1 पतरस 4:16 - पुना गच्छरना NT (BSI)

¹⁶ लिकिन नीम मसी आलर र'अना चड्डे सस्ती सारदर होले, अदही पत्त नू अम्बोस लजर'आ, लिकिन मसी आलर एन्ने नामे निमा गे र'अना चड्डे धर्मेसी महबा नना।

1 पतरस 4:16 ပူးပေါင်းရင်းမြစ်များ

त‍इरकर 11:26

अरा आसिन बिद्दियस ती अन्‍तियोख़ेया ओन्‍द्रस। अबड़र इरबारिम ओन बछर गूटी अइय्या ता कलीसिया नू रहचर ती नगदे बग्‍गे आलारिन सिखाब'आ लगियर। अरा अन्‍तियोख़ेया नू उर्मी ती मुन्‍द पत्त'ऊ आलर मसीर बातारर।

त‍इरकर 26:28

तहाँ अग्रिप्‍पस पौलुसिन बाचस, “एन्ने जुक्‍कीम बेड़ा नू नीन एंगन मसी आल कम'आ ओंगोन एन्ने सोचदय का?”

त‍इरकर 28:22

लिकिन निंग्‍है ब'अना एन्‍देर र'ई अदिनिम ऎम मेना बेद्ददम। एन्‍देरगेका ऎम अख़दम का उर्मी अड्डा ता आलर ई धरम खोंड़हा ही बिड़दो नू कछनख्रनर।”

त‍इरकर 5:41

त‍इरकर रिझ मंजर ती कोहाँ सभा एड़पा ती उरखर। एन्‍देरगेका आर येसुसी नामे चड्डे मार मॊख़ा गे अरा लज्‍जे मॊख़र'आ गे जॊगे गन्‍तारर।

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

फिलिप्‍पी 1:29

एन्‍देरगेका मसीस नू पत्त'आ गे लेका मला, लिकिन आसी चड्डे सस्ती अरा खिलपत हूँ सह'आ गे हूँ ईद निमा गे चीरकी र'ई।

2 तीमोथियुस 1:12

औंगेम ऎन ई दुक्‍खेन हों चॊद्दन, लिकिन मल एल्‍चदन। एन्‍देरगेका नॆकन ऎन पत्त'अदन अदन अख़दन। एंगा असरा र'ई का आस एंग्‍है नलखन रायबड़ी उल्‍ला गूटी ख़ापा ओंग्दस।

याकॊब 2:7

नीम नॆख'आ बारदर आ येसु मसीसी बॆस नामे ही आर निंदा मल नन्नर का?

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

1 पतरस 4:11

ओर्तस गे कत्था मेन्त'अना ही इनाम र'ई होले, आस धर्मेस तान आसी ती ब'अना लेक्खा कत्था मेन्त'अना र'ई। ओर्तस गे सुसर नन्ना ही इनाम र'ई होले, आस धर्मेस चि'अना सवंग ती अदन नन्ना र'ई। ख़ने नीम नन्ना उर्मी कत्था गुट्ठी येसु मसीस संगरा ती धर्मेस गे महबा ओन्द्रना र'ई। आस गेम उर्मी महबा अरा सवंग उर्मी उल्ला मनन नेकअन। आमेन।

1 पतरस 4:14

नीम मसीसिन पत्त'ऊ र'अना चड्डे निम्है निंदा मनी होले, नीम धर्मेस ती आसिस ख़क्खुर दिम हिकदर। एन्देरगेका महबा ती निंद्रका धर्मेसी बॊलतस निम्है नू मड़दस।

1 पतरस 4:19

औंगे धर्मेसी मने ही लेक्खा सस्ती सार'उर अउरिम दौ नन्तेम र'अना ती पत्त'अना जॊगे अरा तमन गढ़चका धर्मेस गे तमन सोंपनर नेकअन।