1 पतरस 3:22 - पुना गच्छरना NT (BSI)

²² मसीस मेर्ख़ा नू केरस ती कोड़हे मईन ही अड्डा धर्मेसी तीना पक्खे ओक्का र'अदस। अरा उर्मी मेर्ख़ा पैकर अरा अदिया गुट्ठी अरा सवंग गुट्ठी आसी आकुस ही किय्या र'ई।

1 पतरस 3:22 ပူးပေါင်းရင်းမြစ်များ

मत्तायोस 22:44

‘धर्मे उर्बस एंग्‍है उर्बासिन बाचस का, नीन एंग्‍है तीना पक्‍खे ओक्‍करकी एंग्‍है गने राजी नना, ऎन निंग्‍है बैरीरिन नास नंज ख़च्‍चोन।’

मत्तायोस 28:18

तहाँ येसुस आर ही हेद्दे बरचस ती बाचस, “मेर्ख़ा अरा ख़ॆख़ेल नू उर्मी अदिया एंगा चीरकी र'ई।

मरकुस 12:36

दाऊद नेम्‍हा बॊलतस नू मनरकी बाचस, ‘धर्मे उर्बस एंग्‍है उर्बासिन बाचस का, नीन एंग्‍है तीना पक्‍खे ओक्‍करकी एंग्‍है गने राजी नना, ऎन निंग्‍है बैरीरिन नास नंज ख़च्‍चोन।’

मरकुस 16:19

ख़ने उर्बा येसुस आर ही गने कत्‍था कछनख्रका ही ख़ॊख़ा धर्मेस येसुसिन मेर्ख़ा होच्‍चस, अरा आस धर्मेसी तीना चोक्‍ख उक्‍कियस।

लू‍कस 20:42

दाऊदस तानिम अस्सना-पाड़ना डंडी ही पुथी नू बाचस, ‘धर्मे उर्बस एंग्‍है उर्बासिन बाचस का नीन एंग्‍है तीना पक्‍के ओक्‍करकी एंग्‍है गने राजी नना,

यॊहनस 13:32

अरा एंग्‍है ती धर्मेसी महबा दहदर मनी होले, धर्मेस हूँ मनवा ख़द्दन एंगा महबन तंग्‍है ती दहदर ननोस, अरा लॆम अदन ननोस।

त‍इरकर 1:11

अरा आर बाचर, “अना गलिलेया आलारो, नीम एन्‍देरगे इज्‍जनुम मेर्ख़ा तरा मॆन ऎरालदर? ई येसुस, नॆ निम्‍है गुसते मेर्ख़ा होतारस, एकासे नीम आसिन मेर्ख़ा काना ईरकादर, अन्नेम आस फिन बर'ओस।”

त‍इरकर 3:21

येसुस मेर्ख़ा नू र'आ गे चाड़ र'ई, एका गूटी धर्मेस उर्मी जिनिस गुट्ठिन पुना कम'ओस। एकदन धर्मेस चिरान नू तंग्‍है कत्‍था तिंगुर ती बाचकाचस।

रोमी 8:34

आरिन नॆ नेंव‍ई ननरकी दंडे चि'आ उंगी? नॆ हूँ पुल्‍ली, एन्‍देरगेका मसी येसुस दंडे ख़क्‍खियस ती केच्‍चस। लिकिन आस गा केचका ती उज्‍जा चॊचस, अरा आस अक्‍कु धर्मेसी तीना पक्‍खा उक्‍कियस ती नमा गे गोहरारते र'अदस।

रोमी 8:38

एन्‍देरगेका ऎन निचट अख़दन का खे'अना मलता उज्‍जना अरा मेर्ख़ा पैकर मलता उर्ब ननू नाद गुट्ठी अरा अक्‍कु ता मलता बरना उल्‍ला ता मन्ना कत्‍था मलता एकअम सवंग,

1 कोरिन्‍थ 15:24

इदही ख़ॊख़ा ख़ॆख़ेल ही मुंज्रना मनो। आ बारी मसीस उर्मी उर्ब ननुरिन अरा उर्मी अदिया गुट्ठिन अरा उर्मी सवंग गुट्ठिन नठाब'अरकी राजिन धर्मे बंगासी ख़ेक्खा नू सोंप'ओस चि'ओस।

कोलोस्से 3:1

औंगे नीम मसीस गने उज्‍जतारकादर होले, मेर्ख़ा आलॊ गुट्ठिन बेद्दना नू र'आ, एक्‍सन मसीस धर्मेसी तीना चोक्‍ख उक्‍कादस।

इब्रानी 1:13

धर्मेस मेर्ख़ा पैकारिन नेक‍अनिम इन्द्रिइम इकला हूँ एन्ने मल बाचस, “ऎन निंग्‍है बैरीरिन निंग्‍है ख़ेड्डे ही किय्या ओन्‍द्रना गूटी म‍ईन ही अड्डा एंग्‍है तीना चोक्‍खा उक्‍का र'आ।”

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

इब्रानी 1:6

अउरिम इकला धर्मेस तंग्‍है जेट्ठा ख़द्दासिन ई ख़ॆख़ेल नू ओन्‍द्रस, अरा बाचस, “धर्मेसी उर्मी पैकर आसी महबा नन्नर नेक‍अन।”

इब्रानी 10:12

लिकिन नम्‍है कोहाँ नैगस येसुस गा पाप गुट्ठी ही उनिम दाँड़ेन सगर घड़ी गे अरगस ती धर्मेसी तीना चोक्‍ख उक्‍कियस।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 4:14

नमा गे ओन्‍टा कोहाँ नैगस र'अस, आस मेर्ख़ा कोरचस। आसिम धर्मेसी ख़द्दस येसुस हिकदस। औंगे नाम आसी म‍इय्याँ ता नम्‍है पत्त'अना नू बड़ियर र'अदत नेक‍अन।

इब्रानी 6:20

एन्‍देरगेका असन येसु मसीस नम्‍है ती मुन्‍द नमा गे केरका र'अदस। आस मेलख़िसेदेक लेक्‍खा उर्मी उल्‍ला गे नम्‍है कोहाँ नैग मंजका र'अदस।

इब्रानी 8:1

अक्‍कु एका कत्‍थन ऎम ब'आ लगदम, अबड़ा कत्‍था ही मने ईद र'ई का नम्‍है एन्ने कोहाँ नैगस र'अस, आस महबा ती निन्‍द्रका धर्मेसी बॆल-गदिया ही तीना चोक्‍ख उक्‍कादस।

इब्रानी 9:24

मसीस गा आलर ही ख़ेक्खा ती कम्रका कोड़हे नेम्‍हा अड्डा नू मल कोरचस, एकदा मेर्ख़ा नू र'ऊ मानिम कोड़हे नेम्‍हा अड्डा ही रूपे लेक्‍खा नू र'ई। लिकिन आस मेर्ख़ा नुम कोरचस ती नमा संगरा नना गे अक्‍कु धर्मेसी मुन्‍दहारे र'अदस।