1 पतरस 2:7 - पुना गच्छरना NT (BSI)

⁷ आसिन पत्त'ऊ निमा गे आ पखना कोड़हे मईन ही र'ई। लिकिन आसिन मल पत्त'उर गे नेम्‍हा पुथी एन्ने ब'ई का, “एड़पा कम'उर एका पखनन अनभनियाँ बाचर ती ताँड़चका चिच्काचर आदिम कोंड़ा ही कुक्कु पखना मंजा।”

1 पतरस 2:7 ပူးပေါင်းရင်းမြစ်များ

मत्तायोस 21:42

येसुस आरिन बाचस, “नीम नेम्हा पुथी नू इदन मल्‍ला पढ़चका का? ‘एका पखना आबोन राजमिस्‍त्रीर तरकूटी ताड़चका रहचर, आ पखना दिम गोट्टा एड़पन बड़ियर ननू पखना मंजा केरा। उर्बस इदन नंजस, अरा नम्‍है ऎरना नू ईद अकबक र'ई।’

लू‍कस 2:32

ईस नन-यहूदीर गे धर्मेसिन दहदर नन्ना ही बिल्‍ली अरा निंग्‍है निज आलर इस्राऎल गे महबा आबोन ओन्‍द्र'ओस।”

लू‍कस 2:34

फिन सुमेयॊनस आर गे आसीस चिच्‍चस, अरा तंगियो मरियम आबोन बाचस, “ऎरय, धर्मेस ई ख़द्दासिन इस्राऎल नू बग्‍गे आलारिन धर्मेस ती खत्तरत'आ गे अरा बग्‍गे आलारिन खुसमारत'आ गे चज्‍जियस। ईस धर्मेस ती ओन्‍टा चेताब'अना ही चिन्‍हा र'ओस, लिकिन बग्‍गे आलर ईसिन हींड़'ओर।

लू‍कस 20:17

फिन येसुस आर ही तरा ऎररकी बाचस, “फिन ईद एन्‍देर नेम्हा पुथी नू लिख्रकी र'ई? ‘एका पखना आबोन राजमिस्‍त्रिर तरकूटी ताड़चका रहचर, आ पखना दिम गोट्टा एड़पन बड़ियर ननू पखना मंजा केरा।’

यॊहनस 4:42

अरा आर आ आलिन बाचर, “ऎम आसिन पत्ताचकम, निंग्‍‍है बाचका ती लेका मला, अक्‍कुन ऎमिम मेंजकम अरा अक्‍कम होच्‍चकम मा‍निम नू ईसिम गोट्टा ख़ॆख़ेल ही नाड़ुस हिकदस।”

त‍इरकर 26:19

इदगे बॆलायो अग्रिप्‍पा, ऎन आ मेर्ख़ा ता देखार आबोन पॆस्रकन।

रोमी 10:21

लिकिन इस्राऎलर ही पत्त नू धर्मेस ब'अदस, “गोट्टा उल्‍ला ऎन मल पॆस्र'ऊ अरा हुलहुली ननू आलर तरा इंझ्र'आ गे ख़ेक्खन पस्‍ती नंजकाचकन।”

रोमी 15:31

ख़ने ऎन यूदेया ता मल पत्त'उर ती बछ्रका र'ओन, अरा एकदन ऎन येरुसलॆम ता पत्त'ऊ आलर गे बरार आबोन ओन्‍द्रदन अदिन आर रिझ गने इंझर'ओर।

2 कोरिन्‍थ 2:16

जोक्‍क आलर गे खे'आ गे खे'अना ही महक अरा जोक्‍क आलर गे उज्‍जा गे उज्‍जना ही महक र'अदम। इबड़ा कत्‍था गुट्ठिन नना गे नॆखा जॊगे र'ई?

कोलोस्से 2:10

अरा आस नू नीम निंद्रकादर, एकास उर्मी अक्स'उर अरा अदिया गुट्ठी ही अक्स'ऊ हिकदस।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

इब्रानी 11:31

पत्त'अना ती राख़ाब रन्‍डी तंग्‍है नगरे ता मल पॆस्र'ऊ आलर गने मल नठारा। ईगेका आद ईस्राऎल ही गम'उरिन दौ गने परघाचा।

इब्रानी 4:11

औंगे नाम आ ख़न्न ऎख़्रना अड्डा नू कोर'आ गे बग्‍गे तिहा नन्‍दत नेक‍अन, लिकिन आर एकासे नंजर अन्ने नाम धर्मेसिन मल पॆस्र'ओत होले, खत्र'ओत क'ओत।

1 पतरस 1:8

आसिन नीम मल्‍ला ईरका अन्नु हूँ आसिन चोन्‍हा नन्दर। नीम आसिन मल ईरका ती हूँ अक्कु आसिन पत्त'अदर ती तेंगा पोलना रिझ अरा कोड़हे मईन गने रिरयारदर।

1 पतरस 2:4

नीम गा मसीस गुसन बर'आ, एकास धर्मेसी मन्दिर ही उज्जना पखना हिकदस। आस आलर ती तरकूटी नन्तारकादस, लिकिन धर्मेस ती चाजरका अरा आस ती कोड़हे मईन ख़क्ख्रका र'अस।

1 पतरस 2:8

अरा अउरिम नेम्हा पुथी ब'ई का, “आस आलर गे मूड़ना ही पखना अरा आर गे थोथमारना ही चचड़ी र'अदस।” आर धर्मेसी कत्थन मल पॆस्रना ती मूड़नर। ईदिम आर गे धर्मेसी मने रहचा।