1 पतरस 3:1 - पुना गच्छरना NT (BSI)

¹ अन्नेम अना मुक्‍कारो! नीम हूँ तम्है तम्‍है मॆतर ही आकुस नू र'आ। होले आर ती नेकईम धर्मेसी कत्थन मल पत्त'उर र'अना ती हूँ, नीम आर गे धर्मेसी पत्त नू तेंगना ती मला लिकिन नीम निम्है दौ उज्‍जना ओक्‍कना ती आरिन धर्मेस तरा किर्रत'आ ओंगोर दने।

1 पतरस 3:1 ပူးပေါင်းရင်းမြစ်များ

मत्तायोस 18:15

निंग्‍है भइय्योस निंग्‍है बिड़दो गुन्‍हा ननोस होले, कला ती ओर्तलेका र'अना बेड़ा आसी गुन्‍हन आसिन तेंगा। आस निंग्‍हैन मेनोस होले नीन निंग्‍है भइय्योसिन अउरिम ख़क्‍खकय।

रोमी 10:16

अन्नु हूँ ओर्मा इस्राऎलर दौ कत्‍थन मल इंझ्रर। होले धर्मेसी कत्‍था तिंगू यसायास एन्ने बाचस, “उर्बायो! नॆ एम्‍है कत्‍थन पत्ताचर?”

रोमी 6:17

धर्मेसी धन्‍यवाद नन्‍दन का नीम गा मुन्‍द पाप ही बिट्ठी ननू जॊंख़ रहचकर, लिकिन अक्‍कु नीम मानिम नू आ सिखाब'अना ही डहरे नू ऎका हेलरकर, एकदन ऎम निमा सिखाबाचकम।

रोमी 7:2

एकासे का ओन्‍टा आली तंग्‍आलस गने आसी उज्‍जना गूटी हींरकी र'ई। लिकिन तंग्‍आलस खे'अदस कादस होले आद बेंज्रका नॆग ती अमब्र'ई क'ई।

1 कोरिन्‍थ 11:3

लिकिन नीम इदन अख़'आ ऎन बेद्ददन का, मसीस उर्मी आलर ही कुक्‍कु हिकदस, अरा मॆतस मुक्‍का ही कुक्‍कु हिकदस, अरा धर्मेस मसीसी कुक्‍कु हिकदस।

1 कोरिन्‍थ 14:34

कलीसिया गुट्ठी नू मुक्‍कर कलेकसे र'अना र'ई। एन्‍देरगेका आर गे कछनख्र'आ गे मल चिरकी र'ई, लिकिन आर तबे नू र'अना र'ई। मूसासी नॆग हूँ एन्नेम ब'ई।

1 कोरिन्‍थ 7:16

अना मुक्‍कायो, नीन सुरता नन्ना र'ई का नीन निंग्‍है मॆतासी नाड़रना ही चड्डे मना उंगदी। अना मॆतायो, नीन सुरता नन्‍ना र'ई का नीन निंग्‍है मुक्‍का ही नाड़रना ही चड्डे मना ओंग्‍दय।

इफेसुस 5:33

अन्नु हूँ नीम ओर्त ओर्त तंग्है तंग्है नू चोन्हा नन्ना बेसे तंग्है तंग्है मुक्कन चोन्हा नन्ना र'ई। अरा मुक्का तंग्है मॆतासिन मईन नन्ना र'ई।

कोलोस्से 3:18

अना मुक्‍कारो, नीम तम्है तम्है मॆतासी तबे नू र'आ, नीम उर्बासी र'अना ती ईदिम निमा गे बॆस उज्जना ऎकना हवे।

कोलोस्से 4:5

नॆ पत्त'ऊ मलनर आर गने लुरगर गने ओक्‍का इज'आ, अरा उर्मी मोका आबोन दौ गने बउर'आ।

2 थेस्‍सलोनिकॆयर 1:8

आ बेड़ा नू धर्मेसिन मल चिन्‍हनर आरिन अरा नम्‍है येसु मसीसी दौ कत्‍थन मल पॆस्रनर आरिन दंडे चि'ओस।

इब्रानी 11:8

पत्त'अना ती अब्राहमस, तंगा गे गच्‍छरका अड्डा काला गे धर्मेस ती मॆख़्रस, ख़ने अदिन मन्‍चस ती उरखस केरस। तान एसन काला लगियस अदिन हूँ बल्‍ला लगियस।

इब्रानी 5:9

आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 3:2

आर निम्है नेम्हा उज्जनन अरा नीम आर गे चि'अना मईन आबोन ऎरोर ख़ने, आर धर्मेस तरा किर्रा ओंगोर दने।

1 पतरस 3:7

अन्नेम अना मॆतारो! नीम निम्है मुक्‍का गने ठौका बुझ्रना अरा अदही मइय्याँ ता सोच गने उज्‍जा। अरा मुक्‍कारिन निम्है ती पयहा आल अख़'आ ती अरा निम्है गने मल मुंज्रना उज्‍जना ही धर्मेसी सोग्‍गेन ख़क्‍खका अख़'आ ती आरिन मईन नना। नीम एन्ने ननोर होले, नीम सान्ति जिया ती र'ओर अरा बड़ियर गोहरार'आ ओंग्दर।

1 पतरस 4:17

एन्देरगेका धर्मेस आलारिन नेंवई नन्ना ही बेड़ा हेद्दे अंड़सकी र'ई। ईद धर्मेसी आलर ही मझी नू मुन्द ऒरे मनो। नेंवई नन्ना मुन्द नम्है नू ऒरे मनी होले, धर्मेसी दौ कत्थन मल पॆस्र'उर ही मुंज्रना एकासे र'ओ?