1 पतरस 4:8 - पुना गच्छरना NT (BSI)

⁸ उर्मी ती कोहाँ गा ओर्त ओर्त गने कोड़हे चोन्हा नना, एन्देरगेका चोन्हा कोड़हे पाप गुट्ठिन भुलाब'अती चि'ई।

1 पतरस 4:8 ပူးပေါင်းရင်းမြစ်များ

1 कोरिन्‍थ 13:1

ऎन आलर ही भखा गुट्ठिन अरा मेर्ख़ा पैकर ही भखा गुट्ठिन कछनख्रदन, लिकिन एंग्‍है नू चोन्‍हा मलकी होले, ऎन ठिंन ठिंनरना पितल अरा झनझनरना झाँझ लेका हिकदन।

1 कोरिन्‍थ 13:4

चोन्‍हा सह'ऊ अरा सोग्‍गे ईरू र'ई। चोन्‍हा इस्‍गहा मल ननी, चोन्‍हा फुल‍ई मल ननी, अरा मल इतरार'ई।

कोलोस्से 3:14

अरा इबड़ा उर्मी दौ गुन्न ती कोड़हे, चोन्‍हा आबोन अत्ता। आदिम अबड़ा उर्मिन बड़ियर ओन्टेम मन्ना नू हें'अरकी उइय्की र'ई।

1 थेस्‍सलोनिकॆयर 3:12

एम्‍है चोन्‍हा एकासे निम्है नू परदिया निन्‍दिया अन्नेम निम्‍है चोन्‍हा ओर्त ओर्त नू नन्‍नर नू परदा ती नीदा गे उर्बस निमन सहाड़ा नन्‍दस नेक‍अन।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

1 तीमोथियुस 1:5

इबड़ा आनका ही चड्डे चोन्‍हा दिम हवे। ई चोन्‍हा निमन जिया अरा दौ लखना अरा बड़ियर पत्त'अना ती दिम बर'ई।

इब्रानी 13:1

तंग्‍है ती नन्नारिन भ‍ई बहिन बेसे चोन्‍हा नन्ना नू बन्चका र'आ।

याकॊब 5:12

अना एंग्‍है भईरो, उर्मी ती कोड़हे गा, नीम किरया अमके मॊख़ा। ख़ॆख़ेल ही महले मेर्ख़ा ही महले एकअम नन्ना आलॊ ही मइय्याँ अमके किरया मॊख़ा। लिकिन निम्‍है कत्‍था गा हाँ होले हाँ अरा मला होले मला र'अन नेकअन। होले धर्मेस निमन बदी मल टिड़'ओस।

याकॊब 5:20

आस इदन अख़'आ हो'आ का, आस ओर्त पपहा आलासिन आसी मलदौ डहरे ती किर्त'अदस, अरा आस आसिन जनमजुग खे'अना ती बछाब'अदस, अरा आस आ पपहा आलासी कैनो गोटंग पाप गुट्ठिन अम्बत'अना गे चड्डे मन्दस।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

3 यॊहन 1:2

अना दुलारो, ऎन निंगा गे गोहरारदन का नीन उर्मी नू बने गने र'अन नेकअन। एकासे नीन बॊलता नू परदा लगदय, अन्नेम नीन कया नू परदा।