1 पतरस 4:2 - पुना गच्छरना NT (BSI)

² इदही चड्डेम आस ख़ॆख़ेल नू अउर उज्जना तंग्है उज्जना नू आल सुबहा ती बरना मलदौ सुख-सौंरत गुट्ठी गे मल उज्जदस। लिकिन धर्मेसी मने लेक्खा नना गेम आस उज्जदस।

1 पतरस 4:2 ပူးပေါင်းရင်းမြစ်များ

मत्तायोस 12:50

एन्‍देरगेका एका ओर्तर एंग्‍है मेर्ख़ा बंगासी मने लेक्‍खा ऎकनर, आरिम एंग्‍है भ‍ई अरा एंग्‍है बहिन अरा एंग्‍है अयंग हिकनर।”

मत्तायोस 20:4

अरा आरिन बाचस, ‘नीम हूँ अंगुर बटकी नू कला, अरा ऎ बग्‍गे चि'अना र'ई अदिन ऎन निमा चि'ओन।’

मत्तायोस 21:31

इबड़र ती एका ओर्तर तम्‍बासी मने लेक्‍खा नंजर?” अबड़र बाचर, “कोहँस।” येसुस आरिन बाचस, “ऎन निमन मानिम ब'अदन का ऊज'उर अरा खिल्डिर निमन ती मुन्‍द धर्मेसी राजी नू कोरनर।

मत्तायोस 7:21

नॆ एंगन अना उर्बायो! अना उर्बायो! ब'अनर लेका आर मेर्ख़ा राजी नू मल कोर'ओर। नॆ एंग्‍है मेर्ख़ा बंगस ही मने लेक्‍खा नन्नर आरिम मेर्ख़ा राजी नू कोर'ओर।

मरकुस 3:35

एका ओर्तर धर्मेसी मने लेक्‍खा ऎकनर, आरिम एंग्‍है भ‍ई अरा एंग्‍है बहिन अरा एंग्‍है अयंग हिकनर।”

मरकुस 7:21

एन्‍देरगेका आलर जिया नू मलदौ सोचनर। ई चड्डे आर पेहरन ही सोतरा नलख नन्नर अरा आर ख़ड़नर, आल पिटनर, नन्ना आली गुसन कानर,

यॊहनस 1:13

आर अयंग-बंग ती, महले मॆद ही मने ती, महले मॆत-मुक्‍का ही मने ती धर्मेसी ख़द्दर मल मंजर, लिकिन धर्मेस तंग्‍है मने ती आरिन तंग्‍है ख़द्दर कमचस।

यॊहनस 7:17

नेक‍ईम धर्मेसी मनेन नना बेद्ददस होले, आस ई सिखाब'अना ही पत्त नू अख़'ओस का ईद धर्मेस तरती र'ई का महले ऎन एंग्‍है ती ब'अदन।

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

रोमी 14:7

एन्‍देरगेका नम्‍है ती नीक‍ईम तंगा गे लेका मल उज्‍जदस अरा तंगा गे लेका मल खे'अदस।

रोमी 6:11

नीम हूँ निमन पाप ही सवंग गे केच्‍च ख़च्चिका अरा मसी येसुस नू धर्मेस गे उज्‍जना अख़के।

रोमी 6:2

कहियों मला! मानिम नू अन्ने नन्ना मल्ला। नाम गा पाप नन्नन अम्‍बकत ती पाप नना गे केच्‍कत केरकत, ख़ने नाम अउरिम पाप नन्‍ते उज्‍जा पोलदत।

रोमी 7:4

ई लेक्‍खम अना एंग्‍है भ‍ईरो, निमा पच्चा आल सुबहा मसीस गने पॆसका ही सवंग गे केच्‍चा केरा। अरा अक्‍कु नीम एका ओर्तस केचका ती उज्‍जा चॊच्‍चस आसी गने मेसरकत। ई चड्डे नाम दौ नलख ही दौ ख़ंजपा धर्मेस गे चि'आ ओंग्‍दत।

2 कोरिन्‍थ 5:15

मसीस नाम ओर्मर ही बदली नू केच्चस, ई चड्डे अक्‍कु उज्‍जालनर आर तमा गे मल उज्जना र'ई। नॆ तमा बदली नू केच्चस ती फिन उज्जा चॊचस आस गे दिम आर उज्जना र'ई।

इफेसुस 2:3

अबड़र ही मझी नू नाम ओर्मत हूँ मुन्द ओंग्होल नम्है कया ही चिबाख़ारना ही लेक्‍खा उज्जा लिक्‍कत, कया अरा जिया ही मने गुट्ठी लेक्‍खा नना लिक्‍कत। अरा बछ्रका उर्मी आलर लेक्‍खा धर्मेसी कैर ही तबे नू रहचकत।

इफेसुस 4:17

औंगे ऎन निमन इदन ब'अदन ती उर्बासी नामे नू निमन चेताब'अदन, नीम अक्‍कु ती नन-यहूदीर ही नन्ना लेक्खा आर ही अनभनियाँ सोच नू अमके उज्जा।

इफेसुस 5:17

औंगे नीम बोया अमा मना, लिकिन बुझुर'आ का नीम नना गे उर्बासी मने एन्‍देर र'ई।

इफेसुस 6:6

आरिन पत्तारत'आ गे लेका आर ही ऎरना नू लेका अन्ने मल पॆस्र'अरकी, निम्है उर्मी जिया गने धर्मेसी चिताबुतन ननू मसीसी जॊंख़र लेक्‍खा पॆस्र'आ।

कोलोस्से 1:9

औंगे ऎम निम्है पत्त नू मेंजका उल्ला ती ऎम निमा गे गोहरारनन मल अम्‍बदम। अरा नीम नेम्हा बॊलतासी उर्मी लूर अरा ओर्खना गने धर्मेसी मने अबोन अ‍ख़ना ही लूर ती नीदा गे ऎम धर्मेस ती ने'अदम।

कोलोस्से 3:3

एन्‍देरगेका नीम गा केचकादर, अरा निम्‍है उज्‍जना मसीस गने धर्मेस नू नूख़ूरकी र'ई।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

1 थेस्‍सलोनिकॆयर 5:18

उर्मी दसा नू धन्‍यवाद नना। एन्‍देरगेका निमा गे मसी येसुस नू धर्मेसी मने इदिम र'ई।

इब्रानी 13:21

नीम दौ नलख ननू अरा आसी चिताबुतन ननू आलर र'आ गे, निमा गे उर्मी चाड़न चि'अदस नेक‍अन। आस येसु मसीस ती नम्‍है नू तंग्‍है मनेन नन्‍दस नेक‍अन। आस गे दिम हुल्‍लो ती हुल्‍लो गूटी महबा मनन नेक‍अन! आमेन।

याकॊब 1:18

आस तान गढ़चका उर्मी नू नाम ओन मदहे ती पहिल ख़ंजपा मना गे तंग्‍है मने ती तंग्है मानी कत्‍था ती नमन पुना गढ़चस।

1 पतरस 1:14

मुन्द नीम मल बुझ्रना नू रहचकर ख़ने, मलदौ चिबाख़ारना गुट्ठी निमा नू रहचा। अदही लेक्खा अक्कुन हूँ मल उज्जरकी पॆसकन पॆस्र'ऊ ख़द्दर लेक्‍खा मना।

1 पतरस 2:1

औंगे नीम उर्मी रकम ही मलदौ अरा उर्मी ठकना अरा उतुरमाड़ना गुट्ठी अरा इस्‍गहा गुट्ठी अरा उर्मी मलदौ कछनख्रना गुट्ठी ती निमन तरकूटी उइय्या।

1 यॊहन 2:17

ख़ॆख़ेल अरा अदही चिबाख़ारना आबो मुंजुर'ओ क'ओ। लिकिन धर्मेसी मनेन ननुस गा जनमजुग गे बन्चका र'ओस।