1 पतरस 3:7 - पुना गच्छरना NT (BSI)

⁷ अन्नेम अना मॆतारो! नीम निम्है मुक्‍का गने ठौका बुझ्रना अरा अदही मइय्याँ ता सोच गने उज्‍जा। अरा मुक्‍कारिन निम्है ती पयहा आल अख़'आ ती अरा निम्है गने मल मुंज्रना उज्‍जना ही धर्मेसी सोग्‍गेन ख़क्‍खका अख़'आ ती आरिन मईन नना। नीम एन्ने ननोर होले, नीम सान्ति जिया ती र'ओर अरा बड़ियर गोहरार'आ ओंग्दर।

1 पतरस 3:7 ပူးပေါင်းရင်းမြစ်များ

मत्तायोस 18:19

ऎन इदन हूँ निम्‍है ती ब'अदन, निम्‍है मधे ती इरिब आलर ख़ॆख़ेल नू एकअम कत्‍था गे ओन जिया मनोर ती ने'ओर होले, आद एंग्‍है मेर्ख़ा बंगस तरती आर गे मनो क'ओ।

1 कोरिन्‍थ 7:3

अरा मॆतस तंग्‍है मुक्‍का ही पेहरन ही चाड़ गुट्ठिन पूरा नन्ना र'ई। अन्नेम मुक्‍का हूँ तंग्‍है मॆतासी पेहरन ही चाड़ गुट्ठिन पूरा नन्ना र'ई।

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

इफेसुस 4:30

अरा धर्मेसी नेम्हा बॊलतासिन अमा दुक्‍खे चि'आ। आसी तिम निम्‍है मइय्याँ नाड़रना उल्ला गे धर्मेसी आलर एन्ने मरका लक्‍की र'ई।

इफेसुस 5:33

अन्नु हूँ नीम ओर्त ओर्त तंग्है तंग्है नू चोन्हा नन्ना बेसे तंग्है तंग्है मुक्कन चोन्हा नन्ना र'ई। अरा मुक्का तंग्है मॆतासिन मईन नन्ना र'ई।

इफेसुस 6:18

उर्मी बारी उर्मी रकम ही गोहरारना अरा ने'अना ती नेम्हा बॊलतस नू गोहरार'आ। अरा इदन जिया नू उइय्यरकी एज्रका र'आ। अरा सगरो उर्मी नेम्‍हा आलर गे गोहरारनुम र'आ।

कोलोस्से 3:19

अना मॆतारो, नीम तम्है तम्है मुक्‍कन चोन्‍हा नना, अरा आर नू करतअंग अमा नना।

1 थेस्‍सलोनिकॆयर 4:4

अरा नीम ओर्मर नेम्‍हा अरा मईन गने निम्‍है मॆदन सम्ड़ह'आ गे सिख्र'आ,

तीतुस 3:7

आस तंग्‍है मया ती नमन उजगो आल ऎदस, अरा नमा गे जनमजुग ही उज्‍जना ख़क्‍खा गे असरा चिच्‍चस।

इब्रानी 1:14

उर्मी मेर्ख़ा पैकर तेतर-सुसर ननू बॊलता हिकनर, नॆ नाड़रनन ख़क्‍खोर आर गे संगरा नना गे अबड़ा त‍इतार'ई।

1 पतरस 3:1

अन्नेम अना मुक्‍कारो! नीम हूँ तम्है तम्‍है मॆतर ही आकुस नू र'आ। होले आर ती नेकईम धर्मेसी कत्थन मल पत्त'उर र'अना ती हूँ, नीम आर गे धर्मेसी पत्त नू तेंगना ती मला लिकिन नीम निम्है दौ उज्‍जना ओक्‍कना ती आरिन धर्मेस तरा किर्रत'आ ओंगोर दने।