1 पतरस 2:8 - पुना गच्छरना NT (BSI)

⁸ अरा अउरिम नेम्हा पुथी ब'ई का, “आस आलर गे मूड़ना ही पखना अरा आर गे थोथमारना ही चचड़ी र'अदस।” आर धर्मेसी कत्थन मल पॆस्रना ती मूड़नर। ईदिम आर गे धर्मेसी मने रहचा।

1 पतरस 2:8 ပူးပေါင်းရင်းမြစ်များ

लू‍कस 2:34

फिन सुमेयॊनस आर गे आसीस चिच्‍चस, अरा तंगियो मरियम आबोन बाचस, “ऎरय, धर्मेस ई ख़द्दासिन इस्राऎल नू बग्‍गे आलारिन धर्मेस ती खत्तरत'आ गे अरा बग्‍गे आलारिन खुसमारत'आ गे चज्‍जियस। ईस धर्मेस ती ओन्‍टा चेताब'अना ही चिन्‍हा र'ओस, लिकिन बग्‍गे आलर ईसिन हींड़'ओर।

रोमी 9:22

ई लेक्‍खम धर्मेस हूँ तंग्‍है ख़ीस ऎद'आ गे अरा तंग्‍है सवंगन दहदर नन्‍ना ही मने र'ई। लिकिन आस आलर ही म‍इय्याँ तंग्‍है कोड़हे कयास नंजस एकार आसी ख़ीस ही संजगी रहचर एकाबड़ा नठाब'आ गे सपड़ाचका रहचा।

1 कोरिन्‍थ 1:23

लिकिन ऎम गा क्रुस नू ठोकचका मसीसी पत्त नू तेंगा कुद्दम। ईद यहूदीर गे मूड़ना ही चड्डे र'ई, अरा नन-यहूदीर गे ख‍ईता र'ई।

2 कोरिन्‍थ 2:16

जोक्‍क आलर गे खे'आ गे खे'अना ही महक अरा जोक्‍क आलर गे उज्‍जा गे उज्‍जना ही महक र'अदम। इबड़ा कत्‍था गुट्ठिन नना गे नॆखा जॊगे र'ई?

गलातिया 5:11

लिकिन भईरो, अक्‍कु गूटी ऎन खतना ही पत्त नू तेंगालदन होले, ऎन मल सतार'ओन दने। अन्ने ऎन मानिम नू तेंगदन होले, येसु मसीसी क्रुस ही चड्डे बर'ई आ सतारना मल मनो दने।

1 थेस्‍सलोनिकॆयर 5:9

एन्‍देरगेका धर्मेस नमन तंग्‍है खींस ती दंडे ख़क्‍खा गे मल्‍ला चज्जिका। लिकिन आस नमन नम्‍है उर्बस येसु मसीस ती नाड़र'आ गे चज्जिकादस।

1 पतरस 2:6

एन्देरगेका नेम्‍हा पुथी नू एन्ने लिख्रकी र'ई का, “ऎरा, ऎन येरुसलॆम नू ओन्‍टा चाजरका अरा कोड़हे मईन ही कोंड़ा पखनन उइय्‍दन, नॆ आसी मइय्याँ पत्त'ई आस इकला हूँ मल लजर'ओस।”

1 पतरस 2:7

आसिन पत्त'ऊ निमा गे आ पखना कोड़हे मईन ही र'ई। लिकिन आसिन मल पत्त'उर गे नेम्‍हा पुथी एन्ने ब'ई का, “एड़पा कम'उर एका पखनन अनभनियाँ बाचर ती ताँड़चका चिच्काचर आदिम कोंड़ा ही कुक्कु पखना मंजा।”

2 पतरस 2:3

अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।