1 पतरस 5:14 - पुना गच्छरना NT (BSI)

¹⁴ कोड़हे चोन्हा ही चोंखा गने ओर्त ओर्तारिन मोंजरा नना। मसीस नू र'ऊ निमा ओर्मर गे कोड़े मनन नेकअन।

1 पतरस 5:14 ပူးပေါင်းရင်းမြစ်များ

मत्तायोस 5:47

नीम निम्‍है भईरिन लेका मोंजरा नन्‍दर होले नीम नन्नर ती एन्‍देर कोहाँ नलख नन्‍दर? धर्मेसिन बल्लुर हूँ एन्ने नन्नर।

यॊहनस 14:27

ऎन निमा गे कोड़े चि'अरकी कादन, एंग्‍है कोड़ेन चि'अदन। ख़ॆख़ेल चि'अना कोड़े लेक्‍खा ऎन मल चि'अदन। औंगे नीम अमके उकुल बुकुल मना, अरा नीम अमके एल्‍चा।

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

यॊहनस 20:19

अउलम हप्‍ता ही पहिल उल्‍ला बीड़ी पुतबारी, चेलर ख़ॊंड़रका रहचर। अरा यहूदी मुद्धर ही इल्‍चिक'आ ती आर बलिन मुच्‍चरर ती भितरी रहचर। येसुस बरचस ती आर ही मझी नू इज्‍जस, अरा चेलारिन बाचस, “निमा कोड़े मनन!”

यॊहनस 20:26

आठ उल्‍ला ख़ॊख़ा येसुसी चेलर फेन आ एड़पा नू ख़ॊंड़रका रहचर, अरा तॊमस हूँ आर ही संगे रहचस। बली मुच्‍चका रहचा, अन्नु हूँ येसुस भितरी बरचस ती मझी नू इज्‍जस अरा बाचस, “निमा कोड़े मनन!”

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

रोमी 16:16

अपन ती नन्नर नू नेम्‍हा चोंखना ती मोंजरा नना। निमा मसीसी उर्मी कलीसिया तरती मोंजरा।

रोमी 8:1

औंगे अक्‍कु नॆ मसी येसुस नू र'अनर आर गे एन्‍द्रा हूँ दंडे पॆस्रका मल्‍ला।

1 कोरिन्‍थ 1:30

आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 16:20

इय्या ता ओर्मा पत्त'ऊ आलर निमन मोंजरा नन्‍नर। ओर्त ओर्तोरिन नेम्‍हा चोंखना ती मोंजरा नना।

2 कोरिन्‍थ 13:12

ओर्तोस नन्नासिन नेम्‍हा चोंखना गने मोंजरा नना।

2 कोरिन्‍थ 5:17

औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

इफेसुस 6:23

धर्मे बंगस अरा उर्बस येसु मसीस तरती नीम उर्मी भइय्योर गे सान्‍ति अरा पत्त'अना गने ता चोन्‍हा ख़खख्र'अन नेकअन।

1 थेस्‍सलोनिकॆयर 5:26

उर्मी भईरिन नेम्हा चोंखना गने मोंजरा नना।

1 पतरस 1:2

धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।

3 यॊहन 1:14

एंगा असरा र'ई का, ऎन लॆम निंग्है गुसन बर'ओन ती ऎरोन। अरा नाम छम्‍हा छम्‍हें कछनख्र'आ ओंगोत।