1 पतरस 3:15 - पुना गच्छरना NT (BSI)

¹⁵ लिकिन नीम मसीसिन निम्‍है उज्जना नू उर्बस ब'अरकी इंझ्ररकी आसिन मईन नना। अरा नेकईम मसीसी मइय्याँ ता निम्है असरा ही पत्त नू इन्द्रिइम मेन्नर होले, आर गे अदही पत्त नू बुझुरत'आ गे सगरो सपड़ारका र'आ।

1 पतरस 3:15 ပူးပေါင်းရင်းမြစ်များ

त‍इरकर 21:39

पौलुस बाचस, “मला, ऎन गा किलिकिया देस ही तरसोस नगरे ता यहूदी आलन हिकदन। अरा ऎन आ मुद्ध नगरे तरसोस ता र'ऊ आलन। ऎन निंगन गोहरारदन का नीन एंगन ई आलर गने कछनख्र'आ चि'आ।”

त‍इरकर 24:25

पौलुस उजगो अरा कयास अरा बरना रायबाडी ही पत्त नू तेंगा लगियस। ख़ने फॆलिक्‍स गे इल्‍चिक'आ कोरचा अरा आस बाचस, “अक्‍कुन गा नीन काला ओंग्‍दय, मोका ख़क्‍ख्र'ओ, ऎन निंगन फेनिम मॆख़ोन।”

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 1:27

धर्मेस ई गम ही महबा ही मॊल आबोन नन-यहूदीर गे हूँ अख़त'आ गे बिद्दियस। इदिम आ गम का मसीस निम्है नू उज्जदस। ईद निमन आसी महबा नू मेस्रना ही असरा चि'ई।

कोलोस्से 1:5

धर्मेस निमा गे मेर्ख़ा नू उइय्का रहचका ही मइय्याँ ता असरा तिम ई पत्त'अना अरा चोन्हा बर'ई। ई असरा ही पत्त नू मानी ही कत्था दौ कत्‍थन पत्ताचका बारी नू नीम मेंज ख़च्चकादर।

कोलोस्से 4:6

अरा निम्‍है कछनख्रना सगर घड़ी मया गने अरा सोभना र'अन नेकअन। औंगेम एकासे निम्है गने मिनुर गे अदही आनाकिर्त'अना र'ई अदिन अख़'आ ओंगोर।

तीतुस 1:2

ई पत्त'अना अरा लूर जनमजुग उज्‍जना ही असरा नू ती बर'ई एकाद धर्मेस ख़ॆख़ेलन गढ़ना ही मुन्‍द तिम गच्‍छरकादस। अरा धर्मेस मल ठकदस।

इब्रानी 3:6

लिकिन मसीस धर्मेसी आलर नू पत्त'अना जॊगे ख़द्दस र'अदस। नाम डिढ नन्ना ती मसीसी मइय्याँ ता नम्‍है असरा नू बड़ियर इज्‍जका र'ओत होले, नाम धर्मेसी आलत हिकदत।

इब्रानी 6:1

औंगे बरा, नाम मसीसी पत्त ता ऒर ही सिखाब'अना नू लेका मला इज्‍जका ती बड़ियर मन्ना ही तरा मुन्‍द ऎकोत क'ओत। मसी उज्‍जना ही नेव ही मुध कत्‍था गुट्ठिन घड़ी घड़ी अदिनिम तेंगना ही चाड़ मलकी: मलदौ नलख ती जियन किर्त'अना, अरा धर्मेस म‍इय्याँ पत्त'अना,

1 पतरस 1:17

अरा बिगर तीना ख़ाँड़ना ती उर्मी आलारिन अपन अपन नंजका नलख ही लेक्खा नेंवई ननू मेर्ख़ा बंगासिन नीम गोहरारदर। औंगे इसन ख़ॆख़ेल नू नीम जोक्क उल्ला गे र'उर लेक्खा उज्जना बेड़ा गूटी इल्चका अरा कोड़हे मईन गने उज्जा ऎका।

1 पतरस 3:2

आर निम्है नेम्हा उज्जनन अरा नीम आर गे चि'अना मईन आबोन ऎरोर ख़ने, आर धर्मेस तरा किर्रा ओंगोर दने।

1 पतरस 3:4

लिकिन निम्है सिंगार गा निम्है भितरी उज्जना ही सिंगार र'अना र'ई। नीम निमन लुदऊ अरा सल जिया ती सिंगार'आ। ईदिम मल नठारना सिंगार हवे, अरा धर्मेसी ऎरना नू कोड़हे मान ही र'ई।