1 पतरस 3:13 - पुना गच्छरना NT (BSI)

¹³ नीम दौ नन्ना गे कोड़हे पत्तारदर होले, नॆ निमा गे मलदौ ननोस?

1 पतरस 3:13 ပူးပေါင်းရင်းမြစ်များ

रोमी 13:3

एका ओर्तर दौ नन्नर आर गे अक्‍स'ऊ आलर ती एल्‍चना मलकी, लिकिन मलदौ ननू आलर गे लेका आरिन एल्‍चना र'ई। नीम अक्‍स'ऊ आलर ती मल एल्‍चा बेद्ददर होले, नीम दौ नलख नना, होले आस निंगन सहरार'ओस।

रोमी 8:28

नाम अख़दत का एकार धर्मेसी चिताबुता ती मॆख़रका र'अनर अरा आसिन चोन्‍हा नन्नर, आर गे धर्मेस आर ही दौ गे दिम उर्मीन नन्‍दस।

1 कोरिन्‍थ 14:1

चोन्‍हा ही डहरे नू गुड़ियार'आ, नेम्‍हा बॊलतासी इनाम गुट्ठिन ख़क्‍खना ही कोड़हे पत्तारना नू र'आ, कोड़हे गा धर्मेसी कत्‍थन मुन्‍द तेंगना ही इनाम गे पत्तार'आ।

इफेसुस 5:1

नीम धर्मेसी चोन्हा ख़द्दर र'अना ती आसी लेक्‍खा नना अरा ऎका।

1 थेस्‍सलोनिकॆयर 5:15

अरा मलदौ नन्‍नर आर गे नॆ हूँ मलदौ अमा नना। लिकिन सदौ ओर्त ओर्त गने अरा ओर्मर संगे दौ नना गे तिहा नना।

1 तीमोथियुस 5:10

अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

3 यॊहन 1:11

अना दुलारो, नीन मलदौ आबोन मला दौ आबोन धर'आ। सुरता नना का, एका ओर्तस दौ नन्दस, आस तंग्है दौ नलख इदन ऎद्ददस का आस धर्मेसी ख़द्द र'अदस। अरा एका ओर्तस मलदौ नन्दस, आस तंग्है मलदौ नलख इदन ऎद्ददस का आस धर्मेसिन बलदस।