1 पतरस 5:4 - पुना गच्छरना NT (BSI)

⁴ नीम एन्ने ननोर होले, इकला मुध महरस दहदर मनोस, आ बारी नीम तंग्है बिल्चनन मल अम्बना महबा अरा मईन ही मुकुटन ख़क्खोर।

1 पतरस 5:4 ပူးပေါင်းရင်းမြစ်များ

यॊहनस 10:11

ऎन दिम बॆस महरा हिकदन। बॆस महरस तंग्‍है भेंडो गे तंग्‍है जियन चि'अदस।

1 कोरिन्‍थ 9:25

ओर्मा बीचुर गा उर्मी मदहे कत्‍था नू तमन सम्ड़'अनर। ईर नठारना इनामन ख़क्‍खा गे एन्ने नन्नर। लिकिन नाम गा मल नठारना इनामन ख़क्‍खा गे एन्ने नन्‍दत।

2 तीमोथियुस 4:8

अक्‍कु एंगा उजगो ही मुकुट इनाम उइरकी र'ई। उजगो गने रायबड़ी ननू धर्मेस अदिन रायबड़ी उल्‍ला नू एंगा चि'ओस। एंगा लेका मला आसी बरनन पाब ईरू ओर्मर गे चि'ओस।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,

याकॊब 1:12

बिढ़्रनन सह'ऊ आलासिन धर्मेस आसीस नन्दस। एन्देरगेका आस आ बिढ़्रना नू बड़ियर र'अना ती उजगो आलस उरखका ख़ॊख़ा, धर्मेस तंग्हा नू चोन्हा ननुर गे चि'ओन एन्ने गच्छरका जनमजुग उज्जना ही इनामन आस ख़क्खोस।

1 पतरस 1:4

इदही गने धर्मेस निमा गे ओन्टा कोड़हे आसीसन मेर्ख़ा नू उइय्कादस। आद इकला हूँ मल नठार'ई अरा सोतरा मल मनी अरा मल चड़मी।

1 पतरस 2:25

मानिम नू मुन्द नीम बेहड़ारका भेंडो लेक्‍खा रहचकर, लिकिन अक्‍कु निम्‍‍है जिया गुट्ठी ही ख़ापुस अरा ईरु-ख़ूजुस मसीस गुसन किर्रका बरचका र'अदर।

1 पतरस 5:2

धर्मेसी निम्है ख़ेक्खा नू सोंपचका आसी खोंड़हन ख़ापा, एकदा निम्है मझी नू र'ई। अरा ईरू-ख़ूजुर लेक्खा सुसर नना। ढेवा ढेवा ती मला, लिकिन धर्मेस नीम नना गे बेद्दना लेक्खा सौंसे जीया ती अदन नना। मलदौ अर्ज'आ गे मला, लिकिन कोड़हे रिझ गने आ सुसर आबोन नना।

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।

दहदर मंजका कत्‍था 1:7

ऎरा! आस बदाली गुट्ठी गने बर'ऊ र'अदस। ओर्मर आसिन ऎरोर, नॆ आसिन जोबचका रहचर आर हूँ आसिन ऎरोर। ख़ॆख़ेल ता उर्मी जातियर आसी चड्डे चींख़ोर ओलख़ोर। हाँ, ईद मनो दिम। आमेन!

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 3:11

ऎन चाँड़हे बर'आलदन, एंग्है नू जिटजिटने पत्त'अते र'आ। ख़ने नॆ हूँ निंग्‍है इनामन मल हो'ओर।