1 पतरस 2:24 - पुना गच्छरना NT (BSI)

²⁴ आस नम्‍है पाप गुट्ठिन तंग्‍है मॆद नू चेड्डस ती क्रुस नू अरगियस, एकत्रु नाम पाप नन्नन अम्बदत ती उजगो उज्जना उज्जा ओंग्दत। अरा आसी लौर मोक्का ती नीम उजगारका र'अदर।

1 पतरस 2:24 ပူးပေါင်းရင်းမြစ်များ

मत्तायोस 27:26

ख़ने पिलातुस बरब्‍बसिन आर गे अम्‍बियस। अरा येसुसिन कोर्रा ती लौ'अरकी क्रुस नू ठोक'आ गे रोमी सैनर गे सों‍पचस।

मत्तायोस 5:20

ऎन निमन ब'अदन का निम्‍है नलख यहूदी नॆग सिखाब'उर अरा फरिसीर ती दौ मल र'ओ होले नीम मेर्ख़ा राजी नू इकला हूँ मल कोर'ओर।

मत्तायोस 8:17

येसुसी इबड़ा नलख ती धर्मेसी कत्‍था तिंगू यसायास ती बाचका कत्‍था पुरचा। एकासे का, “आस नम्‍है पयहा गुट्ठिन तान भोगचस अरा नम्‍है रोगे गुट्ठिन चॊदस।”

मरकुस 15:15

ख़ने पिलातुस गोंहड़ा आबोन खुसमारत'अना ही मने ती बरब्‍बसिन आर गे अम्‍बियस। अरा येसुसिन कोर्रा ती ल'अरकी क्रुस नू ठोक'आ गे रोमी सैना गे सों‍पचस।

लू‍कस 4:18

“उर्बासी बॊलता एंग्‍है म‍इय्याँ र'ई, इदगे का आस एंगन कीड़र गे दौ कत्‍था मेन्‍त'आ गे चज्जिकादस। अरा आस एंगन हॆंरकारिन बछरनन तेंगा गे, अरा अन्‍धारिन ऎरत'आ गे, अरा ओर्मा तिरख़रकारिन छोड़ाब'आ गे,

यॊहनस 1:29

दोसर उल्‍ला यॊहनस येसुसिन तंग्‍है तरा बरना ईरयस ती बाचस, “ऎरा, ईस धर्मेसी भें‍डो ख़द्दो, ईस दिम सौंसार ही पापन ओथ्र'ओस।

यॊहनस 19:1

फेन पिलातुस येसुसिन हो'अरकी कोर्रा लौताचस।

त‍इरकर 10:35

आलर एक‍अम हूँ राजी ता र'ओर आर धर्मेसिन एल्‍चनर अरा एन्‍द्रा दौ र'ई अबड़न नन्नर होले धर्मेस आरिन इंझ्रदस।

त‍इरकर 10:39

आस एन्‍देर एन्‍देर यूदेया राजी अरा येरुसलॆम नू नंजस अदही गोवाह ऎम हिकदम। आर आसिन क्रुस नू अरगर ती ठोकचर ती पिटियर।

त‍इरकर 13:29

आर आसी पत्त नू नेम्हा पुथी नू लिखचका जम्मन नंज मुंजका ख़ॊख़ा, आसिन क्रुस ती एत्ताचर अरा मसड़ा नू उइय्यर चिच्‍चर।

त‍इरकर 5:30

नीम गा येसुसिन क्रुस नू ठोकचकर ती पिटकर चिच्‍कर, लिकिन नम्‍है पूरखर ही धर्मेस आसिन केचका ती उज्‍जताचस।

रोमी 6:11

नीम हूँ निमन पाप ही सवंग गे केच्‍च ख़च्चिका अरा मसी येसुस नू धर्मेस गे उज्‍जना अख़के।

रोमी 6:13

नीम निम्‍है मॆद ही अंग गुट्ठिन मलदौ ही कमहड़ मना गे पाप गे अमा थोप'आ। ऊजी नू निमन धर्मेस गे थोप'आ। एन्‍देरगेका नीम केच्चकर केरकर, लिकिन अक्‍कु निमा पुना उज्‍जना र'ई। औंगे निमा मॆद ही अंग गुट्ठिन दौ नन्ना कमहड़ बेसे धर्मेस गे बउर'आ।

रोमी 6:16

नीम मानिम अख़दर का नीम निमन एका ओर्तस गे मन'आ गे बिट्ठी ननू जॊंख़स बेसे चि'अदर होले मानिम नीम आ आलासी बिट्ठी ननू जॊंख़ र'अदर। अन्ने नीम पाप गे बिट्ठी ननू जॊंख़ र'अदर होले, अदही बनी खे'अना र'ई मलता नीम धर्मेसिन मनदर होले आद निमन उजगो कम'ई।

रोमी 6:2

कहियों मला! मानिम नू अन्ने नन्ना मल्ला। नाम गा पाप नन्नन अम्‍बकत ती पाप नना गे केच्‍कत केरकत, ख़ने नाम अउरिम पाप नन्‍ते उज्‍जा पोलदत।

रोमी 6:22

लिकिन अक्‍कु नीम पाप ही सवंग ती अम्‍बरकर ती धर्मेसी बिट्ठी ननू जॊंख़र मंजका र'अदर। ईद निमन नेम्‍हा उज्‍जा गे कड़हाब'ई। एकदा ही ख़ंजपा र'ई जनमजुग ही उज्‍जना।

रोमी 6:7

एन्‍देरगेका एकास केच्‍चस आस पाप ही तबे ती अम्‍बरदस।

रोमी 7:6

लिकिन अक्‍कु नम्‍है म‍इय्याँ पॆसका राजी मल ननी। नाम अदगे केचका आलर बेसे र'अदत अरा ईद नम्‍है म‍इय्याँ सवंग नना पुल्‍ली। अक्‍कु नाम पच्चा नॆगन पॆस्रना ती मला नेम्‍हा बॊलतासिन पॆस्रना ती धर्मेसिन पुना घत ती तेतर-सुसर नना ओंग्‍दत।

1 कोरिन्‍थ 15:3

ऎन ख़क्‍खका कत्‍था अरा कोड़हे मुध एन्ने बाचर ती निमा गे अंड़सताचका कत्‍था ईद हवे का, नेम्‍हा पुथी नू एकासे लिख्रकी र'ई, अन्नेम मसीस नम्‍है पाप गुट्ठी गे केच्‍चस।

2 कोरिन्‍थ 6:17

औंगे उर्बस एन्ने ब'अदस, “मलदौ आलर ही मझी ती उरखा ती तरकूटी र'आ, अरा सोतबोड़'आ आलॊन अमा एवंसड़'आ, ख़ने ऎन निमन इंझ्र'ओन।

गलातिया 3:13

मसीस नमा गे सर्पारस अरा ई लेक्‍खा नॆग ही सर्पारना ती नाड़ियस। एन्‍देरगेका नेम्हा पुथी नू लिख्रकी र'ई अन्ने मंजा, “नॆकन कंक नू ठोकतार'ई, आस सर्पारकादस।”

इफेसुस 5:9

एन्‍देरगेका बिल्‍ली ही ख़ंजपा नू उर्मी दौ अरा उजगो अरा मानिम र'ई।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

कोलोस्से 2:14

अरा मूसासी पॆसका ही लेक्खा नम्‍है बिड़दो नू लिखचका पाप ही लिखन धर्मेस मेटचस चिच्‍चस। अरा धर्मेस आ लिखन जम्मन मसीसिन क्रुस नू ठोकचस ती नटचस।

कोलोस्से 2:20

नीम मसीस गने केचकादर, ख़ने आस निमन ख़ॆख़ेल ता बॊलता गुट्ठी ही सवंग ती अम्तारका केरकादस। औंगे नीम एन्देरगे अक्कु गूटी ख़ॆख़ेल ता आलर लेक्खा अदही नॆग गुट्ठी नू एन्ने ऎकालदर का,

कोलोस्से 3:3

एन्‍देरगेका नीम गा केचकादर, अरा निम्‍है उज्‍जना मसीस गने धर्मेस नू नूख़ूरकी र'ई।

इब्रानी 10:10

ई लेक्‍खम आसी मने ती नाम येसु मसीसी मॆद ही उनीम हॆल दाँड़े मन्ना ती नेम्‍हा मन्‍तारका र'अदत।

इब्रानी 10:5

इदगेम येसुस ख़ॆख़ेल नू बरना बेड़ा नू धर्मेसिन बाचस, “दाँड़े अरा दान गुट्ठिन नीन मल बिद्दकय, लिकिन एंगा गे ओन्‍टा मॆदन दाँड़े अरग'आ गे सपड़ाचकय।

इब्रानी 12:13

अरा नीम निम्‍है उज्‍जना नू उजगो डहरे नू ऎका। होले निम्‍है उज्‍जनन ऎररकी निम्‍है गने चॊंख़्र'ऊ लेड़ह'ऊ आलर अउर हूँ लेड़हना ती नास मल मनरकी उजगार'ओर।

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

इब्रानी 9:28

अन्नेम मसीस हूँ बग्‍गे आलर ही पाप गुट्ठिन ओथ्र'आ गे ओंग्‍होन दाँड़े मन्‍तारस। अरा आस दुसर खेप बर'ओस। आस पाप गुट्ठिन चॊद'आ गे मला, लिकिन एकार आसी पाब ऎरालनर आर गे नाड़रनन ओन्‍द्र'ओस बर'ओस।

याकॊब 5:16

औंगे नीम निम्है पाप गुट्ठिन ओर्त ओर्तर नू तेंग्र'आ, अरा ओर्त ओर्तर गे गोहरार'आ, होले नीम उजगार'ओर। उजगो आलासी गोहरारना सवंगिय र'ई, अरा इत्रु ती कोड़हे नलख मना ऊंगी।

1 यॊहन 2:29

धर्मेस उजगो र'अस एन्ने नीम अक्का र'अदर होले, एन्द्रा उजगो र'ई अदन ननू ओर्मर धर्मेसी ख़द्दर र'अनर एन्ने हूँ अक्का र'अदर।

1 यॊहन 3:7

अना दुलार ख़द्दारो, नॆख'आ ती हूँ अमके बेहड़र'आ। एकास उजगो नलख गुट्ठिन नन्दस, आस मसीस उजगो र'अना लेक्खा तान हूँ उजगो र'अस।

दहदर मंजका कत्‍था 22:2

अरा आद नगरे ही मझी ता मुध सड़क नू बाह'आ लगिया। अरा ख़ाड़ ही ई पक्खे अरा आ पक्‍खे उज्‍जना ही मन्न गुट्ठी रहचा, अरा अबड़ा मन्न बारा रकम ही ख़ंजपा चि'आ लगिया, अरा अबड़ा ओन ओन महिना नू ओन ओन रकम ही ख़ंजपा चि'आ लगिया, अरा अबड़ा मन्न ही अतख़ा गुट्ठी ती उर्मी जाती जाती ता आलर कोड़े मना लगियर।