1 पतरस 3:4 - पुना गच्छरना NT (BSI)

⁴ लिकिन निम्है सिंगार गा निम्है भितरी उज्जना ही सिंगार र'अना र'ई। नीम निमन लुदऊ अरा सल जिया ती सिंगार'आ। ईदिम मल नठारना सिंगार हवे, अरा धर्मेसी ऎरना नू कोड़हे मान ही र'ई।

1 पतरस 3:4 ပူးပေါင်းရင်းမြစ်များ

मत्तायोस 11:29

एंग्‍है पगसिन नीम चेड़'आ अरा एंग्‍है ती सिख्र'आ, एन्‍देरगेका ऎन नर्मियाँ अरा जिया ती लुदऊ र'अदन, औंगे नीम निम्‍है जिया नू ख़न्‍न ऎख़्र'ओर।

मत्तायोस 21:5

“येरुसलॆम ता आलारिन ब'आ, ‘ऎरा, निंग्‍है बॆलस निंग्‍है गुसन बर'आलदस। आस लुदऊ र'अस, अरा गदहा नू ओक्‍कदस ती, गदही ख़द्द नू ओक्‍कदस ती बरदस’।”

मत्तायोस 23:26

अना कना फरिसीरो, मुन्‍द मौनी अरा छिपन भितरी मंज'आ का आद बहरी हूँ सफा मनो।

मत्तायोस 5:5

नॆ लुदऊ आलर र'अनर, आरिन धर्मेस आसीस ननोस, आर ख़ॆख़ेल ही उरुब मनोर।

लू‍कस 11:40

अना नीम लूर मलका आलारो, धर्मेस नम्‍है मॆद ही बहरी ता कत्‍थन समड़'अदस अरा मॆद ही भितरी ता कत्‍थन हूँ समड़'अदस।

लू‍कस 16:15

ख़ने आस आरिन बाचस, “नीम आलर ही ऎरना नू गा दौ ऎथ्रदर, लिकिन धर्मेस निम्‍है जिया ता कत्‍थन अख़दस। एकाद आलर ही ऎरना नू कोहाँ र'ई आद धर्मेसी ऎरना नू ख़ाँड़ना र'ई।

रोमी 1:23

आर सदौ उज्‍जना धर्मेसिन महबा मल नन्नर। ऊजी नू नठार'ऊ आल, ऒड़ा, मेक्‍खो अरा नेर्रे गुट्ठी लेक्‍खा मूर्ती गुट्ठी ही महबा नन्नर।

रोमी 2:29

लिकिन एकास धर्मेसी पॆसकन पॆस्रदस आस मानिम यहूदी हिकदस। लिख्रका नॆग ती मला लिकिन नेम्‍हा बॊलतस जियन बदलदस आद दिम मानिम खतना हिके। एन्ने आलासी आलर तर‍ती मला धर्मेस तरती म‍ईन मनी।

रोमी 6:6

नाम अख़दत का नम्‍है पच्चा आल सुबहा मसीस गने क्रुस नू केच्‍चा। ख़ने नम्‍है पाप सुबहा नम्‍है म‍इय्याँ राजी पुल्‍ली नना अरा नाम इकला हूँ पाप ही जॊंख़ मल मनोत।

रोमी 7:22

एंग्‍है जिया नू ऎन धर्मेसी नॆग आबोन पत्तारदन।

2 कोरिन्‍थ 10:1

अक्कु ऎन पौलुस मसीसी लुदऊ अरा सोग्‍गे ती निमन ने'आ लगदन। निम्है ती जोक्‍क आलर ब'अनर का, “ऎन निम्‍है मझी नू र'अना बारी सन्नी अरा पयहा र'अदन लिकिन गेच्‍छा नू र'अना बारी निम्है मइय्याँ डिढगर गने र'अदन।”

2 कोरिन्‍थ 4:16

औंगे ऎम पछली मल किर्दम। बहरी ता एम्‍है मॆद गा खे'आली, लिकिन भितरी ता एम्है बॊलता उल्‍लन ती पत्ती पुना मन्नुम क'ई।

गलातिया 5:23

निभ्रना, अरा खतिर नन्‍ना रई। एन्ने एन्ने नलख ही बिड़दो नू एन्‍देर हूँ नॆग मल्‍ला।

इफेसुस 4:2

नीम सगरो निमन सन्नी नना ती लुदऊ गने अरा खतिर मन्ना ती र'आ, अरा ओर्त ओर्तोरिन सहना ती चोन्‍हा गने ऎका।

कोलोस्से 3:12

औंगे नीम धर्मेसी चाजरका आलर लेक्‍खा, नेम्‍हा अरा दुलार र'अना ती, नीम कोड़हे सोग्गेन अरा दया आबोन अरा लुदऊ मन्नन अरा नर्मियाँ आबोन अरा खतिर मन्नन अत्ता।

कोलोस्से 3:3

एन्‍देरगेका नीम गा केचकादर, अरा निम्‍है उज्‍जना मसीस गने धर्मेस नू नूख़ूरकी र'ई।

1 थेस्‍सलोनिकॆयर 4:11

अरा ऎम निमन पॆसकम अन्नेम कोड़े गने उज्‍जा, अरा तंग्‍है तंग्‍है नलखन नना, नन्नर ही नलख नू अमा नूता, अरा तंग्है ती अर्ज'आ गे चिहुट नना। ईदिम निमा चाड़ र'ई।

2 थेस्‍सलोनिकॆयर 3:12

एन्ने आलर दौ गने उज्जना र'ई अरा तमा ओना गे तमा गेम नलख नन्‍ना र'ई, अन्नेम ऎम उर्बस येसु मसीस ती पॆसदम अरा रिझ्रत'अदम।

1 तीमोथियुस 2:2

बॆलर अरा आकुस नू र'उर गे बिन्‍ती नना, इदगेका नाम महबा अरा म‍ईन ती ख़न्न ऎख़ना अरा सल्‍ल गने उज्‍जोत।

2 तीमोथियुस 2:25

अरा आस गे तंगन बिड़दो ननुरिन लुद‍ऊ जिया मनरकी बुझाब'अना र'ई। धर्मेस अबड़ा आलर ही जियन किर्त'आ गे लूर चि'ओस नेकअन, अरा आर हों मानिम आबोन अख़'ओर।

तीतुस 3:2

आर नेक'आनिम आर ही बिड़दो नू ब'अनुम अम्‍बोर नठाब'आ, अरा आर अरबानखर'ऊ अम्‍बोर र'आ। अरा आर गे लुदऊ मन्‍ना र'ई, अरा ओर्मर गने तमन कोहाँ लेक्‍खा मला सन्नी लेक्‍खा ईद'उर र'अना र'ई।

याकॊब 1:21

औंगे उर्मी मदहे ही सोतबोड़'आ अरा मलदौ नलखन निम्है उज्जना ती तरकूटी नना ती निम्है जिया नू धर्मेसी चाँख़का कत्‍था आबोन लुदऊ ती इंझ्र'आ। आ कत्था निम्‍है जियन नाड़ा गे सवंगिय र'ई।

1 पतरस 1:23

एन्‍देरगेका नीम नठारना बिहनी ती मला, उज्जना अरा सदौ बन्चका र'अना धर्मेसी कत्‍था ही मल नठारना बिहनी ती पुना कुन्द्रनन ख़क्‍खका र'अदर।

1 पतरस 3:15

लिकिन नीम मसीसिन निम्‍है उज्जना नू उर्बस ब'अरकी इंझ्ररकी आसिन मईन नना। अरा नेकईम मसीसी मइय्याँ ता निम्है असरा ही पत्त नू इन्द्रिइम मेन्नर होले, आर गे अदही पत्त नू बुझुरत'आ गे सगरो सपड़ारका र'आ।