1 पतरस 5:12 - पुना गच्छरना NT (BSI)

¹² ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।

1 पतरस 5:12 ပူးပေါင်းရင်းမြစ်များ

यॊहनस 21:21

पतरस आसिन ईरियस ख़ने, येसुसिन मेंजस, “अना उर्बायो! ईसी पत्त नू एन्‍देर हिके?”

त‍इरकर 11:23

बरनबास असन अंड़सियस ती धर्मेसी सोग्‍गे आबोन ईरियस ख़ने आस रिझ्रस। आस ओर्मारिन उर्बस नू सौंसे जिया ती मानिम गने बड़ियर र'आ गे रिझ्रताचस।

त‍इरकर 15:22

तहाँ त‍इरकर अरा सेयान आलर कलीसिया ता उर्मिर गने तिगचर का नम्‍है ती जोक्‍क आलारिन चाजोत ती पौलुस अरा बरनबास गने अन्‍तियोख़ेया त‍इय्योत। आर इबड़र हिकनर का बरसब्‍बास बारना यूदस अरा सीलास, ईर पत्त'ऊ आलर नू मुध रहचर।

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

रोमी 5:2

येसुस नमन नम्‍है पत्त'अना चड्डे ई पुना नता नू ओन्‍द्रकादस एका इय्या नाम धर्मेसी मया आबोन लखदत। धर्मेस आसी महबा आबोन नमा गे ख़ट्टोस, ई असरा ती नाम रिझ्रदत।

1 कोरिन्‍थ 15:1

अना भईरो! अक्‍कुन ऎन निमन तिंका दौ कत्‍थन अउर हूँ सुरत'आ गे बेद्ददन। अदिन नीम इंझ्रकर हूँ अरा अइय्या नीम बड़ियर मंजकर ती र'अदर।

2 कोरिन्‍थ 1:19

सीलास अरा तीमोथियुस अरा ऎन निम्‍है मझी नू तिंका धर्मेसी ख़द्दस येसु मसीस, “हाँ” एन्ने बाचका ख़ॊख़ा “मला” एन्ने ब'ऊ मलदस। लिकिन “हाँ” एन्ने ब'अदस होले, आस नू आद सगरो “हाँ” र'ई।

2 कोरिन्‍थ 1:24

ऎम निम्‍है पत्त'अना म‍इय्याँ आकुस नना गे मल बिद्दकम। ऎम निम्है गने निम्‍है रिझ गे नलख ननू र'अदम, एन्‍देरगेका नीम पत्त'अना नू पखड़ र'अदर।

इफेसुस 3:3

धर्मेस तान तंग्है गम चिताबुतन एंगा दहदर नंजस। ऎन इदही पत्त नू मुन्द दिम अंछर ती लिखचका र'अदन।

इफेसुस 6:21

अक्कु एम्है चोन्हा भईस उर्बस नू पत्त'अना जॊगे जॊंख़स तुख़िखोस एंग्है पत्त नू उर्मिन निमा गे तेंगोस। होले नीम हूँ ऎन एकासे र'अदन अरा एन्देर ननालदन उर्मिन अख़'आ ओंगोर।

कोलोस्से 1:7

ई दौ कत्थन नीम एम्है गने सुसर ननू एम्है चोन्हा भई एपाफ्रास ती सिख्रकर। आस एम्है ऊजी नू निम्है मझी नू मसीसी पत्त'अना जॊगे सुसर ननुस हिकदस।

कोलोस्से 4:7

दुलारु भई अरा पत्त'अना जॊगे सुसर'उस अरा उर्बासी नलख नू एंग्है गने सुसर ननू तुख़िखोस, एंग्‍है पत्त ता उर्मी हलन निमन तेंगोस।

कोलोस्से 4:9

अरा आसी गने ऎन पत्त'अना जॊगे अरा दुलारु भई ओनॆसिमोसिन हूँ तइय्कादन। आस निम्‍है आलस दिम हिकदस। आर निमन इसता उर्मी कत्‍थन तेंगोर।

1 थेस्‍सलोनिकॆयर 1:1

ई चिठी ऎन पौलुस अरा सीलास अरा तीमोथियुस तरती थेस्‍सलोनिकॆ नगरे ता कलीसिया गे र'ई। धर्मे बंगस अरा उर्बस येसु मसीस नू निमा मया अरा कोड़े मनन नेक‍अन।

2 थेस्‍सलोनिकॆयर 1:1

ई चिठी ऎन पौलुस अरा सीलास‍ अरा तीमोथियुस तरती नम्है धर्मे बंगस अरा उर्बस येसु मसीस नू र'ऊ थेस्‍सलोनीकॆ कलीसिया गे र'ई।

इब्रानी 13:22

अना भ‍ईरो! ऎन जुक्‍की दिम निमा गे लिखचका ई चेताब'अना ही कत्‍थन नीम इंझ्र'आ गे गोहरारदन।

1 पतरस 1:13

औंगे नीम अपन अपन जियन नलख नना गे सपड़'आ। अरा खतिर नन्ना ती र'आ। अरा येसु मसीसी दहदर मन्ना ही बेड़ा नू निमा ख़क्ख्रना र'ई आ मया मइय्याँ निम्है उर्मी असरा आबोन उइय्या।

1 पतरस 4:10

नीम ओर्मर धर्मेस ती ख़क्खका इनामन बउरारकी ओर्त ओर्त गे सुसर नना। एन्नेम नन्ना नन्ना रकम ती बरना धर्मेसी मया आबोन मानी गने उय्यू-उस्र'ऊ मना।

2 पतरस 1:12

औंगे इबड़ा कत्था गुट्ठिन सगरो सुरता नन्ताते र'ओन। नीम इबड़न मुन्द तिम अक्कादर, अरा अक्कुन इबड़ा कत्था गुट्ठी नू मानिम नू बन्चका र'अदर। अन्नु हूँ अउरिम सुरता नन्त'आ बेद्ददन।

2 पतरस 2:15

आर उजगो डहरेन अम्बरकी तम्है डहरेन एब्सका चिच्का र'अनर। आर बोसोरसी तंग्दस धर्मेसी कत्था तिंगू बालामसी डहरे नू ईक्कानर, एकास मलदौ नन्ना ती ढिबा अर्ज'आ बेद्दा लगियस।

3 यॊहन 1:12

दॆमॆत्रियोसी पत्त नू ओर्मर बॆस गोवाह तेंगनर, अरा मानी हूँ आसी पत्त नू बॆस गोवाह चि'ई। अरा ऎम हूँ आसी पत्त नू बॆस गोवाह चि'अदम। अरा नीन अख़दय का एम्है गोवाह मानिम र'ई।

यहूदा 1:3

अना एंग्है दुलारो, एका नाड़रना नू नाम मेस्रकत, ऎन अदही पत्त नू कोड़हे रिझ गने निमा लिख'आ बेद्दा लिक्कन। लिकिन अक्कु एंगा चाड़ मंजा का ई चिठी ती ऎन निमन आनोन ती रिझ्रत'ओन का नीम आ पत्त'अनन ख़ापा गे चिहुट नना, एकदा धर्मेसी नेम्हा आलर गे ओंग्होल लेका चीरकी र'ई।