9 बिगर कुनमुनर'आ ती ओर्त ओर्तारिन पाही ऎरा।
चाड़ नू र'ऊ धर्मेसी आलर गे निम्है गुसन एन्द्रा र'ई अदिन ख़ट्टा, पाही ऎरना नू बोथ्रका र'आ।
गायोस एकास एंग्है अरा गोट्टा कलीसिया ही पाही ईरू र'अदस, आस निमन मोंजरा नन्दस। एरस्तोस नॆ नगरे ता भंडारी र'अदस अरा एम्है भई क्वार्तोस निमन मोंजरा नन्दर।
औंगे ओर्मर तान तंग्है जिया नू चि'आ गे एकासे तिगचकानर अन्नेम दान चि'अना र'ई, कुटमुटर'आ ती मला अरा बड़पेलहा ती मला, एन्देरगेका रिझ ती चि'उरिन धर्मेस चोन्हा नन्दस।
उर्मिन बिगर कुटमुटर'आ ती अरा बिगर नग्गानख्रकम ती नना।
औंगे कलीसिया ही ईरु-ख़ूजू मुद्धासी उज्जना बिज्जना उजगो मन्ना र'ई। अरा आस ओन्टे लेका मुक्का उइय्युस अरा चिहुंक, अरा मईन जॊगे आल, अरा पाही ईरू अरा सिखाब'आ ऊंगू र'अना र'ई।
आस गे पाही ईरू, दौ नलख बिद्दू, खतीर ननू, नियाँव ननू, नेम्हा अरा जियन जतन'ऊ र'अना र'ई।
लिकिन ऎन निंग्है बिगर मने एन्देर हूँ नना मल बिद्दकन का नीन नन्ना इन्द्रिइम संगरा हूँ निंग्है सौंसे जिया ती रिझ ती नन्ना र'ई, एंगा बड़पेलहा ती अदन मल नन्ना र'ई।
अरा दौ नना गे अरा निम्है जिनिसन चाड़ नू र'उर गे ख़ट्टा गे अमा मोध्र'आ, एन्देरगेका एन्ने लेक्खा दाँड़े गुट्ठी तिम धर्मेस रिझ्रदस।
मल ईरका आलारिन पाही ऎरा गे अमा मोध्र'आ। एन्देरगेका एन्ने पाही ऎरना चड्डे जोक्क आलर बलना ती मेर्ख़ा पैकारिन हूँ पाही ईरियर।
अना भईरो, नीम ओर्त ओर्तर ही बिड़दो नू अमा हउडउर'आ, होले नीम नेंवई मल नन्तार'ओर। ऎरा, नेंवई ननुस चाड़हेम बर'ऊ र'अदस।
