1 पतरस 3:8 - पुना गच्छरना NT (BSI)

⁸ छेद्द नू आन्‍दन, नीम ओर्मर ओन्टे जिया ओर्त ओर्तर ही पत्त नू सोच नू र'आ, ओर्मारिन भईर लेक्‍खा चोन्हा नना, सोग्‍गे ईरू अरा लुदऊ जिया मना।

1 पतरस 3:8 ပူးပေါင်းရင်းမြစ်များ

मत्तायोस 18:33

औंगे ऎन एकासे निंगन सोग्‍गे ईरकन अन्नेम निंगा हूँ निंग्‍है संगे जॊंख़स मइय्याँ सोग्‍गे ऎरना रहचा।’

लू‍कस 10:33

तहाँ ओन्‍टा डहरे ईकू समारिया ता आलस आ अड्डा नू बरचस ती आसिन ईरियस दरा आसिन सोग्‍गे ईरियस।

त‍इरकर 2:1

पेन्‍तॆकोस्‍तॆ परब ही उल्‍ला अंड़सिया ख़ने आर ओर्मर ओन अड्डा ख़ॊंड़रका रहचर।

त‍इरकर 27:3

नन्ना उल्‍ला ऎम सीदॊन अंड़सकम। अरा यूलियस पौलुसिन सोग्‍गे ईरियस, औंगे आस आसी संगेर गुसन काला गे अरा आर आस गे संगरा नना गे अम्‍बियस चिच्‍चस।

त‍इरकर 28:7

अइय्या अड्डे-बेड्डे ता गोड्डा आ टापू ता मुन्‍दस पोपलियोसी गोड्डा रहचा, आस तंग्‍‍है गुसन एमन परघाचस ती तीन उल्‍ला गूटी पाही ईरियस।

त‍इरकर 4:32

पत्त'ऊ आलर ही खोंड़हा ओन जिया अरा बॊलता नू रहचर। अरा नॆ हूँ तम्‍है खुर्जी गुट्ठिन एम्‍है मल ब'आ लगियर अन्‍ति उर्मिदिम सजहा रहचा।

रोमी 12:10

अपन ती नन्नर गने भ‍ई बहिन बेसे चोन्‍हा नना। निम्‍है ती बग्‍गे नन्नारिन म‍ईन ननके।

रोमी 15:5

कयास दरा रिझ्रनन चि'ऊ धर्मेस, मसी येसुस एकन्ने बेद्ददस अन्ने निमा अपन ती नन्नर नू मेसर'आ ती उज्‍जा गे सहाड़ा नन्‍दस नेकअन।

1 कोरिन्‍थ 1:10

अना भईरो! ऎन नम्‍है उर्बस येसु मसीसी आकुस ती निमन ने'अदन का नीम ओर्त ओर्त गने मेस्र'आ ती उज्‍जा, होले निम्‍है मझी नू ख़ाड़रना मल मनो। अरा नीम ओन जिया अरा ओन मने ती मेस्र'आ ती र'आ।

1 कोरिन्‍थ 12:26

अरा मॆद नू ओन्‍टा अंग गे दुक्‍खे मनी होले, अदही संगे उर्मी अंग गे दुक्‍खे मनी। अरा ओन्‍टा अंग गे मईन मनी होले, अदही गने उर्मी अंग खुसमार'ई।

इफेसुस 4:2

नीम सगरो निमन सन्नी नना ती लुदऊ गने अरा खतिर मन्ना ती र'आ, अरा ओर्त ओर्तोरिन सहना ती चोन्‍हा गने ऎका।

इफेसुस 4:31

निम उर्मी रकम ही करतअंग, अरा खींसारना, अरा कैरारना, अरा नग्गानख्रना, अरा हींड़ना अरा उर्मी रकम ही मलदौ ननू सोच गुट्ठिन अम्बा चि'आ।

इफेसुस 4:32

अरा ओर्त ओर्तारिन मया नना अरा सोग्गे ऎरा। अरा एकासे धर्मेस मसीसी चड्डे निम्‍है अक्‍का-बलकन छमा नंजस, अन्नेम नीम हूँ ओर्त ओर्तारिन छमा नना।

फिलिप्‍पी 2:3

लोभिया ही चड्डे महले ठकवा फुलई मन्ना चड्डे एन्‍देर हूँ अमा नना। लिकिन लुदऊ जिया ती ओर्त ओर्तारिन तंग्है ती कोड़हे बॆस अख़ना र'ई।

फिलिप्‍पी 3:16

अन्नु हूँ नाम एका गूटी पखड़ मंज ख़च्चकादत अदही लेक्‍खम उज्जा गे चिहुट नन्ना र'ई।

कोलोस्से 3:12

औंगे नीम धर्मेसी चाजरका आलर लेक्‍खा, नेम्‍हा अरा दुलार र'अना ती, नीम कोड़हे सोग्गेन अरा दया आबोन अरा लुदऊ मन्नन अरा नर्मियाँ आबोन अरा खतिर मन्नन अत्ता।

इब्रानी 13:1

तंग्‍है ती नन्नारिन भ‍ई बहिन बेसे चोन्‍हा नन्ना नू बन्चका र'आ।

याकॊब 2:13

एन्देरगेका नॆ सोग्‍गे मल ईरियस, आसी नेंवई बेगर सोग्‍गे गने मनो। नॆ नन्नर मइय्याँ सोग्‍गे ऎरदस, आस नेंवई उल्ला गे मल एलच्दस।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

याकॊब 5:11

ऎरा, खतिर ननू आलर आसीस ख़क्खोर। नीम यॊबसी खतिर नन्ना ही पत्त नू गा मेंजकादर। अरा नीम ऎरा ओंग्दर का उर्बस आसी छेद्दे बेड़ा नू एकासे दया नंजकाचस। उर्बस कोड़हे सोग्गे ईरू अरा मया ननू र'अदस।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 2:17

ओर्मारिन मईन नना। पत्त'ऊ भईर गने चोन्‍हा नना। धर्मेसिन एल्‍चा। बॆलासिन मईन नना।

1 पतरस 5:5

अन्नेम अना जॊंख़ारो! नीम सेयान आलर ही आकुस नू निमन चि'आ। अरा नीम ओर्मर लुदऊ मनरकी ओर्त ओर्त गे सुसर नना। एन्देरगेका नेम्हा पुथी एन्ने ब'ई का, “धर्मेस फुलई मनुर ही बिड़दो मन्दस, लिकिन आस लुदऊ र'उर ही मइय्याँ सोग्गे ऎरदस।”

2 पतरस 1:7

अरा भगती गने भई बहिन चोन्हा, अरा भई बहिन चोन्हा गने चोन्हन जोड़'आ।

1 यॊहन 3:14

नाम अख़दत का नाम नम्है संगे मसी भईर गने चोन्हा नन्ना ही चड्डे खे'अना ती उरखकत ती उज्जना नू कोरचकत। लिकिन एका ओर्तस तंग्है संगे मसी भईर गने चोन्हा मल नन्दस, आस अक्कु गूटी खे'अना ही तबे नू र'अदस।