1 पतरस 3:10 - पुना गच्छरना NT (BSI)

¹⁰ एन्‍देरगेका नेम्हा पुथी नू एन्ने लिख्रकी र'ई का, “नॆ खुस ती उज्‍जा गे बेद्ददस अरा दौ उल्‍ला गुट्ठिन ऎरा बेद्ददस, आस मलदौ मल ब'अना र'ई, अरा आस मल ठकना र'ई।

1 पतरस 3:10 ပူးပေါင်းရင်းမြစ်များ

मत्तायोस 19:17

येसुस आसिन बाचस, “नीन एंग्‍है ती दौ ही पत्त नू एन्‍देरगे मेन्‍दय? धर्मेस लेका दौ र'अदस, अन्‍ति नीन जनमजुग उज्‍जना नू कोर'आ बेद्ददय होले, पॆसकन पॆस्र'आ।”

मरकुस 8:35

नीक‍ईम तंग्‍‍है उज्‍जनन तंग्‍गा गे उज्‍जा बेद्ददस होले आस धर्मेस गने जनमजुग ही उज्‍जनन एबस'ओस, लिकिन आस एंग्‍है चड्डे अरा एंग्‍है दौ कत्‍था ही चड्डे तंग्‍‍है उज्‍जनन चि'ओस होले आस धर्मेस गने जनमजुग ही उज्‍जनन ख़क्‍खोस।

यॊहनस 1:47

येसुस नतनऎलसिन तंग्‍है तरा बरनन ईरियस ती आसी पत्त नू बाचस, “ऎरा, ईस ओन्‍टा मानिम इस्राऎल आलस, ईसी नू कुटमुटरना मलकी।”

यॊहनस 12:25

एकास तंग्‍है उज्‍जनन तंगा गे उज्‍जा बेद्ददस, आस धर्मेस गने जनमजुग उज्‍जनन एबस'ओस। लिकिन एकास ई ख़ॆख़ेल नू तंग्‍है उज्‍जनन दुस'ओस, आस अदिन ख़ापोस अरा जनमजुग उज्‍जनन ख़क्खोस।

याकॊब 1:26

नीकईम तंगन भगतस एन्ने सोचदस, लिकिन तंग्है बइय्यन मल सम्ड़ह'अदस होले, आस तंगन फोकाब'अदस। आसी भगती अन्‍भनियाँ मनो।

1 पतरस 2:1

औंगे नीम उर्मी रकम ही मलदौ अरा उर्मी ठकना अरा उतुरमाड़ना गुट्ठी अरा इस्‍गहा गुट्ठी अरा उर्मी मलदौ कछनख्रना गुट्ठी ती निमन तरकूटी उइय्या।

1 पतरस 2:22

आस पाप मल नंजस अरा आस इकला हूँ मल ठगचस।

दहदर मंजका कत्‍था 14:5

अरा ईर ही बई ती कहियों ठकवा कत्‍था मल उरखकी रहचा। ईर बिगर बदी ही हिकनर।