1 पतरस 4:19 - पुना गच्छरना NT (BSI)

¹⁹ औंगे धर्मेसी मने ही लेक्खा सस्ती सार'उर अउरिम दौ नन्तेम र'अना ती पत्त'अना जॊगे अरा तमन गढ़चका धर्मेस गे तमन सोंपनर नेकअन।

1 पतरस 4:19 ပူးပေါင်းရင်းမြစ်များ

लू‍कस 23:46

अरा येसुस जॊरसरिया चिच्चि‍यारनुम बाचस, “अना बबा, ऎन एंग्‍है बॊलतन निंग्‍है ख़ेक्खा नू अम्‍बदन।” अरा एन्ने बाचस ती आस तंग्‍है जियन बिच्‍छरस।

त‍इरकर 7:59

आलर स्‍तेफनोस म‍इय्याँ पखना ती लोड़ग'आ लगियर ख़ने, आस एन्ने गोहरारस, “उर्बायो येसु, एंग्‍है बॊलतन इंझ्र'आ।”

रोमी 2:7

एका ओर्तर सहेलहे दौ नलख नन्नुम महबा अरा म‍ईन अरा मल नठारनन धर्मेस ती बेद्दना नू र'अनर, धर्मेस आर गे जनमजुग ही उज्‍जना चि'ओस।

2 तीमोथियुस 1:12

औंगेम ऎन ई दुक्‍खेन हों चॊद्दन, लिकिन मल एल्‍चदन। एन्‍देरगेका नॆकन ऎन पत्त'अदन अदन अख़दन। एंगा असरा र'ई का आस एंग्‍है नलखन रायबड़ी उल्‍ला गूटी ख़ापा ओंग्दस।

1 पतरस 2:15

एन्देरगेका नीम निम्‍है दौ नलख ती लूर मलका आलर ही मलदौ कत्‍था कछनख्रनन मुढ़'आ गे धर्मेस बेद्ददस।

1 पतरस 3:17

मलदौ ननरकी दुक्खे चॊदना ती, धर्मेसी मने ईदिम होले, दौ नन्ना ती दुक्‍खे चॊदना कोड़हे बॆस र'ई।

1 पतरस 3:20

अबड़ा बॊलता गुट्ठी ईर हिकनर का, एका ओर्तर चिरान नू नूहसी परिया नू आस कोहाँ डोंगा कमना उल्ला गुट्ठी नू धर्मेस कोड़हे कयास गने पाब ऎरा लगियस ख़ने, आसी पॆसकन मल पॆस्रर। आ कोहाँ डोंगा नू जोक्कोर लेका आठ आलर लेका बया बहड़ी ती बछरर।