1 पतरस 3:18 - पुना गच्छरना NT (BSI)

¹⁸ इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।

1 पतरस 3:18 ပူးပေါင်းရင်းမြစ်များ

मत्तायोस 27:19

पिलातुस नेंवई नन्‍ना गदिया नू उक्‍काचस ख़ने, तंग्‍आली आसिन बाचा तइय्या, “नीन आ उजगो आलासी पत्त नू ख़ेक्खा अमके नना, एन्‍देरगेका ऎन चेरो माख़ा तुंगुल नू आसी चड्डे नगदे दुक्‍खे सारचकन।”

मत्तायोस 27:24

पिलातुस ईरियस का गोंहड़ा ही चिच्‍चियारना मल मड़'आ लगी, अरा आस एन्द्रा हूँ इदही पत्त नू नना पुल्‍लियस। अरा आस अम्मु नॆचस ती गोंहड़ा ही मुन्‍दहारे ख़ेक्खा नॊंढरस ती बाचस, “ऎन ई उजगो आलासी खे'अन‍ ही बदी ती बछ्रदन, निम्‍है म‍इय्याँ दिम ईद मनो।”

यॊहनस 16:10

अरा ऎन बंगस गुसन काना ती नीम एंगन अउर मल ऎरोर ई चड्डे उजगो र'अना ही पत्त नू आस तेंगोस।

त‍इरकर 22:14

फेन आस बाचस, ‘नम्‍है पूरखर ही धर्मेस निंगन इदगे ओकताचकादस का, नीन आसी मने आबोन अख़'ओय, अरा एकास धर्मेसी उजगो र'अस आसिन ऎरोय अरा आसी ब‍ई ती आसी कत्‍था मेनोय।

त‍इरकर 3:14

नीम नेम्‍हा अरा उजगो आलासिन मल हुकमारकर, अरा आल पिटका आलासिन अम्‍बा गे आनकर।

रोमी 1:4

आस नेम्‍हा बॊलतासी सवंग ती केचका ती उज्‍जा चो'अना ती धर्मेसी ख़द्दस नंज ऎदस। आसिम नम्‍है उर्बस येसु मसीस हवे।

रोमी 4:25

येसुस नम्‍है अक्‍का-बलका गुट्ठी गे खे'आ गे चितारस, अरा नमन उजगो आल कम'आ गे केचका ती उज्‍जा चॊच्‍चस।

रोमी 5:2

येसुस नमन नम्‍है पत्त'अना चड्डे ई पुना नता नू ओन्‍द्रकादस एका इय्या नाम धर्मेसी मया आबोन लखदत। धर्मेस आसी महबा आबोन नमा गे ख़ट्टोस, ई असरा ती नाम रिझ्रदत।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

2 कोरिन्‍थ 1:24

ऎम निम्‍है पत्त'अना म‍इय्याँ आकुस नना गे मल बिद्दकम। ऎम निम्है गने निम्‍है रिझ गे नलख ननू र'अदम, एन्‍देरगेका नीम पत्त'अना नू पखड़ र'अदर।

2 कोरिन्‍थ 13:4

मानिम नू आस पयहा आल कया नू क्रुस नू टोकतारस, अन्नु हूँ धर्मेसी सवंग ती उज्‍जालदस। अन्नेम ऎम हूँ गा आस नू पयहा र'अदम, लिकिन धर्मेसी सवंग ती निमा गे सुसर नना गे आस गने उज्‍जोम।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

गलातिया 1:4

येसुस दिम धर्मेसी अरा बंगासी मने ती ई मलदौ ख़ॆख़ेल ती नमन नाड़ा गे नम्‍है पाप गुट्ठी गे केच्‍चस।

गलातिया 3:13

मसीस नमा गे सर्पारस अरा ई लेक्‍खा नॆग ही सर्पारना ती नाड़ियस। एन्‍देरगेका नेम्हा पुथी नू लिख्रकी र'ई अन्ने मंजा, “नॆकन कंक नू ठोकतार'ई, आस सर्पारकादस।”

इफेसुस 3:12

नाम मसीस नू र'अना ती अरा आसी मइय्याँ ता पत्त'अना ही चड्डे, नाम डिढ अरा बड़ियर असरा गने धर्मेसी छमहे नू बर'आ ओंग्दत।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

इब्रानी 10:10

ई लेक्‍खम आसी मने ती नाम येसु मसीसी मॆद ही उनीम हॆल दाँड़े मन्ना ती नेम्‍हा मन्‍तारका र'अदत।

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।

इब्रानी 9:26

अन्ने चाड़ रहचा होले, ख़ॆख़ेल गढ़्रका ती आस गे घड़ी घड़ी दुक्‍खे चॊदना मनो दने। लिकिन अक्‍कु सौंसे ही छेद बेड़ा नू आस ओंग्‍होन लेका तंगन खे'अना ही दाँड़े ती पाप गुट्ठिन ओथ्र'आ गे दहदर मंजकादस।

इब्रानी 9:28

अन्नेम मसीस हूँ बग्‍गे आलर ही पाप गुट्ठिन ओथ्र'आ गे ओंग्‍होन दाँड़े मन्‍तारस। अरा आस दुसर खेप बर'ओस। आस पाप गुट्ठिन चॊद'आ गे मला, लिकिन एकार आसी पाब ऎरालनर आर गे नाड़रनन ओन्‍द्र'ओस बर'ओस।

याकॊब 5:6

निम्है बिड़दो मल मंजका उजगो आलारिन हूँ नीम बदी टिड्डकर ती पिटकादर।

1 पतरस 3:19

अउर हूँ आस बॊलतस ती केरस ती गुड़रका बॊलता गुट्ठी गे दौ कत्‍था मेन्ताचस।

1 पतरस 4:1

औंगे मसीस नम्है पाप गुट्ठी गे तंग्है कया नू दुक्खे चॊदना ती नीम हूँ ई लेक्खम तम्है कया नू दुक्खे चॊद्दर एन्ने ई सोच आबोन कमहड़ लेक्खा अत्तका ती र'आ। एन्देरगेका एकास कया ती दुक्खे सारस आस पाप ही सवंग ती बच्छरका र'अदस।

1 पतरस 4:6

इदगेम अक्कुन केचका पत्त'ऊ आलर गे हूँ आर उज्जना बारी नू दौ कत्था तेंगतारा केरा। आर कया ती गा उर्मी आलर गे मन्ना नेंवई ही लेक्खा केचका र'अनर, अन्नु हूँ बॊलता ती गा धर्मेसी चिताबुता ही लेक्खा अउरिम उज्जा ओंगोर।

1 यॊहन 1:9

लिकिन नाम नम्है पाप गुट्ठिन आसिन तेंग्र'ओत होले, आस नम्है पाप गुट्ठिन छमा नना गे, अरा नमन नम्है उर्मी मलदौ ती निमन नना गे पत्त'अना जॊगे अरा पूरेम दौले र'अस।