद्ददन का धर्मेसिन ओहमा नन्ना उर्मी अड्डा नू मॆतर गे नेम्‍हा उज्‍जना ती बिगर कैर-कुसर अरा नग्‍गा नखरना ती ख़ेक्खा गुट्ठिन चोदना ती बिन्‍ती नन्ना र'ई।

2 तीमोथियुस 2:9

ऎन ई दौ कत्‍था मेन्‍त'अना चड्डे गुड़रका लेक्‍खा जेहेल नू हॆंरना गूटी दुक्‍खे सारदन। लिकिन धर्मेसी कत्‍थन नॆ हूँ हें'आ पोल्‍लोर।

3 यॊहन 1:12

दॆमॆत्रियोसी पत्त नू ओर्मर बॆस गोवाह तेंगनर, अरा मानी हूँ आसी पत्त नू बॆस गोवाह चि'ई। अरा ऎम हूँ आसी पत्त नू बॆस गोवाह चि'अदम। अरा नीन अख़दय का एम्है गोवाह मानिम र'ई।

दहदर मंजका कत्‍था 14:6

इदही ख़ॊख़ा ऎन अउर ओन्टा मेर्ख़ा पैकासिन मझी मेर्ख़ा नू उढियारना ईरकन। आसी गुसन ख़ॆख़ेल नू र'ऊ उर्मी राजी अरा गोतोर अरा भखा अरा आल खोंड़हा ता आलर गे मेन्त'आ गे जनमजुग ही दौ कत्‍था रहचा।

दहदर मंजका कत्‍था 22:17

धर्मेसी बॊलतस अरा बेंजा पेल्लो येसुसिन “बरा” ब'अनर। अरा इदन मिनुस हूँ “बरा” ब'अदस नेकअन। अरा एकास ओनक'आ र'अदस आस बरदस नेकअन, अरा एकास पत्तारदस आस उज्जना अम्मन सिथियम हो'अदस नेकअन।