1 पतरस 4:3 - पुना गच्छरना NT (BSI)

³ नीम मुन्द धर्मेसिन बल्लुर पत्तारना नलख गुट्ठिन नन्ना ती रिरयारर ती बग्गे बेड़न बहाबाचकर। नीम पेहरन ही सोतरा नलख नू, अरा मलदौ सुख-सौंरत गुट्ठी नू, अरा उंखना नू, अरा रिझ-रंग नू, अरा अरखी ओन्ना मदी गुट्ठी नू, अरा बिगर नॆग ही मूर्ती गुट्ठी गे ऒड़ लग्गना नू उज्जा लिक्कर।

1 पतरस 4:3 ပူးပေါင်းရင်းမြစ်များ

मरकुस 7:22

चिबाख़ारनर, मलदौ नलख नन्नर, ठगनर, पेहरन ही मलदौ ख़न्न ऎरनर, पड़गनर, हींड़नर, तरगरनर, अरा बैतल नलख नन्नर।

त‍इरकर 17:30

केरका बेड़ा नू आलर धर्मेसिन मल बुझ्रर। इदिन आस अम्‍बियस चिच्‍चस। लिकिन अक्‍कु आस उर्मी अड्डा ता उर्मी आलारिन जियन किर्त'आ गे आनदस।

रोमी 13:13

उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।

1 कोरिन्‍थ 12:2

नीम अख़दर का नीम धर्मेसिन बलना नू रहचकर ख़ने, नीम कोन्‍दा मूर्ती गुट्ठिन ऒड़ लग्‍गा गे बिड़दो डहरे गुट्ठी नू एकतार'आ लिक्‍कर।

1 कोरिन्‍थ 6:11

निम्‍है नू जोक्‍कोर एन्नेम रहचर, लिकिन नीम उर्बस येसु मसीसी नामे ती अरा नम्‍है धर्मेसी बॊलतस ती नॊड़रकर अरा नेम्‍हा मंजकर अरा उजगो मंजकर।

2 कोरिन्‍थ 12:21

अरा एन्ने अम्बो मना का ऎन निम्है गुसन अउर बरना बारी, एंग्‍है धर्मेस निम्‍है मुन्दहारे एंगन किय्या नन्त'ओस, अरा एंगा अबड़ा बग्‍गे आलर गे कलपारना मनो का नॆ मुन्द नंजका पाप ती सोतरा मन्ना, पेहरन ही सोतरा नलख, पसड़ा गुट्ठी ती जिया मल किरताचर।

गलातिया 5:19

कया ही नलख गुट्ठी गा दहदर र'ई, पेहरन ही सोतरा नलख, सोतबोड़'आ, पेहरन ही मलदौ ख़न्न,

गलातिया 5:21

डाहना, उंखना, धधारना इबड़ा ही अउर हूँ नलख र'ई। इबड़ा ही पत्त नू ऎन निमन तिगा ब'अदन, एकासे ऎन मुन्‍द तिंका चिच्‍चकादन का इबड़ा नलख ननुर धर्मेसी राजी ही आसीस आबोन मल ख़क्‍खोर।

इफेसुस 5:18

अरा उंखू अमा मना, एन्‍देरगेका इत्रु भड़ुवा नलख मनी। लिकिन नेम्हा बॊलतस ती नींदनुम कला।

1 थेस्‍सलोनिकॆयर 4:5

अरा धर्मेसिन बल्‍ली आ जाती लेक्‍खा निम्‍है मॆदन एन्ने पाप नन्‍ना ही चिबाख़ारना गे अमा चि'आ।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

1 पतरस 1:14

मुन्द नीम मल बुझ्रना नू रहचकर ख़ने, मलदौ चिबाख़ारना गुट्ठी निमा नू रहचा। अदही लेक्खा अक्कुन हूँ मल उज्जरकी पॆसकन पॆस्र'ऊ ख़द्दर लेक्‍खा मना।

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।