1 पतरस 2:25 - पुना गच्छरना NT (BSI)

²⁵ मानिम नू मुन्द नीम बेहड़ारका भेंडो लेक्‍खा रहचकर, लिकिन अक्‍कु निम्‍‍है जिया गुट्ठी ही ख़ापुस अरा ईरु-ख़ूजुस मसीस गुसन किर्रका बरचका र'अदर।

1 पतरस 2:25 ပူးပေါင်းရင်းမြစ်များ

मत्तायोस 18:12

एकअम आलासी सौ गोटंग भेंडो र'ई, अरा अबड़ा ती ओन्‍टा इबस्र'ई क'ई होले, आस एन्‍देर ननोस? आस निनान्‍बे गोटन परता नू अम्‍बोस ती क'ओस अरा आ एबस्रकन मानिम नू बेद्दोस।

मत्तायोस 9:36

येसुस गोंहड़न ईरयस ख़ने आस गे आर ही मइय्याँ सोग्‍गे लग्‍गिया, एन्‍देरगेका आर ख़ापुर मलका भेंडो लेक्‍खा भिड़कारका अरा बींड्रका रहचर।

त‍इरकर 20:28

औंगे निम्‍है पत्त नू अरा धर्मेस तंग्‍है ख़द्दासी ख़ॆंस ती ख़ीन्‍दका तंग्‍है कलीसियन ख़ापा गे नेम्‍हा बॊलतस निमन ईरू-ख़ूजू उइय्का उर्मी खोंड़हा ही पत्त नू चिहुंक र'अके।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,

इब्रानी 3:1

औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।

इब्रानी 5:2

आस मल बुझ्र'उर ती अरा बेहड़ारका आलर ती लुदऊ जिया ती कछनख्र'ऊ आलस र'अदस, एन्‍देरगेका आस तान हूँ तंग्‍हा नू एन्‍ने पयहा आलस र'अदस।

1 पतरस 3:20

अबड़ा बॊलता गुट्ठी ईर हिकनर का, एका ओर्तर चिरान नू नूहसी परिया नू आस कोहाँ डोंगा कमना उल्ला गुट्ठी नू धर्मेस कोड़हे कयास गने पाब ऎरा लगियस ख़ने, आसी पॆसकन मल पॆस्रर। आ कोहाँ डोंगा नू जोक्कोर लेका आठ आलर लेका बया बहड़ी ती बछरर।

1 पतरस 5:4

नीम एन्ने ननोर होले, इकला मुध महरस दहदर मनोस, आ बारी नीम तंग्है बिल्चनन मल अम्बना महबा अरा मईन ही मुकुटन ख़क्खोर।