1 पतरस 4:1 - पुना गच्छरना NT (BSI)

¹ औंगे मसीस नम्है पाप गुट्ठी गे तंग्है कया नू दुक्खे चॊदना ती नीम हूँ ई लेक्खम तम्है कया नू दुक्खे चॊद्दर एन्ने ई सोच आबोन कमहड़ लेक्खा अत्तका ती र'आ। एन्देरगेका एकास कया ती दुक्खे सारस आस पाप ही सवंग ती बच्छरका र'अदस।

1 पतरस 4:1 ပူးပေါင်းရင်းမြစ်များ

मरकुस 3:3

येसुस ख़ैका ख़ेक्खा आलासिन बाचस, “बरा, अरा ओर्मर ही मुन्‍दहारे इज'आ।”

रोमी 6:11

नीम हूँ निमन पाप ही सवंग गे केच्‍च ख़च्चिका अरा मसी येसुस नू धर्मेस गे उज्‍जना अख़के।

रोमी 6:2

कहियों मला! मानिम नू अन्ने नन्ना मल्ला। नाम गा पाप नन्नन अम्‍बकत ती पाप नना गे केच्‍कत केरकत, ख़ने नाम अउरिम पाप नन्‍ते उज्‍जा पोलदत।

रोमी 6:7

एन्‍देरगेका एकास केच्‍चस आस पाप ही तबे ती अम्‍बरदस।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

गलातिया 5:24

अरा नॆ मसी येसुसी हिकनर, आर तम्है कया ही चिबाख़ारनन अरा जिया ही मने गुट्ठी गने क्रुस नू अरग'आ ख़च्‍चि‍कानर।

इफेसुस 6:13

औंगे नीम मलदौ उल्ला नू इबड़ा ही बिड़दो नू हुरभेटा नना गे, अरा उर्मिन मुंजा ख़च्‍चना ती बड़ियर इज्‍ज'आ गे धर्मेसी उर्मी कमहड़ आबोन धर'आ।

फिलिप्‍पी 2:5

मसी येसुस नू रहचका सोचना लेक्खा दिम निम्है नू हूँ र'अना र'ई।

इब्रानी 12:3

पपहा आलर ती बरचका उर्मी दुक्‍खन सहचका येसुसी पत्त नू सोच'आ, होले नीम ख़ॆना मनोर ती पत्त'अनन मल अम्‍बोर।

इब्रानी 4:10

एकास धर्मेसी ख़न्न ऎख़्रना अड्डा नू कोरदस आस धर्मेस एकासे ख़न्न ईख़ियस अन्ने तान हूँ तंग्‍है नलख ती ख़न्न ऎख़दस।

1 पतरस 2:21

इदगेम नीम मॆंख्रका हूँ र'अदर। एन्‍देरगेका मसीस हूँ निमा गे सस्‍ती सारचस ती नीम आसी उज्जना ओक्कना लेक्‍खा उज्जा ऎका गे निमा गे ओन्टा चिन्हा आबोन अम्बका केरकादस।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।