1 पतरस 3:21 - पुना गच्छरना NT (BSI)

²¹ ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।

1 पतरस 3:21 ပူးပေါင်းရင်းမြစ်များ

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

मरकुस 16:16

नॆ पत्त'अरकी एंग्‍है नामे नू नॊड़र'ओस आसिन धर्मेस बछाब'ओस। अरा नॆ मल पत्त'ओस आसिन धर्मेस दंडे चि'ओस।

यॊहनस 13:9

ख़ने सिमॊन पतरस आसिन बाचस, “अना उर्बायो, होले एंग्‍है ख़ेड्डे लेका मला ख़ेक्खा अरा कुक्‍कन हूँ नॊड़ा।”

त‍इरकर 16:33

आ माख़ा आ बारिम आस आरिन होच्‍चस ती आर ही खसरा गुट्ठिन नूड़ियस। अरा लॆम तान अरा तंग्‍है उर्मी एड़पातर नॊड़रर।

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

त‍इरकर 22:16

अक्‍कु एन्‍देरगे दिरी नन्‍दय? चो'आ नॊड़र'आ, अरा आसी नामे ती गोहरारना ती निंग्‍है पाप गुट्ठिन नॊड़ा चि'आ।’

त‍इरकर 8:36

आर कानुम कानुम ओन अड्डा नू अम्मु गुसन अंड़सियर। ख़ने मंत्रीस बाचस, “ऎरा, इसन‍ अम्मु र'ई, एंगा नॊड़र'आ गे एन्‍देर बधा र'ई?”

त‍इरकर 8:37

[फिलिप्‍पोस बाचस, “नीन सौंसे जिया ती पत्त'अदय होले नीन नॊड़र'आ ओंग्दय।” मंत्रीस बाचस, “ऎन पत्त'अदन का येसु मसीस धर्मेसी ख़द्दस हिकदस।”]

रोमी 5:14

आदमसी परिया ती मूसासी परिया गूटी आलर आदमस धर्मेसी पॆसकन चाड़ियस आ लेक्‍खा आर हूँ पॆसकन चाड़ियर ती पाप मल नंजर। अन्नु हूँ आर खे'अना बारिम रहचर। ई आदमस ख़ॊख़ा बरचस आ मसीसी कट‍इसकेम चिन्‍हा र'अदस।

1 कोरिन्‍थ 12:13

एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।

1 कोरिन्‍थ 4:6

अक्कु अना भईरो, ऎन इबड़ा कत्‍थन निमा गे एंग्‍है अरा अप्‍पोल्लॊसी पत्त नू जोक्‍खा लेक्‍खा तिंकन, इदगेका नीम एम्‍है ती सिख्र'आ ओंग्‍दर का नेम्‍हा पुथी नू लिखचका ही पत्त ती बग्‍गे अमा ऎका। तहाँ नीम निम्‍है ओर्तो मुद्धासी पत्त नू फुल‍ई मनरकी नन्नासिन मल हींड़'ओर।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

2 कोरिन्‍थ 7:1

अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

गलातिया 3:27

निम्‍है ती नॆ नॆ मसी नू नॊड़रकानर, अबड़र तम्‍है उज्‍जना नू मसीसिन ऎदनर।

इफेसुस 5:26

मसीस इदन कलीसिया गे इदगे नंजस का आस कलीसियन धर्मेसी कत्था ती अरा अम्मु ती नॊड़रकी अदन सुध ननरकी नेम्हा कम'ओस,

कोलोस्से 2:12

अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

1 तीमोथियुस 1:5

इबड़ा आनका ही चड्डे चोन्‍हा दिम हवे। ई चोन्‍हा निमन जिया अरा दौ लखना अरा बड़ियर पत्त'अना ती दिम बर'ई।

1 तीमोथियुस 6:12

एकासे बॆस सैनस तंग्‍है लड़ाइन लड़दस अन्ने नीन पत्त'अना ही दौ अरबानखर'आ अरा जनमजुग ही उज्‍जनन धर'आ। इदगेम नीन मॆख़रकादय, अरा बग्‍गे गोवाह आलर ही मुन्‍दहारे निंग्‍है पत्त'अनन बॆस ऎदकादय।

इब्रानी 10:22

औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।

इब्रानी 11:19

एन्‍देरगेका आस पत्ताचस का धर्मेस गा केचकारिन हूँ उज्‍जता ओंग्दस। ओन मदहे ती एन्ने ब'आ ओंगोत का आस इसाकसिन केचका तिम फिन ख़क्‍खियस।

इब्रानी 13:18

एमा गे गोहरार'आ। एन्‍देरगेका एमा थितगर र'ई का एम्‍है लखना सफा र'ई, अरा ऎम नन्‍दम आ उर्मी कत्‍था नू म‍ईन जॊगे ती उज्‍जा गे बेद्ददम।

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।

इब्रानी 9:24

मसीस गा आलर ही ख़ेक्खा ती कम्रका कोड़हे नेम्‍हा अड्डा नू मल कोरचस, एकदा मेर्ख़ा नू र'ऊ मानिम कोड़हे नेम्‍हा अड्डा ही रूपे लेक्‍खा नू र'ई। लिकिन आस मेर्ख़ा नुम कोरचस ती नमा संगरा नना गे अक्‍कु धर्मेसी मुन्‍दहारे र'अदस।

1 पतरस 1:3

नम्है उर्बस येसु मसीसी बंगस धर्मेस गे उर्मी ओहमा मनन नेकअन। आस तंग्‍है कोड़हे सोग्‍गे ही चड्डे येसु मसीसिन केच्‍चकर ती उज्‍जत'अना ती नमा गे ओन्टा पुना कुन्द्रनन चिच्कादस। इदही चड्डे नाम कोड़हे असरा गने उज्‍जदत।

1 पतरस 3:16

लिकिन लुदऊ जिया अरा मईन गने इदन नना। अरा निम्‍है लखनन निमन उइय्या। ख़ने मसीस नू निमा गे र'अना बॆस जज्जना ओक्कना ही बिड़दो नू मलदौ सोच ती कछनख्र'उर तम्है हींड़ना कत्था ही पत्त नू लज्‍जे मॊंख़ोर।