1 पतरस 4:15 - पुना गच्छरना NT (BSI)

¹⁵ नीम सस्ती सारना बारी आल पिटुस, मलता ख़लबस, मलता मलदौ ननुस, मलता नन्नर ही नलख नू हेड़ेम-जेड़ेम ननुस लेक्खा सस्ती अम्बोस सार'आ।

1 पतरस 4:15 ပူးပေါင်းရင်းမြစ်များ

मत्तायोस 5:11

एकाबारी आलर नीम एंग्‍है गने चॊंख़्र'उर र'अना चड्डे निमन हींड़नर अरा दुक्‍खे सारत'अनर अरा दोस ठेकाबाच बाच उर्मी रकम ही मल दौ कत्था कछनख्रनर ख़ने, धर्मेस निमन आसीस ननोस।

1 थेस्‍सलोनिकॆयर 4:11

अरा ऎम निमन पॆसकम अन्नेम कोड़े गने उज्‍जा, अरा तंग्‍है तंग्‍है नलखन नना, नन्नर ही नलख नू अमा नूता, अरा तंग्है ती अर्ज'आ गे चिहुट नना। ईदिम निमा चाड़ र'ई।

2 थेस्‍सलोनिकॆयर 3:11

निम्‍है मझी नू जोक्‍क आलर लंडी र'अनर‍ अन्ने मेंजकम। आर एकअम बेसे नलख मल नन्‍नर, लिकिन नन्नर ही नलख नू नूतनर अरा अनभनियाँ नलख नू मेस्रकानर।

1 तीमोथियुस 5:13

इदही गने आर लंडी मना हेभ्रनर। अरा एड़पा एड़पा जलिय'आ कुद्दनर, अरा नन्नर ही नलख नू नूता बेद्दनर, अरा एका कत्‍थन मल कछनख्रना र'ई अदिन कछनख्रनर।

2 तीमोथियुस 2:9

ऎन ई दौ कत्‍था मेन्‍त'अना चड्डे गुड़रका लेक्‍खा जेहेल नू हॆंरना गूटी दुक्‍खे सारदन। लिकिन धर्मेसी कत्‍थन नॆ हूँ हें'आ पोल्‍लोर।

1 पतरस 3:14

लिकिन नीम दौ नन्ना चड्डे दुक्‍खे चॊद्दर होले, नीम धर्मेस ती आसीस ख़क्‍खोर। नेम्हा पुथी नू लिक्खरका लेक्खा नना का, “नीम आर ही इल्चताना गुट्ठी गे अमके एल्‍चा अरा अमके धुकपुकर'आ।”

1 पतरस 3:17

मलदौ ननरकी दुक्खे चॊदना ती, धर्मेसी मने ईदिम होले, दौ नन्ना ती दुक्‍खे चॊदना कोड़हे बॆस र'ई।